夏天疫情無甘嚴重
《娛樂已死未？》：2021年，由姜濤開始
——————————
我們想讓你知道的是
要看這篇文，有個先要條件：你必需知道姜濤是誰。你說你唔知道你睇唔到？你咁叻，我幫你唔到。
——————————
-
一個現象：姜濤很紅（同時，MIRROR好幾位成員都好紅）。然後有人會就這個現象發問：姜濤點解會紅？「點解會紅」這問題某程度上其實是在問：憑乜紅？
-
於是有好多人去找原因，並整理出很多原因，但其實就算有人好有耐性地去問每一個姜糖，將每一個姜糖喜愛姜B（注意，我說的是姜B，不是阿B）的原因List出來，整理成數據，將當中最多人提及的幾個原因，綜合成一條「姜濤方程式」，這條所謂方程式，有用嗎？你可以照著這條方程式複製另一個拍得住姜濤咁紅的年輕偶像嗎（「偶像」一詞純粹中性，不含任何貶義）？
-
就像高中時讀歷史，教科書會將朝代更替的種種原因點列出來，似乎已經很清楚地一一交代某朝代為何覆亡，而某班人又為何能夠取而代之，從而改寫歷史，但這些原因，都是事後才由史家去找出來，經過好多年後再被寫教科書的人，綜合成一點點，方便學生如我去死背爛背，但即使有學生將這些原因背到爛熟，不代表他就能夠揭竿起義改朝換代，這些原因不能夠在任何時候都足以成為條件，改變歷史——這些原因，都跟所發生的時代密不可分。
-
時代是一種由不得人去控制的重要條件。
-
但每一個人又的確參與著時代，共同地參與時代。
-
現在回看2018年，第一屆《全民造星》舉辦時，有理由相信只是想製作一個show，吸引人去睇個台——或許可能也有想過勝出者有朝一日能衝擊娛樂圈（香港流行樂壇的確是附屬於娛樂圈，其實流行樂壇從來都是附屬於娛樂圈，因為要流行，就需要人氣），但只是幻想，或癡想。
-
結果真的發生了。當然有人會說，今時今日香港流行樂壇已經不再馨香，姜濤（或其餘MIRROR成員）紅極，都一定不會像當年張國榮般紅，但既然你都識得講今時今日，姜濤（及其餘MIRROR成員）所面對的時代環境，已經不是張國榮當年所面對的，而香港的地位亦已經不像Leslie最紅時的境況，這種類比，根本不成立，不存在任何意義。
8.如果真的要做類比，反而會令人反思過去某些所謂紅歌手，竟然咁都紅到——他們唱的大部分是改編歌，他們懶係用心演繹的歌詞也只是填詞人心聲，他們根本沒有話想說，他們亦未必知道自己要去說甚麼，一個引吭高歌「就讓一切隨風」的人，就真的能夠做到讓一切隨風嗎？這只是黃霑的心聲而已。偏偏這種（隨時九唔搭八的）人就是能夠紅到，受歡迎，因為巧合地正中了時代所需——成為了參與著那時代某一班人的需要。
-
邊個紅邊個被喜愛，是基於一種需要，某某被愈多人需要，他／她就愈被喜愛。然後，回想過去香港樂壇幾次改朝換代，都是源於人心的需要，不是唱片或娛樂公司有能力操縱改朝換代的發生，而只是他們旗下的人或將要谷的新人，咁啱地，呼應了這種人心需要。為何曾經有好長的一段時間再沒有這種改朝換代發生？原因是，再沒有人關心香港樂壇（和娛樂圈），誰紅誰不紅？是但啦。終於到了今時今日，姜濤成為我最喜愛歌手，《男排女將》有口碑，Ian和保錡的緋聞會再被人關注，這些，都是人氣的證明。姜濤不紅，未必天理不容；姜濤咁紅，民心共融。
-
人氣既實在但也可以是虛的，坐擁人氣後能否去到另一個層次，還看個人。
本文摘錄自《娛樂已死未？》，蜂鳥出版
2個讚
姜濤咁紅，民心共融。
我鐘意呢句
5個讚
Overflow
【Songs of the Month】2022 年 4 月本地歌曲推薦
姜濤〈作品的說話〉
曲、編：Gareth.T｜詞：小克
不是好出力但令作品做到有層次、有氣勢，是歌曲其中一個最大的優點，某程度上比起坊間無數的深度歌詞解讀更值得獲得掌聲。沒有盲目複製日韓風，銳意創出港式新流行格局（包括偶像也會以作品說話）亦甚值得表揚，這方面，在眾多面鏡子裡，無疑是姜濤領前了。
2個讚
Channel歌評
姜濤 Keung To〈作品的說話〉
2個讚
「姜濤契女」sweet爆賣萌 契爺隔空立志要生囡!
