儘自己責任就夠！
好多父母都係重男輕女. 可能你之前都係排係你哥之後, 而家侄仔出世, 你咪再排後的囉！
長老對孫嘅寵愛係你估唔到, 直到有一個孫仔出世先會見識到。
佢地對孫仔仲好過對自己仔女(講緊係仔女同個孫一樣咁大嘅時候)。希望你阿媽聽得明你講咩啦, 我唔覺得咁講過份左, 只係提一提醒佢姐。
1個讚
明白你嬲乜，不過又覺得好無謂。
你係主人家，“買蛋糕買餸煮飯執嘢洗碗，所有嘢都係我同我老公搞掂哂”
唔係好正常既咩? 過門都係客，仲要係自己父母，唔通佢地要煮返俾你??
不如問下自己本身係諗住為乜野而搞依個聚會先
你又上FB放返D相話忙左一晚慶祝阿媽生日TAG返成家人加多句 #媽媽艾粒U
領左咩功勞?
老實講，我做主人家唔會叫人夾返錢，出街食果D先會話夾。
小朋友得意，日日唔同樣，影多D相都好正常既。
依個就係其他姊妹咁講，阿媽唔識做，你錫你咪買多D囉，不過又可能佢已經買左好多，多到俾人話，所以就叫其他人買。
樓主以前係家庭入面既主角所有野都係以你為中心?依家有左個侄仔就覺得屋企人唔以你為中心，所以就森77?
7個讚
多謝咁多位嘅分析，其實拎自己同個bb比較真係好幼稚，但係吃力唔討好嘅事，自己唔願意做就唔會有人做，我哥係會連出街食飯都唔會主動叫嘅人，我又唔想大時大節都冇人同父母做節，或者好似大家咁講將來我有咗小朋友情況會唔同，而加剩係覺得對阿媽語氣大咗 唔想佢難做… 唉,
4個讚
其實你阿媽唔會難做，除非係阿哥阿嫂搵你阿媽傳話啫！
最緊要係佢第日識做，每人點錫個小朋友嘅出發點、程度都唔同，佢唔需要提醒你要做d 乜。
估唔到D留言多數都係傾向樓主無問題 
成年人要同個小朋友爭寵，兩公婆請人黎屋企作客慶祝覺得要做曬D野唔開心，唔知點解無啦啦講阿哥領功，可能有D野無講。
做主人家本應就係預左客人唔洗俾錢，如果想人夾錢就直接講每人幾錢。
come on, 成年人黎啦，世界唔係要圍住你轉，樓主唔應該周媽媽講唔見係叫我著多件衫，自省下有無提媽媽天氣轉冷要添衣啦。
2個讚
食飯呢件事, 我執著咗個點係我媽指嘅一家人齊齊整整係冇包括到我同我老公, 我明白你話自己po返未得囉, 但意義就係唔同, 或者可能真係我太執著小事上啦, 當下做完哂嘢睇到嗰吓, 個心真係唔好受
2個讚
預唔收返錢同人地有冇心俾錢又唔同嘅。樓主生日, 成家人一啲表示都冇又慘啲。
可能樓主係覺得有侄仔之後阿媽個反差太大先覺得唔舒服。就好似屋企無啦啦多左個人, 佢地無時無刻開口提住, 就算對方係小朋友都會覺得煩啦。睇落似係唔想阿媽個世界圍住個孫仔轉多啲。
我諗個重點應該係自己付出咁多 最後係比人無視呢個
正如我請班朋友黎我屋企食野 我唔會要人夾錢或者幫手 但係班朋友影相出post竟然係無我份 呢個情況我會唔開心一樣
9個讚
你會做，係因為你唔想大時大節無人同父母做節嘛，唔好討係你覺得做左無掌聲所以唔開心? 做覺得阿媽fb無提你所以森77?
搞清楚你搞聚會既目的，賓客行為你唔理得咁多嫁喇。
想俾人知你偉大你做晒你付出，咁咪自己開個fb post tag晒出席既人，講多句多謝屋企人黎一齊慶祝中秋。想做主角都要知點做主角呀。
會呀，你仲更加多時間上黎申，到時父母唔係好似對阿哥個仔咁你又會比較，買少件衫俾你個小朋友又會諗"又唔見阿媽叫阿嫂買衫俾我個bb"。
學習成長啦小妹妹。
同佢講你心情唔好照直講因為做左成壇野連父母都唔欣賞，坦白係改變既開始。
1個讚
中秋+樓主媽媽生日呀
我明白依個情況，同朋友有得計較，同阿媽可以點做? 咪直接講，鬧完交都係母女。
重申一次，我係明白樓主為乜唔開心，但我想提佢記返個聚會係為左父母有得做節，即係想佢地開心，佢地開心咪得囉。
1個讚
不如過兩日同呀媽 say sorry 話語氣重左咪得囉，兩母女唔通唔啋你咩
1個讚
聚會唔係為咗一家人都開心？點解淨係為父母？
我認同樓主做完吃力不討好，下次約出街食飯就得。
3個讚
““自己唔願意做就唔會有人做，我哥係會連出街食飯都唔會主動叫嘅人，我又唔想大時大節都冇人同父母做節””
樓主自己講既
我明你講得好有道理,我係計較多咗,但做節呢件事我唔係為咗認叻博讚, 有問過要唔要出街食又話疫情, 阿哥又唔出聲, 咁未自己揹上身囉。 至於將來嘅事, 我唔知父母會點公平對待, 至少我自己會鍚自己d囝囡未得囉, 而加係怕自己說話重咗, 怕我媽有心結啫, 收咗線都冇哂下文啦
咁唔等於樓主做節淨係為父母喎！
衰d 講句，搞完一日兩公婆好似透明咁同做工人有咩分別？
1個讚
記住要做依樣野既原因，父母開心，是單啦。
兩母女無隔夜仇，唔開心照直講，媽咪你做乜唔post同我兩公婆影既相，俾下面好喎，話晒請你食飯喎。
你錫唔錫侄仔佢地都睇到既，只係媽媽唔識做人開埋口點你做乜做物姐。
原諒佢，又放過自己。
3個讚
咁係為咩?
由中午好嬲咁打呢篇文 直到睇完你呢個留言真係好感觸，越親嘅人越會在意佢嘅諗法，或者我應該要睇開D，老人家開心就得啦，冇咩嘢我就去買BB衫先啦
3個讚
我唔知樓主，亦唔知你同屋企人見面為乜。
但我覺得你言語間係父母開心，咪得囉！
樓主唔係淨係自己，連另一半都唔開心，呢個世界無一個人，包括長老、子女、或再細d 嘅小朋友只係圍住自己轉，如果已經付出咗，連丁屎咁多回報（哪怕係一張合照、一句多謝）都無嘅，唔開心好正常。
1個讚