其實老人家圍住d孫係好正常喎，我屋企咁多兄弟姊妹有結咗婚有未婚，大時大節聚埋，我父母對眼都只會望住班孫，仔女咁大個人自己行埋一邊通氣啦
我d未結婚嘅細佬要做佈景板添，有時d相得佢哋抱高啲細路對手Ka
不過咁大個人，點會同細路爭寵呢。個個都有試過做the center of the world 嘅時候，但人大左要知進退，尤其做咗長輩，要接受自己唔再係父母世界中心，要開始讓位比d小朋友架喇，唔係就比人感覺太大細路。
至於屋企搞聚會… 阿哥唔比錢係唔識做，但如果你care，咁最好一早講明要夾錢，一家人呢啲又唔怕講出嚟喎，好過事後自己生悶氣怪佢唔比錢。聚會相果啲，學樓上姐妹話齋，佢唔影你，你自己加相tag返佢哋，大度大方啲，咁咪型囉。
另外媽媽叫你買衫，我諗只係好隨意，你覺得你同阿哥係兩家人，但阿媽心中你哋都係同一個家嘛，佢可能只係單純想拉埋你呢個長輩去𡃶下個晚輩，情況可能同你細個時佢會叫阿哥照顧下你咁（好多阿媽都會叫家姐阿哥𡃶下就下細佬妹），可能你一心覺得佢偏心個孫多過你，心情唔好所以先諗得嚴重左。
家族中有小朋友出世，每個人角色都會有變化，你都要接受自己身份轉變，思想上長大下
無意冒犯，不過你咁俾心機寫咁多野但係樓主好似仲唔開心左
不如你比樓主休息下
重點唔係買唔買衫，你覺得買得唔開心當然唔應該買。但問題係個心態，睇開啲，你買唔買，父母個心都係飛咗去個孫度，你如果咁樣嬲嬲，你父母唔開心，你自己都唔好過。
我無覺得樓主唔正常，我一直都表示明白。
但係自己以外既人既行為都係控制唔到，咁就搵返個初衷出黎，記返自己搞個聚會都係為左想父母有人同佢做節，想父母開心。
依家做左節，父母開心，GOOD。
至於另一半都唔開心，另一半點諗都受樓主影響，當刻樓主都唔開心，所以老公隨住佢唔開心，好正常。
睇開咗啦, 打篇文時覺得自己好多委屈，而加冷靜咗又覺得自己好無謂 , 買衫仔真心個侄仔著住自己買嘅衫係幾可愛嘅, 而且我媽聽完我講就收咗線, 都要諗下計氹返佢嘅
這就是自己付出一定要有回報心態,對非親人咁諗都算,自己親人都咁諗就唔係咁好.
可能我份人多野講又比較掘得深入，我想樓主正向地諗，天下之事豈能盡如人意。
個侄仔一歲未夠有依個諗法，之後再講埋阿哥一向以黎都係被動，
其實唔係淨係一件聚會就搞到樓主唔開心，相信係由細個同阿哥相處同埋阿嫂有BB之後父母都應該有明顯既偏心，直到依家有一個點就爆出黎。
論壇唔係就係要黎睇下自己以外既角度咩? 一定要睇到自己開心既回應既咩?
差唔多既事，我都曾經試過。
我認係呢件事上面我係有啲唔識變通。
我同我姑仔各自都有小朋友，
我問左一句：叫姑仔行過街可唔可以幫我小朋友買衫？
我老爺打電話俾我叫我自己買拉。
我諗住姑仔要湊小朋友可能唔得閒，
我話：唔得閒咁就算拉。
老公答左我地會買架拉
姑仔答左句好呀。
過左一段時間已經買左衫比小朋友，
所以我又正常咁同佢講嘢。
佢唔彩我，我唔知發生咩事。
重有下文
之後我發現佢係背後話我，
唔幫佢買衫，就好似一定要買到咁。
小氣到死。
以為自己係阿嫂就大哂。
我哋都要聽佢話。
呢樣嘢你同我都唔知。
從果日起我咩bb野都自己買，
有時候老公叫啲姑仔過來幫手睇吓bb，
我都話唔洗我哋攪得掂啦。
睇得開咪叻女囉
媽媽唔會嬲你嘅，可能佢果下都唔知點應對，分分鐘返去諗過會覺得忽略咗你而內疚。天氣轉涼，買件衫送比佢提佢小心凍親，請佢食飯咁，兩母女點會有隔夜仇丫
答D有意義D既野黎討論下，答唔知無乜討論空間。
大家都係睇樓主個POST之後講睇法，你地可以撐樓主，無問題，依度係FORUM，每部電腦後面都有唔同經歷唔同諗法。
我想講嘅係，我同你都唔知樓主老公咩事唔開心，你就一口咬定因為樓主影響咗佢老公。
喺呢件事上面，唔好講樓主呢件事，如果另一半因為屋企問題而令到佢唔開心，都要好好處理，唔係一句話老人家開心就得。
如果呢件事係奶奶同新抱，就有另一個婆媳問題嘅故事。
其實女婿同外母都可以有心病，只不過好少男人會講到出口。
侄仔冇錯，係你父母同哥兩公婆都有問題
唔洗唔開心，正如你所講「你都有自己家庭」
依家咪專注係自己家庭身上囉
既然唔賞臉就冇必要辛苦自己啦～
自己同老公撐枱腳唔好？要受啲咁既氣
睇開啲，由佢哋天輪樂，你哋少啲見可能仲開心
姑嫂問題都係好煩惱，始終大家由陌生人變做家人，買唔買衫真係一件好小嘅事，但搞到老爺都出聲就真係,
佢係比面佢哥唔敢當面話我，
始終都係因為老公變家人。 
我做曬所有嘢到頭嚟相都冇一幅？正常屋企人，even老人家一定唔會咁做
你唔計較你阿媽唔會醒
尊重要雙向
好丫，你搵日兩公婆上你哥度食餐勁，佢出錢出力，你upload你兩公婆一張相：情人節快樂咁上下囉，你阿媽唔出聲我乜都得
樓主，我撐你
就係要小器，so what？我做乜要咁大方？佢都唔公平到出面啦
大家都係睇樓主依段之後發揮創作力量同幻想，因為依個就係我地已知既事情。
除左依句都無提過老公，咁我諗都係為左依件事啦。
in my opinion，可能以後都要加依句，唔係又話我一口咬定乜乜乜。
in my opinion，另一半係會為左另一半發生既事情而唔開心，例如樓主依件事咁。
in my opinion，以樓主依件事為例，如果係女家方面既事令到太太難為，老公為太太不齒之外都要開解太太，如果唔係，女家既人搞到太太唔開心，連另一半都表現出唔開心的話，咁太太又難落台又內疚又唔開心，一方面係自己父母另一面係老公
講完嫁喇，樓主都睇開左，我地又何必執著呢。
你諗得通就好 
其實件事係我老公發現咗先，當晚兩公婆都有唔開心，亦有可能係我媽年紀大睇漏眼冇整我哋個樣落去(我都希望喺咁)，亦都好多謝你支持我睇法，為父母開心之餘都唔好委屈咗自己，或者我最應該同我哥傾下呢件事同佢分擔下孝敬父母呢樣嘢，免得我媽以為家變