其實你沒完沒了咁呻，驚呢樣驚果樣，永遠唔再踏出去，咁你就永遠係咁啦。
同埋想問下有冇可能透過讀erb入到大公司?(當然以一般職位為主 至於人工當然唔敢抱任何期望)
btw 感覺上erb宣傳不足 如果唔係上黎呢到 我諗到今時今日都唔知有呢個course既存在
所以亦都對呢d course抱有好多疑問
我亦想強調返唔係話大想頭(從冇期望過高薪厚職 但求以後安穩)
只係太多所謂細公司招聘啟示唔知真定假 or 呃人(呢方面仲要仔細google有關背景已經好花心神)
所以正常有得揀當然係大公司穩陣d
但最怕對方要你投共先肯放過你 or 先考慮請唔請你
有樣野講漏左
就係讀緊erb course期間係唔可以有工係手(就算兼職/炒散都唔得 好似話有人會查)
所以仍然都疑惑緊究竟繼續搵工好 or 報course?
如果揀繼續搵工 睇怕都係繼續食白果(已經受夠)
如果揀讀course 睇怕至少幾個月內都唔搵得工住
真係好苦惱
anyway 正常處境越惡劣點可能唔想改變
正因為咁先有必要開post(已經覺得處於生死邊緣) 正常思維黎睇邊有人想自己無業
所以先希望趁仲在生既時候以有限既力量自救
雖然知道賭錢/借財仔/貴利係死路一條
但好驚自己係走投無路/失去理智既情況下要迫住行到呢步
(另一個post無啦啦被hide/ban 所以再係到post/copy多次)
以為講完過來人之談，可以比到少少啟發。。。
放心吧，可以揀來揀去，都未訓街餓死，絕對唔係走投無路。
無利用價值，投共都唔會收的，唔使擔心。
放數既唔係開善堂，無正職無抵押，得張身份證，最多咪借你一萬幾千，還唔到咪捉去開銀行戶口，又或者做下公司登記人，最多咪係咁。
細公司會呃人，所以只做大公司，其實有咩比人呃？
不如考慮下，目前唔做野就有飯食既日子可以維持幾耐。仲有幾耐時間可以慢慢揀，哩樣比較實際。
3個讚
你依家肯踏出去了解下個世界都未遲，身體健康已經係福氣，選一個有興趣既課程去上，好多野唔可以淨係得個諗字，試左先。好多NGO都有開辦ERB課程，詳情問返職員。
所以都講左問題黎啦
其實上面都講左
如果報左course 即係3個月唔搵得工(有專人查) 變相都係冇收入(唔知津貼夠唔夠生活)
如果唔報course/揀繼續搵工 相信只會繼續食白果/無限loop 又係殊途同歸
希望大家明我依家煩緊咩
你依家都唔係返full-time，又係同屋企住，唔好講到自己咁勤力
1個讚
沒完沒了，做m記囉，大公司，周圍都請人會搵唔到工咩，籍口多多。
講真話人"唔夠努力" “搵藉口"真係好易
而事實上有冇努力真係得當事人自己知(相信正常稍為有少少尊嚴既人點會想自己無業 因為外界眼光點都唔好受)
同埋亦想講呢種思維根本同支持加害者冇分別
就例如 好似明明受害人俾人強姦
點知個個唔走去指責強姦個個
反而走去指責受害人(有d仲要話"不如諗下人地點解強姦你仲好啦”)
聽到都覺得心寒
唔明點解呢個世界會變成咁
(不過都岩 香港人普遍都係欺善怕惡心理 遇到大奸大惡/人渣邊敢當面x 咁就當然搵食物鏈最底層做出氣袋啦 因為貪你冇能力反抗丫麻)
其實上面已經講左(請爬文)
同埋上面亦都講過呢d普遍都係服務性行業為主(要對客)
特別係面對一d特登係大庭廣眾搞事/玩野既麻煩客就好驚(例如發窮惡/留難你)
好啦 正常你諗住"鼓起勇氣"去見呢d工個陣
點知又係食白果收場
(唔知erb會唔會引薦畢業生做唔使對客既工種)
如果人人都識好似你咁諗就好
只可惜大多數人唔係咁覺得(包括呢個post已經有唔少人認定所有野一定係你錯曬咁)
我唔敢話當事人一定冇錯
但如果講到所有野都係當事人錯曬+認定當事人唔識反省/檢討未免太偏頗(咁同有罪推定有咩分別) 對當事人亦唔公平
有時會覺得有d弱勢社群唔多唔少係俾呢d所謂"主流"思想迫到要自殺
上面都講左
每次都要細心google有關背景已經好花心神(要肯定左係合法/冇呃人先去申請)
而且新聞唔少所謂招聘只係呃個人資料/騙案/引你入局
我去做咕喱果時，一開工都要比住址證明同身份證，因為驚被人偷貨。
都即場見有人話做咕喱都要比住址證明，唔撈。
當時我一窮二白，只能活到一日係一日，仲有咩好驚，驚捱餓好過喇。
所以先話你而家個境都唔係咁惡劣者，起碼仲有野驚被人呃。
曾經身為勁負人，唔介意自己隨時橫死果隻，負過你，先講多兩句。
其實人地讚好踩好，可以當飯食咩，又唔係做 youtuber。
3個讚
不如換個問法
對於食物鏈最底層/弱勢社群(例如長期失業/低學歷/年紀大/其貌不揚)黎講
去勞工處定報erb適合d?
同埋兩者之間有咩分別?