呢個post算平和左，上個post先嚇死人，話生仔都係自私L外，仲話女人都係要靠男人，真係10萬個問號。
2個讚
大環境真心唔係自己咁易扭轉就真
講真我地三唔識七，都係講自己諗法
不嬲結婚生仔呢d單靠理性係難進行
2個讚
我又唔覺得難理解：
過往嘅經歷成就今日嘅我。
完全同意。
一牽涉到第二人，已經可以好多變數，難以預料。
所以真係要靠自己決定。
3個讚
話說我有個好朋友由2019年開始諗生唔生b，佢會講到好多政治問題既擔憂出黎，我見佢諗得咁負面偏向唔生都好支持佢，做人最緊要開心跟隨自己心意，冇人逼佢生。
然後呢個生b話題我地傾完過左排佢又會提出，無限loop，loop 到而家2021年琴晚佢仲煩緊，我懷疑要到佢停經生唔出佢先唔會再諗。
5個讚
有d同轉工分手一樣
係咁loop
其實我覺得你朋友已經決定咗唔生。只不過係心理上或者喺其他人嘅壓力之下，又覺得唔生有問題
所以就搵一大堆理由啦嚟支持自己唔生嘅決定，但係，又因為其他人嘅壓力， 又覺得唔生好似唔好咁樣，所以咪無限咁loop囉。
我估真係要到客觀原因令到佢生唔到，咁佢先會唔再提呢個話題。
2個讚
我反而覺得佢成日提住就係內心深處有d 想生。而家呢個時代應該係仲生受壓力大d 嘛？佢老公直情係唔鐘意細路，所以一開始我覺得咁佢唔生都好順理成章。真係唔想生既呢到都有d會員係好堅定。
1個讚
我覺得佢係想生, 因為唔想生嘅有一個原因就唔會生。佢已經俾左好多原因自己, 但係都仲係仲諗緊。不過老公唔想講咩都冇用~
安慰佢囉，人生唔生仔大把嘢可以做，真係鍾意細路可以做義工，世界上好多小朋友需要我哋幫助
5個讚
我有個朋友都問咗我好多年生唔生好，我就唔敢講真話，因為佢兩公婆都唔鍾意小朋友。有時當佢搵人講吓嘢，我無上心，都無俾意見，淨係叫佢順其自然囉！講真要傾都應該搵另一半傾，話唔定人哋努力緊我哋唔會知。
3個讚
我同上一個Post都係同一樣觀點
香港生, 預左要擁抱大灣區, 接受小粉紅, 事實係冇得改變
如果你覺得有D野更重要, 可以overcome大灣區同小粉紅帶黎既影響, 咁就生啦
所有野都係自己衡量, 冇絕對答案
如果想搵人支持生, 論壇未必做到, 一個理性既論壇唔會得一種聲音
6個讚
我而家一律都係建議心大心細既就唔好生了，未生前都諗到咁多負面嘢又咁擔心，又唔係古代一定要女人生仔，何必呢。真係想生既朋友係好明顯睇得出分別，通常一黎就問點備孕好。
9個讚
係呀。多數想生嘅會自己做吓research, plan吓邊間醫院生，坐月點安排，好少問人生唔生好仲要問好幾年。
你意志堅定所以咪冇煩惱。最怕係想生但又好似唔想生，唔想生既又走去生，成件事錯哂。最緊要係諗清楚自己想要咩，做取捨，呢個世界必定係有得有失。
1個讚
同自己朋友傾都有可能。上論壇問咁私人嘅嘢，其他人又真係好難睇到full picture而俾到意見。
2個讚
對住個女
真係明白好愛一個人仔係點嘅
好sweet嘅感覺
世界上可能好多嘢好灰
但小朋友係帶到愛同希望
3個讚
我又覺得，一講生仔，特別係香港，幾理性嘅人，都會變得好主觀。
而家上論壇傾到既都係得大環境，一律係"唔移民唔好生"，完。但有時想深層次d 討論，朋友傾時可能會講到多d 因素。
例如而家唔移之後有冇機移？有冇錢想走就走到(平d可諗台灣), 本身有冇國籍，會唔會送外國讀書呀，有幾想生，老公咩取態etc.
2個讚
親子論壇係咁姐
其他論壇唔係咁