偶像組合MIRROR成員姜濤自去年宣佈「做爸爸」後，不時留意契女的最新動向。昨日他分享了契女的影片，更再次表達自己想生女兒的決心！
姜濤去年於個人Instagram帳號中，分享一名兩歲小妹妹Brittany熱唱其歌曲《蒙著嘴說愛你》的影片，更公然邀請Brittany成為他的「女兒」。後來姜濤收到Brittany親口答應的影片，自此「姜濤契女」便廣為大眾認識，並深得一眾「姜糖」（姜濤粉絲名稱）喜愛。
姜濤曾數次公開表達日後想有女兒，連隊友邱士縉（Stanley）亦於直播中指出姜濤「想生女」、「好有父愛」。而這名可愛契女亦很愛哄「姜契爺」，不單止隔空飛吻，還不時跳唱姜濤及MIRROR的歌曲，又sweet又得意！
昨日（12日）姜濤再次在Instagram分享契女的動向。影片中，Brittany於餐廳突然聽到姜濤歌曲的鋼琴純音樂版本，本來專注吃甜品的Brittany立即睜圓眼睛大叫「姜濤歌！姜濤歌！」，還越叫越走音，非常興奮。Brittany的反應明顯令契爺「冧到暈」，更在限時動態寫上「我要生女兒」！
雖然姜濤想要女兒的心情無庸置疑，但姜濤亦在訪問提及「姜媽」不建議他現時拍拖。這位在事業上「追夢」成功的人氣王，未知何時才能一圓他的「爸爸夢」。
3個讚
應該唔會係自己公司cut gwa
view數可以賺錢wor
我唔清楚，只係覺得有D唔太正常，可以自己令到view減低？ 買view就一定可以。
cantopop_hothits
《熱選派台歌》
2022-066 姜濤【作品的說話】
姜濤推岀第十首個人單曲【作品的說話】，自問唔算係一個有音樂根底嘅人，關於音樂性同演繹嘅部分亦都有好多人提及過，不再多作講解，自己少少感想就係聽得岀姜濤錄音時把聲有啲攰，起伏上可以再好啲，但聲音亦都算配合一首有訊息想帶俾所有人嘅歌曲，亦絕對唔係別人口中所講會影響到歌曲觀感咁嚴重。
比起歌曲本身，我更加想大篇幅講「作品的意義」同「偶像的責任」。
我同意歌曲嘅每一部分都好重要，曲詞編監唱五大範疇、缺一不可，包括埋樂器演奏同後期混音等等幕後嘅工作，加加埋埋先推岀到一首面世嘅「作品」，但我覺得「意義」先係一件作品嘅根本同存在理由，亦係由大眾去感受到該作品嘅靈魂所在，容許我舉個例子，【Imagine】係50年前岀現，到成為家傳戶曉舉世聞名嘅經典，但如果將歌曲放到而家嘅傳播媒介，當年無論技術抑或錄音質素以今日嘅標準理應成為好多人口中嘅瑕疵，正因為其歌曲嘅意義係大於一切，我哋唔會去介意音質，而係更重視佢嘅存在價值同意義。（頭盔：無意將【作品的說話】與【Imagine】作比較，只係【作】歌詞有提及【I】而作例子。？）
嚟到今日想講嘅第二個課題，究竟乜嘢係「偶像」？係咪單純為Fans帶嚟娛樂？定係其實去到一定嘅位置就有一定嘅「責任」？老實講，以姜濤而家嘅人氣，其實「求其」岀首罐頭歌，甚至「隨便」啦啦啦唱完首歌，分分鐘都會紅，但係佢哋冇選擇「求其」同「隨便」喎，而係冒險以反戰爭為題創作新歌，我哋當然知道世界嘅角落發生緊戰爭，但對於香港人嘅共鳴或者唔係太大，點解要用呢個主題去做一首廣東歌？或者就係一份「責任」，善用緊自身嘅影響力去將想表達嘅訊息同說話由作品散開去，畢竟「歌有歌命」，歌手同創作人喺推岀前都唔會知道作品可以去到幾遠，又咁講，假如【作品的說話】喺今日能夠傳到去烏克蘭，當地人明白到歌中嘅意思，佢哋又會唔會真係介懷首歌嘅Vocal係咪真係某部分人認為咁單簿同平淡呢？
最後，想分享一件朋友喺社交平台分享嘅真人真事，小弟嘅朋友上年移民咗去德國，佢嘅小朋友大概小學嘅年紀，有一日邀請咗同學仔返屋企玩，外國嘅同學同我朋友講想聽音樂，問佢想聽乜嘢音樂，佢嘅答案竟然係「M-M-seven song」、「Uh-oh uh-oh song 」、「Balabala balabala song」，咁一開始當然係由我朋友嘅囝囝首先分享呢啲歌俾佢嘅同學聽，佢哋先會認識啦，的確隨住越嚟越多香港人去到世界各地居住同發展，無論你喜唔喜歡、同唔同意，我哋嘅音樂已經成為咗一部分嘅文化向外輸岀，亦都成為某程度上陪住香港人喺外地生活嘅養分，唔知道你對【作品的說話】嘅評價如何，但我都想借呢篇「熱選派台歌」嘅機會，衷心感謝製作團隊，為世界或者至少為我朋友嘅囝囝，帶嚟一首有意義嘅「Anti-war song」。
https://www.instagram.com/p/CdfnF60vouk/?igshid=YmMyMTA2M2Y=
3個讚
尋日姜repost佢story, 好奇去佢ig睇下，呢個妹妹真係超級姜糖
so cute
https://www.instagram.com/p/CTogLrWDs6I/?igshid=YmMyMTA2M2Y=
2個讚
呢個妹妹好得意
佢媽媽又會咁啱捕捉到佢呢一刻嘅? 
