我只係覺得生仔湊仔困難自己可以克服，學習，但時勢係個人冇能力改變，點解一句唔想後悔、乜都解決到、唔係話生就生，隨緣就漠視而家個政治環境？
以前避孕唔普及冇得講，而家咁易點解唔考慮多少少？究竟有冇深究下個局勢？睇下歷史？知唔知新疆係點？冇自由係去可以到咩程度？咩叫做反人類罪行識唔識？仲喺度諗大個送佢出去讀書叫佢自己移民？你有見過新疆西藏自由行去外國咩？
香港今鋪真係玩完㗎喇，不喜勿插
1個讚
再講又話反生仔，算啦，各人有各自命運。
3個讚
我冇反生仔，我只係話唔移民唔好生。我個心都係想香港有香港人，但既然有人主動講自己個情況，我就不客氣老實講我相信嘅事
新疆模式會點？我求其講五樣：
1）強制絕育／墮胎，唔比你有後代
2）迫你食豬肉要你違反信仰
3）當衆強姦婦女要群眾冇表情冇反應
4）禁止講本地話一定只講普通話，絕你語言
5）唔可以同家人住，各自入營
呢啲你可以當fake news ，但難得香港有Google同YouTube ，求其睇下你睇下你信定唔信，外國話制裁大陸，你信外國定信大陸？定係自己呃自己香港只會變上海？
我連人都唔想做，希望香港變新疆前死咗去，仲有人生B？真心你係咪冷血到咁要咁累下一代？
老公唔湊，婆媳問題，濕疹，搵學校，SEN呢啲算得係乜？你哋猛大對眼睇下新聞啦
猶太人三十年代喺德國，聞到陣味嗰啲，你而家如果可以穿越，你問佢仲生唔生？仲走唔走囉
3個讚
我只係打新疆兩個字就出以下呢條，自己睇啦，可以唔信嘅：
https://www.google.com/amp/s/www.thenewslens.com/amparticle/146986
我雖然唔贊成生仔，我亦接受唔到小朋友係呢個政權下成長。但我發現，對好多人黎講，你講既理由並不重要。我試下認真答下。
中國有人生仔，新疆有人生仔，蘇丹有人生仔，北韓有人生仔，猶太人當年都有人生仔。生仔真係某D人既天性黎。對好多人黎講，有愛心對小朋友，重要過社會環境。
大概每個人既priority 唔同。有人可能覺得，洗腦教育+愛心家庭，會好過小朋友無出過世。
就算去到新疆模式，大部份人都會認為（某部分是事實）唔會輪到我住。又或者，對佢黎講，移民失敗既機會，大過被勞改既機會。
最後，就算你講既係岩都好，好多人都係害怕改變。還心存希望香港會不變，或者希望變唔多，自欺欺人。
5個讚
冇錯，但而家樓主係掙扎緊，所以我比我嘅答案佢，其他已經備孕我當然唔出聲，人哋都決定咗
你講嘅地方，唔係好似香港咁兩年內急跌，有兩個一大一小政權出盡力摧毀香港，住喺香港咁都feel唔到呢兩年嘅崩壞，想像唔到將來會點，咪冷血囉
中國、北韓、蘇丹冇得比較，佢哋根本唔知外面係點
新疆我相信唔會有人想生或生到
猶太人當年就係好多人唔信唔肯走就生
喺香港，資訊自由，有得避孕，身邊咁多人走，自己唔走仲生，已經係罪
2個讚
其實呢類人生唔生，我唔會嘥口水講，佢接受咪得。
我係唔明點解有班人明知個政權咁樣都要生啫。
如果愛可以解決到，就唔會咁多人走難咁走。
番喺香港生無問題，最緊要接受現實，唔肯面對香港問題同大陸班小粉紅一味唱好無分別。
2個讚
重點，香港人尤其呢一代做得父母嘅，應該係well educated, 唔可以同發展中國家比。
1個讚
呢度係親子論壇，好多人好恨生仔，希望大家語氣唔好咁重… 咁重無法說服他人。
唔係講樓主。好多人真係好鍾意小朋友，雖然佢地唔鍾意政權，但前者重要過後者。佢地寧願小朋友接受自己唔鍾意既政權統治，都好過小朋友無出過世。
有人覺得帶小朋友去過唔美好既世界好殘忍，也有人認為帶都唔帶小朋友黎世界更殘忍。好多黃既父母一講到仔女，就寧願仔女順服政權安穩過生活。無小朋友既人唔會明。
4個讚
其實呢個post, 甚至上一個post, 我都唔覺大家語氣重，只係講出事實。如果父母認為順服可以換嚟安穩，就承認。我亦都講過，留港的話寧願小朋友做港豬，應該最安全。
題外話，
To be honest，運動時期我係唔俾我女出去的，風險嘢理應大人做。
家長心態，為左保護佢哋情願佢哋做港豬。
但到以家佢真係成為一隻純種港豬，我心又難過。
尤其見到咁多細路仔入獄，就更加覺得自己其實都係自私L。
3個讚
我都認㗎，為細路，我一定好L 自私。
叫人生仔唔係想批鬥班父母，只係好心痛d 香港細路要承受種種，除非父母係黑警、藍絲，我就無同情心。
1個讚
只係想留係香港生仔就係仆街，幾愛佢都冇用咁，仲代埋人啲仔女講佢哋會好憎你會怨你，如果未生嘅少啲信心都會嚇親。
本身生仔已經係一個巨大轉變，未生嘅都會有啲迷茫同不安。如果陀緊有少少情緒，見到BB會憎自己一世真係唔知每一日點捱落去。
事實係咪每個小朋友都唔想出世，會怨恨父母生佢出來呢？
生仔都要求支持和應？
一諗就諗要有幫手湊BB
生仔真係兩夫妻嘅事，上得論壇，預咗有唔同意見。
淨係想講：97前生嘅人，一樣大條道理話97後生嘅人；2014前生嘅人，都會一樣話之後生嘅人。
總之，兩夫妻有共識就OK。
我之前同朋友傾偈，佢WhatsApp咗句 quotes俾我，我同大家分享吓
8個讚
講事實＝語氣重，真野唔好攞黎講，係講都婉轉D。
其實好多媽媽覺得自己既母愛大到重以彌補政權帶黎既傷害。愛無得量度，無得話人唔岩。
3個讚
野豬響大陸都係保護動物
真心而家衰過大陸
而家係每個人都會成為榮華臘腸
反抗又話反抗
唔出聲，底線去到影響你衣食住行
當然有d人要覺得揾條繩綁住手腳先叫做無自由
咁我都費時講
3個讚
港豬唔會安全，野豬夠純啦，咪又係被政權撲殺
你決心生我就唔會出聲，再講一次︰我只係見樓主有掙紮我先講，佢既然決定唔到，我就出聲表達我意見
你睇樓主個款，都係驚移民多過留港個細路將來幾慘啦
親子論壇，就係緊張下一代，更加唔應該呢個時勢生
2個讚