有樣野其實想提好耐
雖然好多人開口埋口都話叫你搵course/增值自己
但問題亦係呢到(其他人諗得到你都諗得到)
因為呢d普遍都要俾錢 而且多數都好貴+仲要唔係100%翻到身/搵到工
試問叫一個無業既人點負擔 亦造成惡性循環+好難說服到人去博
如果去到走投無路 分分鐘只能迫住借財仔/賭錢/自殺
btw 有時真係幾痛恨自己生得唔夠無恥+睇尊嚴睇得太重
都係個句 如果我唔當道德/良知/尊嚴係一回事 基本上唔會俾人道德綁架/制肘到
我諗肯定一早投共/跪低
同埋如果自己真係投共/跪低既話
到時可能會為左掩飾自己投共/跪低既事實
為左令黃絲"收聲" 甚至支持打壓黃絲都唔定 例如以莫須有既罪名"屈"黃絲+千方百計想連登仔/老豆搵仔收皮(當然係想抹走過街老鼠既污名)
從而將自己投共/跪低既動機合理化(甚至諗野可能俾港共更賤格都唔出奇 目的只為掩飾真相/大話冚大話)
估計到時可能走火入魔到連自己呃埋+返唔到轉頭
講真未到走投無路都唔想做到咁
erb要錢讀咩？無錢咪去下免費讀果d囉。
我都唔係有錢人，要錢讀我都未必俾得起，咪自已搵免費讀既野囉，網上搵下d 免費有cert workshop囉 
窮又籍口多多先係問題
都估到實有人話"搵藉口"
當然之前呢到提過既erb 正常大家諗到既我都諗到/有諗過
而問題係erb雖然"免費" 但入學試條件多到嚇死人 基本上冇有關行業既知識 or 英文差可以話免問
所以都想知究竟香港仲有咩所謂課程/進修/增值係免費/唔貴?(如果有希望舉例 等弱勢社群可以受惠都好)
明明當事人都冇講出口都可以俾人夾硬屈負面(話睇得出喎 正常都知呢d野係邊都唔講得出口啦 否則點解揀係網上呻)
真係無言
咁咪先學英文囉，網上大把資源 
只埋怨有用咩？
你未睇到有關重點?講緊最重點既相關行業知識(外行人點知 而且急住報仲邊可能短時間有呀)
"只埋怨有用咩"呢d說話老實講真係好涼薄 完全連基本既同理心都冇 完全係唔見棺材唔流眼淚既例子
同埋見唔少講過呢d說話既人 當問題發生係自己身上個陣 反而輪到自己無限放負 完全係今日的我打倒昨日的我 絕對係講一套做一套既最佳例子(亦證明左根本唔係真心話)
當然我都祝你一世好運啦
呢篇文真係感同身受(真係有類似經歷既人先會理解)
一位患有驚恐症多年的復元人士，最近出席小組活動時分享：他最害怕被人問起就業狀況，總覺得因為自己無工作，會被別人看扁，甚至排斥與歧視。因著這份糾結，他平日出入都感受到一份心理壓力，擔心遇到鄰居或其他相識，會提出相關的問題。
事實上，這位男士的感受也不是沒有根據的。他當初跟太太結婚時，女方的家人便曾因為他被診斷有精神病兼無業，不贊成這頭婚事。難得的是，他的另一半頂住千斤重的壓力，力排眾議堅持與他一起生活。
只要了解多一點，便知道這位男士並不是不想工作。反之，病發之前他是一位工作狂，因工作壓力太大爆煲，出現驚恐狀況。病情穩定後，他數度重返職場，然而每一次驚恐的情緒都再次到訪，令他被迫退場。可以想像的是，經歷多次的失敗，他對重返職場的信心愈來愈弱，最終也不敢再試，只靠著有限的綜援金過活。
在前線多年，這位男士的個案當然不是例外。事實上，「工作」這兩個字，對不少復元人士實在太沉重。一方面，精神與情緒病的病徵、以至藥物的副作用等等，的確會令當事人無法專注甚至完成工作。另一方面，令他們受困的還有世俗的眼光：社會主流認定沒有工作拿綜援的便是懶人。
我的意思是，復元人士除了受到病癥的干擾，身邊的人以至社會主流的看法，也會讓他們思想糾結：例如，他們會擔心病情會影響工作表現甚至犯錯，因此丟掉工作；沒有工作的話會被人看不起…而這種種內心的糾結，往往會發展成惡性循環，即他們愈想持續工作便愈難做到，久而久之更自失去自信，內化了社會標籤，認為自己作為復元人士，工作能力是低人一等。
記得筆者之前曾記述另一位復元勇士，他受到嚴重幻聽的困擾，即使按時服藥，情況也未有改善。案主成功克服病情的干擾，修畢了兩個語言碩士學位；不過每次工作，需要更多的人際接觸時，他總覺得別人會睇死他，不信任他的能力。到了最後，他也被負面的思緒壓垮，無法再延續工作。
