其實我又唔係執著樓主一定要去點處理呢件事，只不過好多人都戥佢不值支持佢講出心底說話。但你三番四次咁提住父母開心就得。我都係同你討論下另一面，已經唔關樓主嘅事。
即係點？除咗樓主要接受，老公都一定要受埋？
都係嗰句，換轉角色，如果樓主係老公已經俾人鬧咗佢係媽寶，以後做節唔好預我，還掂老人家想見孫又唔係想見我，去到都係透明⋯⋯嘅留言。
算吧啦你 我就係對屋企人都要回報既人 你呢d大愛左膠道理唔洗同我講
10個讚
其實嗰句都已經講咗出嚟，又唔係違背自己諗法嘅說話，我就覺得成件事無咩好需要去反省或後悔
Facebook放相一事，俾我會玩嘢，key返自己+老公落去佢哋張大合照度，再留言話：阿媽，下次放呢張，唔好漏咗我同xx(老公名）呀！等大家笑吓，話唔定下次你媽咪放相，就會諗起點先算係一家人齊齊整整嘅大合照
買衫一事，我媽咪都有話過我，話我無買衫俾我哥嫂啲小朋友，因為我仔女細時，佢哋都買好多衫俾我啲仔女，但啲款同質地我都唔鍾意，我好少俾佢哋著，而我嫂自己買勁多衫仔俾自己啲小朋友，所以我一件都無送過，不過會送鞋仔、書嗰類，所以阿媽有阿媽講，我「哦哦哦」完會跟自己諗法做
有時我覺得，我哋長大成家，都係時候學習點樣成長去湊返父母轉頭。我唔覺得你咁樣算係同小朋友爭寵，就算係，有時人嘅情緒就係咁㗎啦，幾有道理都好，有hard feeling唔通就要唔俾自己放負？忍得多對自己都唔好。不過，我哋都可以用其他手法去面對同處理，好似上面合照嗰件事，可能我都算係心機女，我會用我方法表達我係有意見，但都搭埋個台俾你落，睇吓媽咪下次醒唔醒水，除咗孫仔，個女同女婿都好值得你錫㗎
姪仔方面，你用你覺得最舒服嘅程度同做法去錫佢就可以，其實買少件衫，正常無人會計較，畢竟父母先係要為仔女負最大責任嗰個
7個讚
對付啲唔公平嘅父母，你要同佢計，佢先會收斂，你先唔會 suffer 到佢死嗰刻甚至死後
我啲女性朋友生在重男輕女家庭，父母乜都要佢哋就個細佬，冇諗到層樓都留比細佬冇諗過平分(我分享過)
而家佢哋單身，四十幾歲，終於醒，家用計返同細佬同一比例，例如平時比開30%但細佬只比10%，佢哋會跟返10%，同父母講：你冇層樓比我，我儲返多啲錢比自己好應該丫
又例如父母有病有痛，有乜都叫埋細佬出錢出力，甚至唔理，因為以前父母淨係識搵個女
父母吹漲，但冇辦法
做人嘅嘢，只要公平公正，自己有道理，使乜怕人話自己小器？我就係計到足，親密如兩公婆我都會同佢計(唔係錢)，一啲委屈都冇，人生好快樂
9個讚
睇開D啦…
孫就一定縱架啦…
成日都有呢D事架啦…
我老公兩兄弟, 做節食飯, 大哥同佢老婆成日私下影相貼FB…但唔會叫我地一齊影
人地以為我地冇去做節添
我直頭同佢一家人同我媽一齊去旅行添
我完全無喺相同post上面出現，我阿媽都有
成個trip我淨係負責照顧阿媽同幫佢哋拎嘢做阿4
講真，真心唔開心，所以我好明白樓主
但我個case一開始佢邀請我去我已經估到係咁，我明知我嘅出現只係fulfill佢對我媽嘅承諾，話會帶佢去旅行，我真係純粹為咗我阿媽有人照顧，我先至應承
真係同自己講，無下次
做咩我要辛苦嚟幫你喺阿媽面前認叻？
P.S. 唔使懷疑，我媽係唔會諗其實佢係無付出架，佢只係會陶醉於仔女終於帶我去旅行
3個讚
