結婚幾年一直冇話好想要
因為原生家庭唔太開心，搬左出黎太free太enjoy二人生活，加上雙方長老雖然有儲下錢，但都冇咩周詳退休計劃果啲，其中一個仲長期病患已經冇工作多年，自己同老公又唔係專業人士，驚到中年失業唔知顧得邊個，總之就好多野諗
加上依家呢個時勢生好似害左佢咁，但再唔生就高齡，又唔係話想要就有，仲要有多囊
見到親戚朋友啲天倫樂相，好驚自己到中年先黎後悔，但睇新聞又覺得係香港好辛苦，可能真係biological clock問題，我地依家抗拒生B嘅index都低左好多，老公仲話ready想做爸爸
我老公一直覺得我好悲觀，佢覺得我諗太多，最近我問佢，佢話覺得唔生會可惜有遺憾，但如果我未有都咁大壓力，就不如算
我呢排真係諗極都諗唔到 日日都諗到想喊！
P.S, 家庭月入約55k, 供樓約10k sorry for 1999
想生就生,諗咁多做乜
其實呢個世界長期都係咁黑暗,幾時生又有咩分別
我嘅意思係人一世,物一世,如果因為咁多其他因素而影響自己嘅決定,其實好唔自由
希望你同你先生可以按自己嘅意願決定生定唔生,而唔好因為別人/社會左右你地
否則就真係會好後悔
Ammmmm……可能又會俾人鬧。
不過個人認為，留喺香港就唔好生。
有無打算移民？如果有，移左先諗。
如果無，生左後唔好諗著短時間移民。
排除上述因素，經濟看來ok。
睇你講法，你係D唔生會後悔既人，所以試下生啦，試到某個年紀就停。
有冇話諗住移民呢？
係香港生真係好辛苦好有壓力，教育環境又差！
叫人唔好生，我做唔出，我自己都係覺得有小朋友既生活係開心既！
但香港環境…你明既！所以先有咁多人叫「唔好生、累左佢」我又係認同既！
所以大家都認為想要小朋友，不如先考慮移民！
但移左先生？又高齡了
去到外國又冇親人幫手，得老公一個返工又驚大家都搞唔掂
所以先咁頭痕
你要考慮咁多, 即是你都準備比最好的小朋友, 連你另一半都話已經Ready做爸爸, 相信做小朋友一定好幸福! 既來之, 則安之! 
+1
唔計政治環境
香港讀書又chur ，成個社會都好tight
1x年前已經覺得係咁
列個表出嚟，睇下生vs唔生嘅比重。
但我覺得生仔嘅嘢，唔好太計算，話曬唔係你想生就有。呢份係上天嘅禮物。
同老公商量，大家開心見誠咁傾。佢以外嘅人嘅意見，可以不理。
總之，做自己唔會後悔嘅事就0K。
呢句你有無問佢佢點ready? 驚佢到時得把口ready,你就…
想生就早啲生，身體唔會等人，不過，留喺香港就唔好生啦，去到其他國家先造人啦。
頭十二年，你要預咗好多時間都俾哂仔女，不過係值得嘅，我個仔就來18歲，回頭一望，雖然有時會激死你，但俾我再選擇，我都會生佢地出來。
如果你教得好，親子關係好，仔女上到中學你已經自由咗一半，多左私人時間，多左個朋友。
既然好壞參半,不如set個時間比自己順其自然
話時話响咁高壓嘅情況下造B,都未必成事
sorry我坦白講
你地似唔想移民
因為以你地既能力有55k, 供10k樓又唔算多, 有咁既生活已經算唔錯
如果移民, 怕搵唔返咁既人工/怕辛苦, 令自己生活條件向下
本身有D多餘財力, 但萬一出事, 靠老本挨唔得耐
你而家想生仔, 但怕害左佢
其實"怕害左佢"就係好多香港人走既原因
你可以:
p.s. 我自己睇香港, either:
其他國家冇親戚朋友，2個人仲OK，過到去先造人驚搞唔掂
諗得太多只會自己辛苦, 而且亦無一個「最正確」嘅答案。
我係生唔生都得, 而且高齡, 人哋話就算想要都唔係咁易有, 之後我交左俾個天決定, 個天好快咁送左份禮物俾我, 而家日日望住個仔, 覺得好幸福 
但, 我會因為個仔而考慮移民
你能用十幾年自由換另一種快樂，當中你會學會包容，耐性，亦有時提心吊膽，變爆龍及生活重心有改變嗎？我經驗覺得擁有比失去多，值得的
外國人都係咁，生完都無人幫手，係亞洲人先咁大陣仗
我老公一直好想去外國生活
佢話過：如果移民但冇仔女 vs 有仔女但留港
佢會揀前者
當然，如果冇仔女其實係邊都冇咩所謂
但隨住呢排傾，佢又覺得想做爸爸，然後我又loop返去因現實卻步多野諗問題
由於我就高齡，好彩順利嘅話生得黎都1-2年，到時仲走唔走到冇人知，如果走左先，係外國又冇人冇物，湊NB搞唔掂
請問你仔仔幾大了？
15個月, 最近煩佢之後學業嘅問題, 所以更加想移民