【個人紀錄片《答案》首播丨I’m tired of everything 姜濤：突然覺得自己有抑鬱症】
姜濤3年前已經說要做姜Man，但那時這19歲小孩仍然貪玩，跟Anson Lo一黐埋就忘形。一次出席活動，MIRROR跟花姐坐在台下，兩人又「玩到創晒」，花姐皺晒眉示意身邊的Ian制止兩人，陳班長回頭矋一矋，姜B馬上坐定定。這一幕，姜糖考古必修課。
3年過去，兩個小朋友急速長大。12人之中，除了正副隊長，姜濤或者是隊中最強調團隊精神的一個。叱咤頒獎禮記招，傳媒追問各有份爭逐個人獎的隊員有冇信心得獎，姜濤說：「真心希望我哋有團體獎，因為我覺得12個人嘅力量，係大過我哋一個人嘅力量。」用作品說話，姜濤常說。
大家還是習慣叫他姜B，但姜B已經變得很man。「冇人可以鎅開我哋。」獨生子孤獨中成長，籃球與MIRROR令姜濤不再落單。但孤獨病還是不時來訪。外間把他捧成完人，姜濤說他不是。恩寵讚美沒有令我很自豪。
【肥仔：佢已經唔係以前嗰個佢】
紀錄片《答案》今晚（9日）播出首集，姜濤用作品說話。「可能你睇咗條片之後，你會唔係好鍾意我；可能原本你好鍾意我嘅，結果發現原來我唔係想像中咁樣嘅。我覺得唔緊要。」
首集第一個出場的是跳舞老師肥仔＠ERROR﹐姜濤為他按摩。肥仔笑姜濤是一個「不知廉恥嘅𡃁仔」、「佢進化咗，佢已經唔係以前嗰個佢，佢真係嚚咗。」姜濤大笑。
【維園球場 真打我就好惡㗎喇！】
維園籃球場是姜濤常到的地方，休息或減壓，球場上決定。早前有條舊片流出，姜濤在球場上被對家㩒住打。昨被問及此事，姜濤背上偶包說：「打波時都唔應該太衝動、發脾氣同人有爭執，希望做番好嘅示範，以後會控制得好啲。」但紀錄片中放下偶包的姜濤說：「真打我就好惡㗎喇！」
Fans在球場等姜濤已成常態，寵粉的姜濤有辦法應對，就係——走。「通常呢啲時候打波都有fans等，想影相或者點樣，但係打完波我驚自己都好污糟，驚同佢哋影相（會不好意思），所以我會同我個friend突然之間跑走。」還提醒攝製隊：「所以拜托你哋一陣間跟住我。」然後他突然大嗌：「James！」兩人就跑。
James與姜濤，和早逝的中鋒阿健是「維園三劍客」。姜濤還是小胖子時已喜歡流連球場，三人識於微時，在球場上揮汗水練球技。姜濤曾說，和他們相處的時光是最快樂最無拘無束，「這也在很大程度上彌補了我從小沒有兄弟姊妹的遺憾」。
【突然覺得自己有抑鬱症】
中鋒猝逝，家人患病，姜濤工作如常，比之前更忙。今年5月，姜濤在IG出帖文及限時動態，以黑底白字寫道：「I’m tired of everything」令不少人擔心其情緒。
在《答案》中，姜濤說：「其實嗰日好好地，我拍緊個廣告，由朝頭早化妝，到拍嘢之前都好正常，但係唔知點解，突然之間我就好低落個情緒，好似突然之間唔知道自己做緊啲乜，加上呢一年發生咗好多嘢，我屋企，或者我朋友，所以嗰下突然之間唔知點解好抑，突然覺得自己有抑鬱症咁樣，前一秒仲笑，跟住下一秒我就已經黑晒面。」說罷深深呼一口氣。
【花姐：佢好似小朋友讀書攞到100分咁樣】
經理人花姐在首集中壓軸出場。錄《Dear My Friend,》時她暗讚姜濤唱得好，姜濤開心像個小孩，還不斷追問監製，花姐如何誇他。花姐取笑他：「見唔見而家嘅姜濤個樣幾囂張？佢好似小朋友讀書攞到100分咁樣，跟住同啲同學仔講：『你睇下我幾叻！』」姜濤回了一句：「我真係…覺得自己幾好。哈哈！『我覺得自己幾好』係乜嘢嚟！」
