無所謂啦 盡力餵 餵唔到就奶粉囉無乜所謂
餵母乳唔止睇媽媽㗎 bb啜得好唔好都好緊要
我自己頭一個月上奶點努力都係唔係好夠食所以補奶粉
全日掛奶 夜晚無得瞓 加新手媽媽壓力真係會好抑鬱
而家叫做捱過咗可以全人奶
想當年我媽生我我哋母女齊齊發燒 我媽燒咗幾日先退 佢話好返都退咗奶啦喎
所以我一啖人奶都無食過
而家咪又係好好哋
所以總之媽媽開心就得啦
3個讚
滴滴皆辛苦，諗番起自己以前
2個讚
我當年入谷d 人奶教好恐怖，半人奶鬧你唔全人奶、泵奶鬧你唔埋身，講緊個阿媽返工點全埋身呀大佬。
兩邊都有好偏激嘅人，一講呢個topic，總有一班餵奶粉嘅媽媽走出嚟講自己個仔好健康、無病痛，反而朋友個仔全人奶幾多個月入醫院、濕疹嚟講人奶無營養。
其實呢個post 都算溫和，就算講人奶比奶粉有營養多抗體係事實，如果你唔信科學信奶粉商就無得講，唔明點解要拉埋感受嚟講。生完bb 如果咁小事都觸動到你，要努力強大下自己心臟，因為餵唔餵人奶真係好小事，將來仲大把說話聽。
1個讚
唔識買organic?
答：唔係。
母乳係好但唔係必須。餵到係bonus 餵唔到咪飲奶粉囉。媽媽照顧咗自己身體同情緒先，對BB先係最好。我都好驚有d極端人奶媽，講到餵唔到人奶，甚至唔係全人奶都好似罪犯咁，對個B唔住，差在未叫人切腹。我當年見識過佢哋d留言，真係quit group都quit唔切。
利申：餵咗半年人奶，但睇返轉頭唔覺阿女同奶粉B有明顯分別。
5個讚
呢個唔係事實咩? 講事實都唔得?
3個讚
生完bb嘅媽媽係真係可以好小事就觸動佢地，因為賀爾蒙改變，唔好睇少一句說話對佢地嘅傷害。話佢地內心唔夠強大真係難聽過粗口
10個讚
我都生咗兩個，經歷過「玻璃心」嘅階段，我想講係有d 事實因為個媽媽唔啱聽，唔代表人哋錯。呢到已經無人奶教嘅人奶媽話大家一定要餵人奶，但我眼見已令到幾個人起哂槓。
「我以前都試過…」我覺得呢句說話最適合運用同理心嘅時候，如果唔係同理心緊，只係覺得「我得你都得」、「我都試過啦我覺得冇乜嘢」，無論任何情況、任何處境，我都覺得呢啲說話難聽過粗口…因為根本冇去了解當事人嘅處境…
1個讚
健康院啲姑娘真係會鬧你唔埋身㗎…仲會嚇你泵奶會越來越少一個月後就會唔夠食乜乜77…勁嬲！結果我泵到bb 3個月先慢慢轉食奶粉
我好認同每個人屋企嘅狀況都唔同，好似我咁雖然我係ftm，但係要一腳踢照顧bb，屋企冇工人冇長老幫，老公又要返工冇時間幫手。餵完奶掃完風換完片，又要走去泵奶，又多配件要洗，仲要偷時間煮嘢比自己食…根本連休息嘅時間都冇，自己有一段時間情緒好差，每日一路泵奶一路喊，洗洗下奶樽又會忍唔住喊，差到爭d想掉個仔落街…所以到3個月就決定要停，然後我發現有足夠休息原來係真係好緊要。
我想同嗰位twins媽媽講，唔好攞其他人嚟同自己比較，要照顧得好bb最緊要先照顧好自己！
4個讚
其實你只係偷換左少少概念，我認同母乳係最好的，比奶粉更好。但全句應該係：母乳在餵哺初生方面係最好。
因此，有好多以下句子：
Ftm係教育小孩方面係最好。
在家自教係學前教育係最好。
家長每日自己同孩子以英文溝通係最好既英文教育。
咁係咪每個家庭都做到以上既情況，做唔到唔好生仔？
每個家庭都有個別情況，按佢地情況俾到最好既就巳經係最好。
至於你口中既最好，唔代表我認為既最好，我認為同bb生活愉快的最好，比母乳的最好更重要。
10個讚
人奶好當然無咩好爭拗，只係而家講梗有媽媽餵人奶餵到崩潰，而有人堅持重申人奶有幾正，奶粉幾咁毒害，其實係咩用意呢？我自己就係無乜奶水，經歷過比醫院姑娘單打，泵奶泵出血，埋身埋到兩母子攬住一齊狂喊，情緒極崩潰嘅情況，如果當刻仲有人走來同我講呢啲說話，真係會成為最後一根稻草。大家同為人母應該明白，每個小朋友都獨一無二，每個媽媽都有自己的處境，唔係講事實就一定無敵。
Ok要講事實係，我兩個小朋友都全奶粉，大嘅我自問係精叻記憶力強型，好少病痛；細嘅食好瞓好非常易湊，兩胎初生我都湊得好愉快，完全無後悔餵唔到人奶。
7個讚
我奶奶就係覺得我唔餵到人奶就係害佢個孫既例子。
其實人人情況不同，都唔洗強求，我覺得小朋友需要個開心媽媽，多過一個奶媽。
9個讚
Exactly!
餵人奶，真係好講天時地利人和
大仔食咗唔夠3個月，我係朋友中第一個做媽媽，又傻傻地信個啲人奶group，要埋身唔好泵，結果只有一個勁弱雞二手泵，個陪月口話支持，但又幫唔到你啲乜。大仔出世又出入醫院多，老公麻麻又過身，去人奶gp 問就係話堅持，見人吔泵勁多又自卑。我最後搞到有少少產後抑鬱就決定停咗。好彩我遇到好好健康院姑娘，仲讚我做得好。有個直頭同我講，餵唔到，食奶粉都一樣，有咩所謂。
第二胎撞正爸爸入院，我都只求半人奶，點知撞到個好既陪月，阿女又合作，結果餵到而家。但我都唔多奶，泵嚟泵去都係3-4安，所以我覺得同人體質。真係講求天時地利人和
2個讚
係，生完身邊個個都話人奶好，點都要試，做媽媽本身都已經有壓力，自己都好想做到，比最好嘅奶小朋友。但人人情況唔同，古時都有奶媽啦，餵唔到而搞到抑鬱，對BB先最慘。
所以盡咗力而唔得唔應該內疚有遺憾，食奶粉一樣可以健康成長，媽媽們最緊要身心健康。
1個讚
想餵人奶，就唔好入媽媽谷，因為裡面一定有人奶教／賣BB 嘢／一大堆積唔關事嘅老公99是非，照顧初生已經唔夠瞓，嗰啲無聊谷仲要一日幾百個msger, 全部係晒命、賣嘢、講是非，睇嚟都浪費時間。
要正確嘅人奶知識，搵健康院或上網仲好。
當然。
所以咪入gp啦⋯⋯
好變態…
1個讚
其實有啲野唔係堅持就得，我有朋友用盡所有方法，中醫，補品，補奶茶，埋身etc 都係唔夠，咁唔通佢又唔係好媽媽？
不能否認人奶好過奶粉，但正如之前講，唔係一定要媽媽犧牲自我先叫好媽媽
4個讚