移民如果而家都未開始準備就不如當唔移算
TB test 都唔易 book
變心揾嘢嚟講
仲好似50年前咁生仔留男人
大把生幾個，男人都一樣變心
生左女，又話要生仔
咪玩啦
又唔見男人冇仔生，女人揾第個生
4個讚
而家應該唔係太難
1個讚
講中呀！真係好苦惱
其實去到邊到生活都有唔同問題，我朋友自細喺歐洲生活長大
一樣遇到好多唔同問題 eg.歧視、社會制度問題等等
當然每個人嘅際遇唔同，樓主只要唔好太執著，將問題無限放大，咁你喺邊度生或邊度生活都可以
我個人覺得所有問題都有解決方法嘅，無絕對好，只有相對好嘅啫
2個讚
乜做人有開心到, 好想帶多個人黎呢個世界enjoy 咩? 真係好奇點解其他人生活得咁開心.
我自己又唔係話好唔開心, 但肯定冇開心到覺得好想帶個人黎體驗
4個讚
你可以話香港仲比亞洲好多地方好，係事實，但同時間香港既崩壞一定係最急速，香港將來亦唔會好似內地大城市咁，因為個黨係想內地城市好，但係開行turbo想整死香港，新疆模式呀，唔聽話要特別處理呀，點會似上海﹖
有時人真係好恐怖，你話2019年年頭都仲有得講，到今時今日仲有人話怕自己後悔而生，淨係諗自己，有冇諗過個細路﹖佢係咪想出世﹖廿年後佢喊住問你做乜2021都仲諗住生細路又唔移民，你會點答﹖係咪答佢因為你自己唔想老咗後悔﹖
諗起都心寒
2個讚
如果自己唔打算移民，下一代鍾意嘅可以自己搞移民，最多係難d，唔似而家可以用BNO、救生艇閃人。不過到時唔好拖仔女後腳，情緒勒索唔比佢走就真。
2個讚
我聽到小朋友狂喊尖叫會好忟
我老公就冇野
呢個問題真係好個人, 但就嚟變月經文。生同唔生派既討論其實係雞同鴨講, 根本唔會有結論。你同你老公商量衡量過就可以決定, 問太多人意見其實冇咩用, 畢竟每個人價值觀唔同。另外, 無論生唔生都會有人話你自私, 不過自己人生自己負責。
至於講咩驚小朋友將來怨你生佢出嚟既, 唔好意思, 我覺得係父母教育問題。
9個讚
唔好講政治，窮人唔好生仔呢句嘢係現今年輕人嘅寫照。
有時真係要現實d 諗，無論香港環境、家庭環境適唔適合生小朋友。
香港大把Case 大陸女人嫁阿伯生仔女為上公屋，個女人未必唔愛仔女㗎喎，咁佢哋情況係咪真係啱下一代成長？
2個讚
佢話佢心理上ready
窮/ 今日香港 唔生好過生…
咁即係樓上指嘅「得把口ready」
4個讚
唔講大氣候
淨講生左對住個B已經要面對既野
生完自己湊定邊個湊？
自己湊無左一半收入 ok?
請人湊都無左成萬一個月ok?
Up to 6歲無哂所有私人時間ok?
預備好生果下痛到癲未？生BB可能會死怕唔怕？
起碼半年夜晚無得瞓ok?
上唔到奶谷奶含膿 ok?
餵唔到人奶餵奶粉比人話 ok?
奶奶以後入侵你生活ok?
3小時餵奶直到6個月，然後加固仲麻煩
沖涼換片 daddy 真係ready 一齊輪?
識爬之後要每秒鐘跟住佢
然後煩playgroup, N，k, 小，中
而家N係 expect k1 level, k1 expect k2 level, 小一expect 小二，你準備好一齊趕未？
仲有興趣班，親子活動，戶外活動，時間同錢邊度唧出來 諗好？
唔係講笑，煩到寫唔到哂
14個讚
我覺得只要有一個唔生嘅理由，就唔好生了。
我同另一半都只有生嘅理由，所以去馬，但去到生唔生第二個嘅時候就有唔生嘅理由，所以stop。
如果真係想生，就先要解決左「唔生嘅理由」先去馬。
樓主係一個鐘意自尋煩惱嘅人，我都係咁架。
不過如果淨係諗問題而唔識解決嘅叫：杞人憂天，諗好多問題出黎跟手諗防範措施嘅叫：未雨綢繆。
樓主係杞人憂天type
5個讚
生仔從來都應該係女人自己既決定. 千其唔好因為男人想生而生. 係要自己想生先好生. 仲要預計埋, 有咩事要離婚, 單親都湊得掂. 萬一生左自閉, adhd 濕疹都唔後悔, 會愛小朋友先好生.
自閉, adhd 濕疹呢啲真係好common, 已經唔計啲嚴重病, 樓主係咪真係有心理準備, 財務準備, 準備放棄起碼十年自由去湊仔.
個男人想生, 佢係想有後代咋, 唔係想湊仔.
7個讚
如果想要唔生既討論, 就係呢度
3個讚
先問自己同老公,係唔係鐘意小朋友,有咗小朋友肯定會辛苦,因為肯定會無咗好多自由,謙煩或阻礙自己Enjoy自由生活,唔鐘意小朋友就真係唔好諗. 現今邊個時勢都一樣唔好,普通人生活無非都係安居樂業,除非父母自己冇成績要求,衹係要小朋友開心成長,自然就唔需要理會咩時勢.
1個讚
你講得好好呀，心聲呀
1個讚