人生在世
大把嘢要後悔同可惜
1個讚
你list out d 問題叫佢諗, 唔好你諗啦, 唔係生左出來都係得你諗, 唔洗諗, 講句可惜好容易
呢個post都好多討論
只有仆街生仔先係仆街，如果你自信自己唔係仆街就唔洗諗咁多啦。
你擔心嘅好多都係一啲實際嘅問題，果啲問題係BB出世就會揾到辦法。只要你唔係仆街，會盡心盡力為BB嘅，你地應該會解決到嘅。
我係窮出身加辛苦命，讀書廿年做嘢廿年，有車有樓，有排都未供完。
而家喺香港見到咁嘅環境，有時諗下諗下都兩行眼淚，我連人都唔想做，no offence：我唔明點解仲有人有勇氣生個出嚟
當然你可以話係我咁諗啫
9個讚
當年我係覺得經濟上幫到一個（上車）先生，真係唔忍心佢哋捱咁嘅樓價，但仆街依家仲痴線。
3個讚
話時話：乜會後悔就等如當初決定錯？
我只要考慮清楚決定做／唔做一件事，從來唔會後悔，因為返返去當時考慮所有factors，我都會做同一決定
咁將來後悔又點會關決定錯事？
4個讚
終於有人提出呢個邏輯問題,
(唔關生育事)乜野叫最緊要唔好後悔?
每人做決定都係因為當下性格、客觀環境影響,
就算比你重新選擇, all factors unchanged, 你都係會做多次同一決定㗎啦。
再退一萬步, 有邊個人一生係好完美、冇後悔/可惜嘅事?
唔好再被咩"最緊要唔好後悔"捆綁自己
8個讚
好多謝你回應，我唔講生仔，我好多嘢都後悔：細個唔應該偏食，咁身型會好啲；應該進取啲搵個有錢啲嘅老公；應該揀科專業科目而家移民吃香啲, etc
但我而家生活一樣好美好呀：我細細粒後生好多男仔鍾意，我好滿意我老公，我仲係好鍾意我讀嘅科目同入嘅行業
不過咁，係咪有啲人傾向後悔？我自己絕少後悔，我意思係絕少比後悔影響我心情及人生
2個讚
我認真計過（早幾年有諗過生），如果我生應該係一蚊儲蓄都冇，好大煲
1個讚
呻下做錯決定人人都會,
但去到後悔呢個level, 我信人人唔多唔少都有, my way歌詞所講 regrets, i had a few,
但用到"最緊要唔好後悔", 對我來講會唔會太沉重,
寸D講, 你要後悔ed, 先會知道自己後悔ing,
咁你又點proof到"最緊要", 因為你永遠唔會知幾時先"最緊要",
悟已往之不諫, 知來者之可追, 做到呢點已夠, 做人已好難, 唔好再去追求追唔到嘅"最緊要唔好後悔"
1個讚
我和朋友有不同睇法：
朋友係教徒，認為生小孩如同將罪孽或苦難延續到下一代，與其要小朋友承受痛楚，不如將痛楚到自己身上終結
我自己想有小朋友，係因為想見證生命的誕生，某程度上亦為傳承香火負責任，唔想將來孤身一人
想唔想生其實你好清楚…你秤下邊個選擇會令你更為不安就自然唔會揀
2個讚
唔好生，人生痛苦，奴奴役役一生，要面對生離死別又是另一痛苦，充滿無奈
5個讚
太平盛世就話生啫，香港而家各方面都冇保障，醫生又會變曬大陸（到個仔大嗰時），出街又隨時被某部隊打，教育又同上面看齊，打場波都要被人兇嘟安心，遲下你廿四小時喺邊都要跟到，究竟生嚟做乜？樓主又冇計劃移民
2個讚
一家已離開左
小朋友現在讀小學
生之前都十五十六 但個天送左佢比我 我就要對佢佢負責
除左小朋友起居飲食要打點
香港讀書真係太 辛 苦
我小朋友在香港已不是讀名校 只是普通一間幼稚園讀上下班又要爭一輪 當年我小朋友小學派左最尾志願 扣門又攪一輪 壓力大 升小又要為做功課測考煩
屋企又唔係大 有時湊仔辛苦想搵個清靜既地方cool down下都無 周圍都嘈
樓主自己個心ready好未呢?生仔好多突發野
而家個環境又咁樣 又煩多樣
同意樓樓上嗰啲人既諗法 移左民先生
一係就準備定一筆錢早早送小朋友出去讀書先好生
黎左呢度 空氣清新啲 環境好啲 間屋大啲
小朋友返學係好多時間玩 無功課 咁既環境大家唔駛為功課嗌交 我都終於似番個人 唔駛好似係香港日日似癲婆咁哦做功課
9個讚
唔生怕將來後悔，係兩個人承受
生咗但將來後悔，係三個人承受
8個讚
我都試過係企係呢個十字路口猶豫咗好耐，
隊友由口講準備好，到真係知知地(起碼噏到點照顧我同bb，佢會分擔咩職責)點準備。
宜家心態係順期自然，
香港生有可以請陪月/鐘點，有長老，有產假；
外國生應該未必有工番，可以relax d，環境好d。
兩邊都有好處。
我都唔特別想生，好認同下一代生存唔容易。
但既然另一半想有，我都會生同學做好媽媽。
一頭家總有d嘢係互相遷就。
不過呢個話題就睇你先生就你定你就你先生。
有時想BB嚟，都唔係即想即有。
Relax~~
2個讚
講到好似玩笨豬跳咁
16歲冇去流浪
30歲冇試過裸辭
36歲冇試過偷跳
又有冇後悔…嘿
1個讚
**[quote=“kipling, post:90, topic:55670, full:true”]
呻下做錯決定人人都會,
但去到後悔呢個level, 我信人人唔多唔少都有, my way歌詞所講 regrets, i had a few,
但用到"最緊要唔好後悔", 對我來講會唔會太沉重,
寸D講, 你要後悔ed, 先會知道自己後悔ing,
咁你又點proof到"最緊要", 因為你永遠唔會知幾時先"最緊要",
悟已往之不諫, 知來者之可追, 做到呢點已夠, 做人已好難, 唔好再去追求追唔到嘅"最緊要唔好後悔"
[/quote]
衰d講
生又可以後悔
唔生又可以後悔
見人地父慈子孝就爽，自己果個唔係又後悔咁咩
2個讚
我自己最怕係啲朋友同我講，話老公想生我唔肯生，到時老公有第二個
大佬呀！呢啲男人畀我都唔要啦，我唔會因為留住個而累自己一生囉，仲要係… 世上有幾多男人願意分擔/分擔到70%女人既責任﹖70%喎我講緊(因為我最多只願意付出30%，拿我自私，但我夠坦白)
7個讚
實際操作問題：生完邊個湊？屋企夠唔夠空間容納小朋友？？工作時間長定短，多唔多時間陪小朋友？本身照顧者同父母有冇耐性？俾唔俾到愛的家庭俾小朋友？
如果搞得掂咪試下備孕先，因為今時今日不孕都唔少。
移唔移民，讀咩學校，做人邊有得計劃咁多，
今日同聽日既諗法都可以好唔同，做定幾手準備，
要走都容易d走到。
我個人睇法係最緊要小朋友是愛裡面長大，
至於其他就盡人事，聽天命。
7個讚