我小朋友校車都要搭35分鐘啦!呢D時間唔係問題
我朋友當年又係咁做,佢老婆根本就唔想湊BB,放係男家到4歲先接返自己湊,小小野就發個仔脾氣 
係，做人父母唔止要養大小朋友，仲要身教，響佢身體陪佢成長。長期分開真係好影響小朋友成長同親子關係。搵食緊要，但唔代表可以咁就丟低湊小朋友個責任比祖父母，咁係對祖父母同小朋友都不負責任。
響工作上調整下，湊返小朋友返屋企啦，趁佢仲細，仲有機會彌補童年親子時光。
2個讚
連埋等車40分鐘好快喎。我d小朋友返學一小時，一個東一個西。
我有朋友真係有你所講既問題，不過係講緊車程超過70分鐘。最後因為家人唔肯幫忙，都係返屋企住。佢地住公屋。
小朋友細個同父母相處好重要，我細個都係跟公公住，7歲先同返父母一齊，依家睇返真係同父母感情冇其他兄弟姊妹咁好。
多謝大家既回覆，意見
請恕我暫時不逐一回覆
咁多年黎，我成日都諗緊到底點樣先可以接返小朋友跟父母，提出過既方案，另一半總係一一推卻，我唔敢膽落決定，亦冇呢個決定權
錯失小朋友成長，同小朋友關係呢啲都係我在意既野
如果等小朋友大啲再返出黎做野，學歷限制之下，肯定之後搵唔返一樣人工，甚至連自己可以做啲咩工我都唔知，咁多唔確定我唔敢膽去博
小朋友而家返半日，平日夜晚放工都會去長輩家，不過就唔係每一日
而家擔心小朋友之後會主動提出想參加星期六學校課外活動，或之後怪責唔同住所以唔可以參加之類
你唔係佢地阿媽？咩叫你冇決定權？咁生嚟做乜9？
5個讚
係居住環境問題？
由幼稚園開始？
我情況有點相似，不過是帶小朋友走來走去。
好多課外活動在平日，就報名個d啦。周六日既就唔報名。
我就算同小朋友一齊住，都會周六日唔俾報名課外活動，因為周日要去教會，周六要去外家。剩係去平日既課外活動已經好夠。
3個讚
我exactly係樓主呢個情況，不過我對仔女好細，一個幼稚園一個bb，本身打算大果個升小一就搬返近父母方便照顧，樓都買定係度等時間一到就搬，始終小學功課緊張唔日日睇真係唔得，公公婆婆只可以負責接送俾2餐佢食，其他野要父母親自跟返
3個讚
好多雙職家長都係請工人，冇工人咪放學去補習社/課外活動，收工接返。
1個讚
小朋友幾細都係好需要父母照顧，雖然話六歲之前係冇乜記憶，但係重要時刻冇咗就係冇咗。
分享吓我兩個朋友嘅故事：
我舊同學嘅情況又係一樣，滿月後交俾外公外婆湊，相距五至10分鐘步行路程，外公係退休小學校長，負責教，朋友盡量每晚返去陪仔女，星期六日湊返嚟，期間小學我舊同學辭工諗住接返佢哋返屋企好好跟功課，但之前已經關係疏離，關係幾差，唔聽媽媽話，最後佢都係返返工又再交俾外公外婆湊，兩夫婦成日帶小朋友去旅行，但物質幾豐富都補唔返。
我另一個朋友自小就交比一個退休補習老師嘅親戚屋企照顧，到中學接返屋企住，父母就好縱佢，返學搭的士好多物質生活。
係年中，我呢位朋友同佢太太就移民咗去英國，臨飛之前一星期先通知父母。
小朋友有唔舒服、或是有什麼需要，好想搵父母，父母就將自己交俾其他人照顧，自少就培養習慣唔需要父母，呢啲孩子雖然睇嚟比較獨立，你覺得好唔好？
1個讚
我一個星期2日係外家訓，我2個小朋友不知幾痴我，完全冇問題，我覺得小學前呢個安排係work
真係唔怕得罪都講句，由bb 餵夜奶、哄瞓覺、半夜唔舒服要成晚睇住佢、賴尿換褲換床單⋯⋯唔係父母嘅責任？
點解會交咗去上一代到？
4個讚
餵夜奶、哄瞓覺、半夜唔舒服要成晚睇住佢、賴尿換褲換床單，我唔係用責任去睇，呢啲全部都係美好嘅回憶，雖然孩子可能已經忘記咗，但最重要嘅安全感冇咗就係冇咗。
我都理解唔到，個心肝寶貝交俾個幾專業嘅人都好，始終都唔及自己照顧，自己同孩子嘅連繫斷咗就係斷咗，對孩子成長都有好大影響。
有人話幼稚園之前可以唔一齊住，小朋友都好痴自己冇問題，嗰種痴身係一種訊號，耐左得唔到回應就會變成習慣，小朋友心水好清，只會覺得你唔理解佢需要。
10個讚
你覺得有問題，我覺得冇問題喎，你做到ftm係你叻，唔使咁踩人嘅，你點知人地背後付出左Ｄ乜，你點知人地點湊，你只係睇到人地表面個浸
2個讚
希望我冇令你唔舒服，如果有很抱歉。
就算係F TM，都有極多例子長大後關係疏離，我就係其中一個，我媽媽對我童年有好深遠嘅影響，我花咗好多時間去療癒自己，我先至留意到童年成長係咁緊要，我因為生小朋友睇到好多親子書，起碼超過30本，但係實戰起嚟都唔係容易，唯有大家邊學邊做。
每個家庭都有唔同因素影響親子關係，可能我身邊暫時未見到有像你們的例子係成功的。
我都希望你能成為成功例子，可以比其他媽媽作參考同鼓勵。
係現今社會，本身就係對媽媽好苛刻，無論你係ftm定wtm 都會聽到唔少說話，每人嘅選擇各有原因，只要認真照顧，小朋友都會感受到，加油！
17個讚
咁星期六參加唔到活動嘅原因喺邊度？
如果星期五晚係自己接返屋企嘅、咁星期六咪送返佢返學校參加。
如果係星期六要返工、通常活動係會一早出通告、咁咪請定假。 如果係逢星期六都有嘅恒常活動、咁咪你請幾日、先生請幾日、仲有唔得嘅日子揾長老幫手幾日、一個學期都係十幾個星期遮。
你係嫁左人、唔係賣左身、一頭家大家有份、唔可以話邊個話事邊個冇決定權、更何況你都講得出你份人工唔低、頭家都要靠你養、如果喺某啲位你覺得係對小朋友有好唔好嘅影響嘅、咁硬又好軟又好、都要諗方法要行你覺得應該行嘅野。
明白你諗法
好難兩全其美
諗下你最想要乜啦
我本身都咁諗，之後我嘗試退幾步，可能佢哋兩公婆份工唔容易請假？ 咁樣講可能會好似 「何不食肉糜」…
平日參加好啊，星期六日可以同佢周圍去!