「雖然我同佢（花姐）唔係都好多…我會想約佢出嚟食飯，或者點樣，我會同佢講我私底下嘅嘢，呢個就係我會信任佢嘅一個……一個行動啩，我諗，好多嘢係連我阿媽都唔知。」姜濤說。
Source : 娛壹
14個讚
其實你問我, 我鐘意mirror咩… 就係我睇到佢哋係班有血有肉嘅Artist, 佢哋會喊, 會有情緒, 會拍拖, 會玩到癲, 有紋身, 會講粗口… 唔係一個被電視台做出嚟嘅藝人…
31個讚
個個男仔都係咁，睇過段片，都係玩下，好心傳媒俾d 空間人。打波要斯文不如去打golf
3個讚
貼地真係好重要 
有D人/機構仲擺緊架子, 講緊官腔唔該收皮喇
3個讚
呢班傳媒究竟有無打過波架？
或者有無睇過比賽呀？
落場打波係 hea 打？
1個讚
【搭港鐵做自己 薑濤返母校取景探老師：非常開心的一天，謝謝你們】
「我記得《Chill Club》嘅綵排，正式開始前一晚，full dress嘅時候，我收到啲messages之後，突然之間跑咗出去，我覺得自己頂唔順。嗰陣第一次覺得，原來呢件事真係會影響到自己咁多，好唔應該咁樣（苦笑），因為大家印象中嘅我亦都唔係咁樣，我都好努力地去成為大家心目中嗰個……嗰個……薑B（苦笑）…」
今年4月30日晚，薑濤22歲生日開Live，很久沒開Live，還要準備MIRROR演唱會，消化各種不好的消息，梅窩事件、好友離世。薑濤在直播中不住致歉，對不起對不起說了一遍又一遍。
【返邱子文探老師】
也許觀眾期待的「薑B」是完人，街場打波都要啟動聖人mode。可在紀錄片《答案》中，薑濤決定讓大家見到真正的薑濤。在《答案》第二集，他回到母校——青年學院（邱子文）尋找薑濤。
第二集日前拍攝，薑濤與團隊回到邱子文取景，搵老師傾偈，又應邀與師妹合照。其中一位女生在fans gp貼出與師兄薑濤合照，不少薑糖表示羨慕。女生指薑濤回校探望老師，又大讚薑濤nice。
【低調搭港鐵】
其後薑濤也在ig story出post，寫道：「尋找答案的一天，非常開心的一天，謝謝你們。」同行製作人Endy也指：「感謝大家給予他一天愉快的行程。如有你們在街上看到我們、拍到我們，可以DM回給我，紀錄片見。」相信以下片段，Endy應該已收到DM。
拍攝同一日，有人在北角港鐵站遇到薑濤與團隊，匆匆拍了幾張照片，相中薑濤身穿顯瘦黑色長褸，戴cap帽、墨綠色口罩，與兩名工作人員搭車，低頭望地盡量不驚動別人。相信當時屬非繁忙時段，故未有引來「騷動」。雖然現在薑濤少了機會搭港鐵，但至少他知道土瓜灣有站了。
【港鐵考古：薑登神王勁收工搭港鐵】
講到搭港鐵，薑濤應該好久沒試過，多數坐花姐車，或者call的士。要考古薑濤搭港鐵年代，都真是好古，18年11月，薑濤與Anson Lo、Edan與王勁收工搭港鐵，四個小孩興奮自拍，王勁與Edan沒有戴口罩（未爆疫情），薑神只戴上同款灰色mask，沒有戴帽，四個「柱男」扮帥留影，樣子精靈。其實只是3年前的事。
【讀書時代：最不好的中學也不肯收我】
薑濤的讀書時代。其實他也多次分享那個被喚「死肥仔」的小胖子讀書時代。渴望有朋友，生日收到祝福。中學沒有報考DSE香港中學文憑試，之後他去了讀邱子文修讀運動教練課程，及後讀IVE期間參加《全民造星》入行。