我又覺得老人家錫個孫，
見到個孫開心一時high左拉埋你落水姐
算啦，有d人響fb 扮孝順，又會打千字文
貼曬相好溫馨咁
但自己唔係呢個style就免啦
1個讚
兩樣都理解，我會講笑咁問啊媽做乜唔po大圍齊人合照，我係咪唔重要啦～
如果阿媽get唔到或冇改善就忘記它，無謂再嬲。
但有唔開心我一定會講出黎，唔會屈起心。
1個讚
如果父母一直都係偏心，樓主做乜都只係吃力不討好。
媽媽叫你買衫俾小朋友，我會和應再同媽媽講，搵日同你出去睇衫，我係你女，都要件衫。
留埋今次就唔再覆喇，
我阿媽正正就係樓主媽媽既case，我有個侄仔，有個港豬阿哥+藍阿嫂，老豆過左身。
對我阿媽黎講我只係工具人，一家人食飯既定義對佢黎講係有阿哥一家而唔係我地兩公婆，我做乜對阿媽黎講唔重要，我同我老公講既野阿媽從來唔會理，做節又好去旅行又好，做我就有份，相我都無份影。
唔係老公都一定要受理，係老婆識唔識去處理，老婆唔識處理咁就老公要識處理，
老公可以戥老婆唔抵，不過真係唔好同老婆嬲埋一份，兩個都唔理性咪即係兩個都大細路，互氹都唔識點繼續行落去?
就樓主事情黎講，老婆已經唔開心，如果老公仲加埋自己負面情緒落老婆度，即係老婆要三面受敵，你地覺得真係無問題? 老婆o係做節一事入面娘家既人令佢覺得吃力不討好，老公應該要衝出黎讚老婆叻，hold到成個聚會，如果連依個都無做到，老公就係令老婆覺得吃力不討好既一份子。
講到我好似無講過支持佢講心底話咁，我講左幾次啦。
下下只係諗住戥佢唔抵，幫到樓主乜野? 搵到同溫層跟住呢? 內心唔堅強下次又受傷害?
唔會再回應。
1個讚
講得幾好
有小小釋懷左，我個侄都係幾個月大，都有試過樓主既心情，我仲覺得自己好似外人，其實有呢種心態都正常既，一開始唔習慣，不過諗落呢個可能只係一個過程，到將來諗返轉頭就覺得只係小事，事實係你都係屋企一份子都係佢姑姐仲係啊媽個女
你冇講錯喎！要買衫都係佢父母買，爺爺嫲買啦！
回應返各位，前晚有籍由揀衫仔同阿媽講返開，亦都有提過中秋件事，佢知道咗之後都話冇留意到自己都好內疚，至於買衫仔一事，佢就話而加你買，將來佢哋都會買返比你或者佢哋BB嘅舊衫仔(反咗吓白眼，但老人家慳慣咗)，有同佢講我語氣大左唔係唔鍾意阿哥佢哋一家人，同埋叫爸媽著多件衫，天氣凍咗
要人做到完全公平真係冇可能，自己都未必做得到，至少自己而加諗開咗，又有老公支持已經好足夠
17個讚
咁佢地算係咁啦…
如果係我媽, 只會覺得係我小氣鬼。
我爸以前試過叫我俾零用我嫂, 話佢做FTM冇收入, 真係吹漲! 我自己都冇資格做FTM
5個讚
如果做到咁，又真係幾唔啱數嘅，FTM嘅經濟負擔 要付責都係兩公婆自己嘅事啦, 點都唔會輪到做姑姐叔仔揹上身啦
我自己都係姑姐，我侄女大過我仔4歲。我仔出世前我成日買禮物俾佢，反而係我哥同我媽叫停。
我覺得家中第一個孫係比較得得寵啲。
1個讚
解決就好了
兩母女無隔夜仇
唔奇怪,睇到好多都係咁,好多人都係想做嘅野得到人認同,自己嗰心會有種微妙感覺,亦隨時因此容易有了計較之心.唔會話你唔好,因為人本身都係自私.
反過來成年人自己諗下,為何小朋友做既野,父母就唔認同佢一定係錯,係都要覺得自己做既野就係啱?好多人講家庭教育好重要,但係唔係真係做到好既家庭教育?