案主努力向外界證明自己，只是，即使他的學業成績有多好，也無法走出「自己是無能無價值」的思想困局。令筆者印象最深的一幕，是他在被負責綜援的社署職員冷言對待後，哭訴是否他沒有一份固定工作，就注定要被人看不起。
這位案主的故事，正好反映了主流價值觀對復元人士的影響。當社會認定人的價值建基於在於工作及經濟貢獻，復元人士因此承受沉重的壓力。很多時，擊潰他們的並不是疾病本身，而是社會期望及標韱。想深一層，沒有了上述心結，兩位案主在工作方面料可從容一點，持續下去的機會也更大。
再說，復元人士是否一定要工作，才能夠得到社會的認同及尊重？多年個案工作的體驗，筆者見證過不少案主，即使沒有上班，也努力做好其他角色：例如父母、仔女、配偶、朋友、義工…… 有些甚至参與自助組織或政策倡議工作，為同路人或其他社群争取權益。難道這些就沒有價值？
我們的社會，幾時可以不再這樣膚淺？
咁都叫涼薄 
我都唔係有錢架，仲要照顧屋企d長期病患，我又暈過n次好彩醒得返，最記得訓係醫院個護士拍我唔醒，叫令一個護士埋黎急救定點樣，2個人一齊拍我叫我，但我回應唔到，眼又張唔開，聽到佢地話要急call醫生。
loop左n次醒返我好多野都遺忘左，最基本連中文字詞好多都唔記得，唯有由幼稚園既etv開始睇咁學，中英文一齊學囉，學學下好快又唔記得曬咪再再再再學囉，休養左數年先再做野，朋友同事亦知我情況，一路學既野全部搵online free coures，咁又如何？
認真，erb course冇英文冇行業知識底都可以讀。
啱啱先讀完。試下問多幾間。
讀完有D仲會有refer見工。
性格會受童年影響，希望你能走出。
多次提及自殺，有此情況希望你去睇下醫生。
我曾經都係in人果個，個個CV差不多，文職一個位最少幾百人爭，比時間選你來見，你己經成功左一半，好好把握見工技考吧！
我都有空白期，有做義工及照顧小孩。
你空白期安排做D咩？
好好把握呢段時間，做自己想做嘅野。
唔好意思，我段回應我其實係講我老公，唔係講樓主。
而家有種叫 SLASHER,
人生唔應該係"只為左返工" 如果有d想認清自己, 去見識, 唔通真係要等退休~連行都行唔到先去咩…
我又覺得空白期都唔係d咩咁重要的事…
最重要係你唔好認定有空白期係異類囉…
洗碗唔駛對人而且需求大喇卦？
感覺只係唔想返工俾好多借口
一間唔請咪問多幾間，搵工就係咁架啦，唔通headhunt搵上門呀
我都係家暴長大，細個時一直想自殺，所以明白你感受。
係我既價值觀，世界係現實殘酷既。
無人應份對自己好，也唔會有人無條件對自己好。
除左自己，無人能夠依靠，包括親人。
一到18歲便離開哩個地獄屋企，去左住劏房。
有種工係洗碗更易請人，就係外賣仔，貪佢包食兩餐。(而家 app送外賣無包食了)
朋友都唔敢聯絡，以前讀書咁叻走去送外賣？ 無面見人呀嘛，明白你所講。
初戀因為屋企係有錢人，要準備去相睇飛左我，窮就係錯呀。
去到咁夠負未？多得細個被毒打得多，學識當自己身體唔係自己既，可以大幅減輕痛苦。你覺得太痛苦時都可以試下，甚至可以用來唔比自己休息，好有用。
咁講有排講。。。縮短，外賣仔 > 電話卡街霸 > b2b sales 開始夜晚返學 > 不斷升級 > 有百幾個下屬既所謂高層，同時讀完第二個學位，結婚生埋細路有車有樓。
好上進既勵志故事？ 但我當時個腦一直相信只要一失敗，就唔會再有人理我，唔可以失敗，否則會變返以前無人理既自己。壓力大到要無視曬自己所有感受先可以繼續。
結果，第一次同最大一次既失敗來了，金融海嘯。
手上仲有積蓄，唔接受大幅減薪，唔撈。
又係面子。。。
點知一直搵唔到工，超過一年，山窮水盡。
我唔食，太太同細路都要食，仲要供樓。
因為日頭要繼續搵工，只能夜晚去碼頭拆櫃做咕喱。
仲要係咁被工頭鬧我快手些，平時係工頭個阿頭阿頭先向我報告，折墮嗎？
我想講既重點來了，我發現一直驚既事無發生到。
太太無離我而去，甚至朋友都無。
唔使再顧面子，唔使再樣樣都同人比較，就算慳住過生活，返工被人呼呼喝喝，原來開心過以前。
真係想做洗碗的話，哩間餐廳唔請，咪再去第二間問囉。
被人笑下，被人趕走，能夠自力更生，對自己交待就夠，唔使理人。