換個問法
當一個人空白期越長
係咪已經注定人生已完/等死?
相信有類似經歷既人亦都有諗過就咁自殺
因為已經俾大眾標籤為異類(直頭覺得你仲衰過殺人/老強)
呢世根本都可能搵到正職 亦見唔到將來
每日只能夠諗住過得一日就一日/吊住條命
根本同活死人冇分別
同埋再舉個例
就算你曾經諗過做住兼職頂住 然後再搵機會搵長工
但依家兼職大部分都係服務性行業為主(要長期對客) 亦有可能隨時面對麻煩客(辛苦其實預左 但只怕係呢樣)
搞到你開始驚/唔敢試
亦對你既處境越黎越不利(相信係咁歹/只有等死)
搵到正職機會幾乎係0
再咁落去唔通真係得返自殺/投共呢條路揀?(就算投共都唔係100%翻到身+隨時變過街老鼠)
p.s.原諒我無限放負 因為太多野屈左好耐(現實既環境根本唔容許我呻) 只能夠係到宣洩 否則遲早頂唔順抑鬱(雖然已經有都唔奇)
點解成日都有呢啲Post傢
講真我見人空白期係唔會理
最主要係睇佢面試表現同經驗同我想請嘅職位係咪適合
當然呢傢有少少人生經驗、好多時講幾句都大概估到呢個人嘅性格係點。如果我覺得佢性格唔係咁啱、就算學歷同經驗到位、我都會等多幾個先。
唔好話失業，好多剛退休既人因為生活上無寄托都容易有抑郁，亂諗野不如搵d野做下，運動又好學野又好試或者多d走出屋企，襯呢個時間充實下自己
老實講如果有空白期就唔請嘅話、作為請人既真係少咗好多人簡、有啲去完Working Holiday, 有啲上一份工辭咗跟手請左幾個月假去歐洲定南美。
要預到一個順眼嘅求職者唔容易、但如果請果陣Feel到佢係放負一族基本上都唔會諗。
好明白麻煩客真係好影響情緒、一係同自己講西客都自己一個人、佢點癲都好係唔會食左你、大把人都日日面對緊呢啲西客。
真係頂唔到、就揾返份少啲對人嘅工、例如執貨果啲。
其實不如你試下搵d專業既人同你傾啦，你都講過你唔開po講頂唔順，其實up係心裡面好唔健康
好消極好負面
如果樓主係認真既，應該搵專業人士傾傾
答: 唔係, 有類似經歷都未會諗到死呢一步, 同埋, 不如唔好講咁多, 搵份工, 咩都做住先, 到時睇吓有咩奇妙嘅事發生? 
AND 就算唔搵工, 都真心勸你搵專業人士傾(社工?心理醫生?)
No
人生可以有無限個purposes & possibilities
你應該搵專業人士傾下計
Well said
老實講我亦唔相信呢d所謂專業人士/社工/心理醫生(唔好問我點解 同時覺得咁樣好羞恥 等同話俾人知自己有問題)
亦唔見得佢地真係有同理心
如果佢地真係幫到手
相信全香港都唔會有人失業/自殺
其實上面已經舉左例
就算係兼職/炒散都係服務性行業為主 (除非你本身好social 否則死硬)
唔使對客既兼職/炒散近乎唔覺有
而且最大問題係唔知邊d招聘係真 邊d係假
你呢個假設，要建立於所有失業/自殺嘅人都曾經向專業人士咨詢而冇效，先成立。
啲人咪就係好似你咁諗，覺得求助好羞恥，然後唔去求助⋯⋯
補充返
呢d所謂專業人士/社工/心理醫生亦好大機會係藍
九成都係同政府/社會企同一陣線(有d就企道德高地)
試問仲點可能信得過呀
利申: 曾經有陰影
我睇法唔係咁
覺得有唔少人發現自己情緒有問題時無好好處理，最終引致悲劇發生
失業唔會因心理醫生幫忙已解決，因為佢哋唔會係俾份工你嗰個
你開咁多個post,有無情緒病唔到網友講，但好明顯你俾工作呢個問題令自己好困擾
有時外人做到嘅真係好有限，最緊要係你想唔想幫自己走出困局？見完專業人士唔會包生仔咁之後一路順景，但如果你可以分析到自己而家被咩問題所困，然後試吓一步一步咁去解開啲問題，我諗總好過你喺網上開post，不斷搵地方接收自己負能量，但現實中的問題無改善到
究竟係咩經歷令你有呢個諗法
的確唔係每一個專業人士都態度專業，我細個都見識過唔專業嘅社工，但如果未試用過就有呢個想法，就係純粹偏見。
我後來都識到有心有能力嘅社工，其實你愈見得多，就愈大機會搵到幫到你嘅人(人夾人)，你肯係網上分享已經踏出第一步
但我哋始終唔係專業啊，未必比到好岩嘅意見你。
係呀，明顯樓主已經唔係搵工唔搵工嘅問題，而係一個心態。
例如佢話啲客幾差，其實邊行都會有呢個問題，差嘅上司差嘅同事差嘅顧客，但係大部份人都可以繼續面對呢啲困難，經一事長一智更加老練識得對付佢哋，呢啲就係成長。
所以扭轉自己嘅諗法，就可以扭轉個命運。
樓主係需要搵專業人士解決咗情緒問題先！
係呀。講真我都試過情緒受困，不過時間好短同埋好幸運走得返出嚟，但個感覺真係好難受好無助
呢度個個普通人，擔心佢繼續喺度會受更多刺激，對自己真係無咩幫助
差既上司/同事其實預左走唔甩
但更加怕面對麻煩客
就舉個例
有d客特別中意無理取鬧 見你夠"林"就特登留難你 最慘係呢d人多數驚死全世界唔知咁(九成會引到其他途人拍片/起底)
又或者有條友明明未夠18歲 但見你夠"林"就側側博買煙(博你唔敢向佢查身份證) 以呢d人性格九成會發爛渣 到時都唔知點算
sor 講到199
千期唔好覺得自己有問題，只要正面d，積極d，就冇問題架啦！