呢個講法要有好強嘅前設先成立。單講維他命A已經唔係每個都市人單靠diet就足夠自身供應兼俾埋BB。就算你食supplement、狂追餐，根本無人知道脾胃吸收到幾多呢啲微量營養素、又用到幾多、又transfer到幾多俾BB。Theory is theory，好似樓上講適合自己先係最好。每個母親都會盡力俾最好嘅小朋友，俾到咩就咩，唔好太計較人奶塔利班嘅惡意攻擊。
3個讚
同埋我覺得有少少市場導向喇，多咗啲support 餵母乳嘅商業服務/ 商品available，咪多人吹"母乳無敵"。數據係真，但有人真係餵唔到，唔通係錯咩? non sense。只係人人體質唔同而已，唔一定係"唔識"、“唔夠努力”、“做得唔夠”…或者去到最尾…“買唔到啱用嘅服務/ 產品” 
you know what i meant
2個讚
話分兩頭，奶粉商都標榜奶粉同人奶營養一樣的，甚至吹到勁過人奶，重而去爭生意
我自己一向支持母乳，但總會叫人盡力而為，千祈唔好餵奶餵到mission impossible 。
Breastfeeding 係好自然嘅事，人奶人奶，有奶就餵。
我第一個小朋友全人奶3.5 年…… 事隔15.5 年，
最近我生咗細仔，因為佢一出世就唔響我身邊，我自己又身在外國，又唔高大但順產9 磅幾bb 、生完已經係半條人命、頭2 星期仲每日去醫院2-3 次，身體攰到一個點，所有野都得老公、大女幫輕少少。
阿仔返屋企已經成16 日大，本身又大隻，所以唔肯埋身、我只可以全泵但唔夠佢demand ，一日7-8 餐中3-4 餐補水奶
我盡力做好，只係希望佢身體好D、多啲抗體
人奶唔係仙丹、除非過敏，否則人奶絕對最適合BB
4個讚
咁你朋友都幾唔好彩
醫院同健康院都好鼓勵人餵人奶，好似要跑數咁
我就好好彩，無咩奶又唔識埋身，so far 醫院母乳姑娘都好nice, 健康院都無比人話，淨係話餵到幾多得幾多
但係呀仔愈黎愈大食，我愈餵愈多奶粉，再上唔到奶我諗我都就放棄
好彩老公都支持我
講得好岩
1個讚
我bb未出世，但已經決定唔會餵人奶
我應該係罪大惡極
3個讚
響人奶塔利班眼中你直頭唔應該生
千祈唔好亂入人奶group
2個讚
你講得岩
醫院為左母乳醫院（唔記得正名，但大概咁上下）個朵
係咁迫人要餵人奶
我都係受害者
真係喊住乞水奶
我朋友甚至俾健康院話佢胸細唔夠奶（我朋友應該唔止A）
佢話好大壓力
我b都係開頭有人奶後來返工就無餵
不過事實好多奶粉係好甜
我嗰時試過幾隻samples
最後揀左hipp
叫做無咁甜
1個讚
即刻殺左你，死左埋屍都挖返出黎鞭屍，再五馬分屍 
2個讚
真係高興依度好多人都好理性同明白事理。
我都認為媽媽心理好重要，曾經都有因為唔算多奶而有壓力，之後都係叫自己放鬆啲，啲奶水又會自然增加番。
無論餵人奶如否，每位媽媽已經好叻呀！ 
3個讚
其實呢個表嘅對比方法都唔正確，佢只係列出奶粉嘅唔好處同人奶嘅好處，例如：人奶營養價值高，個表應該用奶粉嘅營養價值去對比
利申：我唔會餵人奶，但並非否定人奶嘅價值。同樣，我了解有啲地方奶粉係比唔上人奶，但我認為奶粉唔會係對bb無益
1個讚
住院期間我我都因為唔夠奶要丐
真係永世難忘
呢d咁既垃圾政策真係會搞到好多人產後抑鬱
2個讚
我覺得公立生都唔錯，就係乞奶呢點好討厭！
1個讚
係咪個別事件咋! 我問過幾個朋友公立生都唔會唔比BB食，應該係知BB幾時要食，衡量過，佢地跟番醫院指引做
唔比BB食，之後有咩事佢哋都擔當唔起啦!
係咪佢地一開就講話餵奶粉？我聽過好幾個朋友都似樓上會員咁講話要乞姑娘餵bb水奶。間唔中都見到有網民教路就算想餵人奶，去到公院都要話自己係餵奶粉先。
3個讚
我自己有人奶就餵(一日埋身幾次) 都餵奶粉。我覺得bb係自己既,自己揀人奶定奶粉係好個人選擇，好似飲食習慣，唔好強逼人去餵人奶！ 邊個唔知人奶方便又有營養價值，都要睇媽媽本身生理條件和天時地利人和！
琴日去健康院比姑娘見到用奶樽，立即面黑(因為阿b肚子餓，老公羅咗支奶樽出黎餵) 哈哈哈哈
姑娘問我埋身幾多次，我話三次到，比鬧！哈哈哈
1個讚
強烈建議生後同醫院話自己餵奶粉(唔好話會餵人奶) 就無人會強逼妳餵人奶比b。
反而去到適當時候同姑娘話自己想學下餵人奶…
2個讚
可以一開始就同醫院講餵奶粉?
我聽過有網友講公立醫院唔俾媽媽餵奶粉
只可以餵水奶?