想搵個地方呻下,文長,請見諒
我同哥哥兩兄妹近呢兩年都各自結婚 搬咗出去住, 自從今年阿哥個小朋友出咗世後, 成個家庭關注都圍繞住個金菠蘿身上 …
今年中秋咁啱又喺我媽生日，所以約齊一家人嚟我度慶祝下，買蛋糕買餸煮飯執嘢洗碗，所有嘢都係我同我老公搞掂哂，但成個食飯過程都只係關注個小朋友身上，到食完散場，臨瞓前睇到阿媽喺社交網站發文 「一家人齊齊整整過中秋」 發佈嘅圖片全都喺個小朋友 阿哥阿嫂同父母嘅合照 仲有少少晚餐嘅相… (冇錯, 我同老公喺完全消失咗) 自己忙咗成日都唔知為咩，更加唔好講我哥夾都冇夾返錢但就領哂功勞咁… 最後呢件事我同老公都忍咗佢
我爸都係成日提住個孫，成日叫做姑姐應該要對個侄好D, 家庭群全部都係個小朋友D相，然後今個星期我媽打電話比我話 天氣凍 叫我買D衫仔比個小朋友，我忍唔住同我媽講咗 「我都有自己家庭 我冇欠佢哋任何嘢架，天氣凍，又唔見你叫我著多件衫!」 我媽就冇聲出，事後我覺得自己語氣太重，而加唔知點處理好…
自己已經盡量做好阿囡阿妹姑姐嘅角色，我都好錫我侄仔買過好多嘢比佢，但長久以嚟一直嘅付出，覺得好累 …
唔想付出咪唔付出, 唔想買咪唔買, 送嘢比人都要自己開心先送, 如果真心想買比果個人唔會計較
有D人自己無仔女, 係連遺產都係留比子侄𠻹啦
第一粒孫係會寶貝啲, 不過我又覺得樓主嗰句回得好… 你鍚孫你既事, 做乜 “要求” 我買乜買物比你個孫? 送禮物呢啲我自己隨心, 比人 order 就有啲不爽 
宴客呢家野, 真心吃力不討好, 下次都係出街食, 均均真真, 同阿哥一人一份啦 
支持你講法, 同埋天氣凍點解唔係叫父母買衫比小朋友反而叫姑姐買, 呢個有d搞笑
坦白講，無辦法，因為老人家一定係錫孫嘅，仲要係第一個孫+跟自己姓嘅內孫。
老人家圍埋一齊，實會曬自己個孫比朋友睇，你無小朋友，就係會被忽略。
同意樓上版友，下次出街食，同阿哥夾錢，唔好自己做咁傻。
我覺得你stop得你啊媽岩 你覺得唔舒服就要出聲 唔好被佢地覺得你付出係應份
仲有果個係你屋企人你都唔開心啦 更何況你老公 再係咁一味被要求付出 驚影響埋你哋夫妻感情炸
因為啲長老想個孫 “萬千寵愛在一身”, 佢自己鍚唔夠, 佢要個孫有全世界既愛。同埋覺得啲人鍚佢個孫係比面佢, 你唔一樣咁鍚個孫即係當佢無到
我阿媽都會 order 我阿姨, 我妹, 送生日禮物比我個仔, 我知道後有出聲話佢唔好咁。講真而家啲小朋友個個都玩具滿瀉, 多到玩唔哂 
你完全無問題喎
老人家傳統思想係咁,好自然焦點都係放在小朋友身上(就算外國大部份都一樣). 你心態係父母對你關心,多轉移了在小朋友身上而心有點不甘,呢啲竉係肯定嘅. 身為成年人,心態都要寬啲唔好同小朋友爭呢啲野,到你有了小朋友,正常你父母都一樣會竉. 更何況在你家中辦,自己地方當然自己做最好,其他人唔知頭唔知路弄壞又唔好,若然怕辛苦又唔想付出,就少啲喺自己地方辦~~
呢樣真係難接受喎 
唔爆都爆咗，不如平心靜氣同你爸媽溝通自己感受，佢哋都要知道ga
我覺得佢哋係太overwhelmed，完全冇諗過寶貝孫以外既野。見你咁講係未夠一歲添？一定係超級無敵爆興奮啦
唔好話侄仔啦
就算係自己仔女都會呷醋
四個字：睬佢有味
我奶奶都係咁，有次去飲茶，落完點心佢吹人哋「快d 啦我個孫肚餓。」我覺得好核突，人哋39唔識7，連外人都要圍住我小朋友嚟轉。
其實咁嘅心態對長老、小朋友都好唔健康。大人好容易為咗小朋友開心，變成竉壞佢哋，細路大d 聽埋聽埋就覺得咁樣係理所當然。
絶對係。我仔係家族第一個孫, 因為我同我媽都係大女, 完全係鍚到燶左… 我仔細個仲會識講 “我係皇帝, 我大哂” 
而家啲細路好醒, 聽聽埋埋知道發生緊咩事, 一跟住公公婆婆就自動皇帝上身咁…
呢幾年盡量減少比我阿媽湊先好返啲, 但有時阿仔心情唔好, 整親發脾氣, 都仲會講 “你一啲都唔識鍚我”, 好似被人鍚係應份咁 
你同你媽講嗰句好啱, 做好自己嘅角色, 唔好俾人情感勒索咁多, 咁做人好辛苦
再加上, 同小朋友好唔好感情都講緣份㗎
係非常正常, 你focus番自己小家庭就好。
自從我仔出左世, 我媽都冇再關心我 XD
你自己未有小朋友，無所謂啦，點會大人呷個BB醋呢？莫講話老人家錫孫，一般人見到BB甚至隻狗仔，都會立刻冧曬啦。 你有能力有本事，有條件唔駛計劃兄弟姊妹邊個夾錢食飯，應該覺得感恩自豪幸福
你唔需要內疚呀 你咁講係好啱！
我都係苦主好明白呢個感覺，總之自己有唔開心就要講出黎，亦都唔好俾長輩覺得做細妹嘅係老鳳要幫/忍讓呀哥家姐
唔滿意真係要講，齋睇文字都覺得委屈
唔好話兄弟姊妹，小朋友都唔應該100%遷就。
識得有人小朋友係長子嫡孫，屋企個個乜都就哂佢，出嚟飲茶時叫咗籠燒賣，佢鐘意食要自己食哂，唔俾人夾，真係會發哂脾氣嗰隻。呢d 只係其中一件事，仲有好多其他類似事件。家庭教育真係好重要。