1個讚
但佢亞媽係咁po佢個女d相
唔只一次連沖涼都影 (雖然有遮住個身)
似好想推個女出嚟做搖錢樹 
1個讚
Darlie x 姜濤 尖沙咀碼頭3D廣告
2個讚
尖沙咀碼頭 《HSBC Well+ 3D廣告》(已完結)
1個讚
已經睇左好多次，搞笑
1個讚
講呢首歌之前，先講同呢首歌唔太有關係嘅一件事。
當初知道姜濤出一首叫《作品的說話》嘅歌嗰陣，其實我係無咩信心，因為佢唔止一次將「用作品說話」放喺嘴邊，希望用自己實力去證明佢所擁有嘅人氣係值得。呢點無可厚非，但講一次就夠，若果講得太多（甚至用嚟做歌曲主題）嘅話，就失去咗呢句說話本身希望「多做事」嘅意思。
幸好，一切都只係我無謂嘅擔心，歌名只係一個小小的gimmick，引用一句類似佢經常講嘅說話，去表達一個更宏大嘅信息：反戰。
喺2022年之前，或者好多香港人都會覺得戰爭同我哋好遙遠，覺得只會發生喺一啲我哋認為係「落後」嘅國家（其實呢個已經係錯誤認知，因為戰爭從來都無真正停止過，亦唔限發生喺第三世界國家）。但二月底俄烏戰爭爆發，就突然令我哋覺得戰爭可以同我哋好近，而由於發生喺一個相對文明同現代化嘅地方（歐洲），好多戰爭嘅畫面被放上互聯網同媒體，更加令大家對戰爭所帶來嘅禍害嘅認知唔再局限於歷史課本之中，而係實實在在今日發生緊嘅事情。
小克嘅歌詞將姜濤想透過呢首歌去表達嘅信息形容得好貼切同直白，「用我手中一張相換你手中一把刀」、「用我手中一首歌換你手中一把槍」等等，希望大家用武力以外嘅方法解決問題。因為戰爭所影響嘅係無數嘅平民百姓，令好多人流離失所，令好多人失去至親。姜濤喺佢二十三歲生日推出呢首歌，亦算係佢將「世界和平」作為今年嘅生日願望，希望透過呢首歌喚醒更多人反對戰爭，追求和平。
旋律方面，呢首歌有唔少重覆嘅句子同段落，音域相對較為集中喺中至低音位，上落幅度唔大，算係幾能夠考驗姜濤嘅演繹能力。比起風格類近嘅《Master Class》，我覺得姜濤今次喺《作品的說話》入面處理得比較純熟同自然，喺有限嘅演繹空間中搵到一個有個性嘅方法去唱呢首歌。可能成首歌嘅概念源於佢自己嘅想法，加埋負責執導MV，所以佢對呢首歌所盛載嘅信息有更深嘅感受，亦更能唱出效果。之後要去繼續改善嘅，我個人認為係唱呢種歌曲嘅韻律感，節奏擺動上仍然稍為單一，變化唔足夠，暫時仍可以較編曲去蓋過呢點，但長遠來講，如果想駕馭更複雜嘅作品，呢種韻律感要掌握得更好。另外當然係Live嘅穩定性，呢點就靠平時多加練習（而首先就係要公司要安排多啲休息同練習時間）。
技巧嘅嘢可以繼續練，但欣賞姜濤對自己作品有好多想法，希望透過歌曲呈現更立體嘅自己。期待佢之後練好啲歌，唱同製作更多故事比我哋聽。
《作品的說話》
曲：Gareth.T
詞：小克
編：Gareth.T
監：Edward Chan / Gareth.T
主唱：姜濤
1個讚
【姜糖請進】|《作品的說話心理學》
姜濤新歌之和平心理學小知識
香港現時最人氣的藝人姜濤
終於推出第十首個人單曲《作品的說話》
歌曲MV在YouTube上面,
只用了兩日就已經突破200萬次觀看!!!
除了成績斐然之外,
這次姜濤第十胎的主題都和以往不同
不再是一些比較個人化的題材
而是用歌曲和舞蹈宣揚愛與和平,
為反戰爭作出宣傳
但問題來了, 姜濤在歌曲入面提到
「 簡單的愛 簡單的和平」
究竟和平是否真的這麼簡單呢?
「 一體的愛 一體的心境 」
是否每個人擁有同樣的價值觀,
失去獨特性就等於和平呢?
今天我們就和大家分析一下,
和平和衝突的心理學
1個讚
YouTube有機制去判斷邊啲係真view, 、邊啲係擦view ，如果擦view 就會刪view 數，雖然無正式公報過個機制係點。只有YouTube 本身才有能力刪view
2個讚
鏡仔見到呢啲留言，其實會唔開心。
學姜咁講，樂壇百花齊放先好睇。
2個讚