18年10月，薑濤在Ig寫道：「以前我只是一個胖胖的學生，因為沒自信上課經常搗亂，白白的荒廢了我在中學的時光，被導致退學。還記得我媽媽在炎熱的夏天帶我去一間間的找中學，可是就連『最不好的中學也不肯收我…』。
「媽媽那個時候覺得『自己的兒子真的有那麼差嗎』，那個時候我開始懂事了，從未覺得自己那麼沒用，不懂為甚麼沒有一個人喜歡我，真是因為自己的性格那麼不招人喜歡嗎？
「從那個時候開始﹐我就默默地改變我自己，膝蓋韌帶斷了，我也一直運動下去，因為我知道要做藝人的話，這幾年的時光是最寶貴的，而復健是漫長的。我不想在病床上，看著機會溜走。
「以前一直很喜歡從家裡到中環的海濱走廊跑步，因為我喜歡對著大海訴說自己的願望，每次跨年我都會許下一個願望，今年的我要再往前進步一點點。」hashtag 夢想。
薑濤全文： https://www.instagram.com/p/Bob6fsqjGdY/
3個讚
睇完，我會愈來愈鍾意佢。
好簡單直接，純粹鍾意表演嘅一個後生仔。
4個讚
我昨晚發夢見到薑濤
夢見佢手中拿著兩張佢自己的演唱會飛
我搏命同佢鬥搶
最後佢好好人分咗一張比我
夢中我開心到飛起
醒咗之後話比我個女知
佢話祝我夢境成真
3個讚
「真打我就好惡㗎喇！」 
就係鍾意佢呢句, 夠真, 夠直接
如果佢話平時打波斯文, 咁我會覺得好假lor 
2個讚
【紀錄片《答案》提及抑鬱症 薑濤︰唔係近排嘅狀態】
由食炸雞到5G網絡，衣食住行MIRROR都覆蓋生活每一個範疇，可以話同鏡粉緊緊連繫。
今日MIRROR繼續有活動，圍繞12子嘅話題，有多個。其中今年復辦嘅除夕騷「香港跨年倒數演唱會」，ViuTV憑MIRROR聲勢，揮低TVB奪得製作權，有傳TVB出招搵古巨基坐鎮做跨年騷對撼。另一話題；家燕媽媽揚言捧隊新男團，同MIRROR分一杯羹。不過論關注度，當然不及薑濤早前播出嘅個人紀錄片《答案》EP1，內裏一句︰「突然覺得自己有抑鬱症。」，令外界注視佢嘅狀況。
今日薑濤俾一個答案大家︰「冇咁誇真，當刻純粹懷疑自己有，其實而家已經冇當時咁嘅情況，因為條片都好耐之前拍，而家先播返出嚟，所以唔係近排嘅狀態，冇事放心。」
日前被網民發現佢返母校邱子文中學，問佢係咪會繼續為紀錄片拍攝，薑濤稱︰「會呀，嚟緊都會有第二集出，希望大家期待。」
除咗期待《答案》EP2，透過個人紀錄片表達更多，亦讓外界對佢了解更多，相信薑糖亦好期待，薑濤用作品說話嘅新作《九胎》幾時推出，喺佢認真思考呢個問題時候，副隊長AK又出手搞吓gag︰「八胎之後，十胎之前」，隊長Lokman接力，問薑濤︰「啱唔啱呀！」搞完笑，當然交返俾薑濤親解︰「暫時編曲仍有調整，舞蹈編排細節位要再執，可能仲需要少少時間，不過好快(面世)。」收到！
至於Viu奪得除夕大騷製作權後，有傳友台將炮製音樂騷對撼，呢個問題，由隊長Lokman擔當啦！「如果大家都一齊喺除夕做騷，大家一齊開心倒數，完咗互相睇重播，又再一齊倒數多一次，咁咪又開心一次囉！」在旁嘅副隊長AK補充︰「咁普天同慶日子，放下煙花之外，如德仔(Alton)話齋，百花齊放，大家一齊開工就最開心。」
被問有冇留意家燕姐早前下戰書，話組男團撼MIRROR，隊長Lokman好興奮︰「咁開心，百花齊放再齊放。」係咪百花齊放就未知，但聽到呢句，阿Jer柳應廷笑到拍曬手！唔通佢好期待？
《娛壹》YouTube睇片︰https://youtu.be/sf-TgWI-v_8
