多謝你！
其實我覺得d人係知母乳同奶粉既分別。但有時個個媽媽身體唔同，奶多奶少，有冇產後抑鬱，另一半配唔配合，好多事都會影響到係咪成功餵到人奶。當餵唔到時，如果身邊有人不停講奶粉唔好唔好，其實無疑係俾緊好大壓力俾媽媽。
有時我同人講我餵緊人奶，都會聽到一兩句讚美，但佢地話佢地餵奶粉時，我唔會專家上身話點解唔人奶姐奶粉有乜乜乜唔好。
我覺得尊重人地選擇，係禮貌黎。
7個讚
理性討論
事實人奶同奶粉真係冇得比喎
咁唔代表奶粉唔好，只係人奶營養價值遠超奶粉
參考來源：
美國母乳協會http://americanpregnancy.org/first-year-of-life/whats-in-breastmilk/
1個讚
其實係事實，兩邊都唔應該互相攻擊，醫院鼓勵人奶都係有根據，餵到就應該堅持，餵唔到當然奶粉都無問題。我都母乳至三歲半，初時真係要靠堅持所以成功，因此人奶媽咪係好鼓勵其他人不斷嘗試。咁而選擇唔餵嘅都不需要攻擊願意堅持的人奶媽媽。
2個讚
研究顯示幾乎所有嬰兒配方奶粉中的乳製品，都有注射 Recombinant Bovine Growth Hormone
（基因重組生長激素）的牛隻身上萃取提煉的。
此外，許多牌子，包括大牌子的嬰兒配方奶粉，都內含基因改造玉米或是基因改造黃豆的成分。
BB對 基因改造食品 比一般人更為敏感，
其中一個原因就是因為，BB的脂肪含量不多，係 無法負荷過多的毒素 。
所以母乳係比BB最好的。為BB，自己盡力而為。一懷孕就要做足準備，護理好對胸同身體，唔好亂買胸圍，亂食野，唔好接收錯誤信息，自我分析。問心無愧。
餵唔到，亦不需自責，怨天尤人，推卸辛苦，因為不論母乳定奶粉，沒有一位母親是不辛苦的。這是我們身為母親的責任。
3個讚
其實，「你講嘅理論大家都明」
問題係，「好多女性都有唔同原因而餵唔到母乳，所以先餵奶粉」
而你，「不斷重複母乳有幾好有幾勁有幾無得頂」
最後，「你忽略咗餵唔到母乳而要餵奶粉嘅女性嘅感受」
係「感受」
15個讚
我以前pump奶好在上司冇講乜野，不過要係廁所pump，又驚自己pump得太耐都有壓力
係「事實」，所謂「感受」係一種逃避。唔可以因為感受而歪曲事實，這只是自欺欺人。
1個讚
當人哋話你知，你講嘢好唔理人感受，你都要話人嘅「感受」係逃避
咁你咪証明咗你確確實實唔理人感受囉
希望你都唔好自欺欺人，唔承認自己係一個唔理人感受嘅人
16個讚
記住你自己講過，『所謂「感受」係一種逃避』
每當你有任何「感受」，你都係逃避緊件事
無論你係開心、傷心、嬲、喊，根據你『所謂「感受」係一種逃避』嘅理論，你都係逃避
希望你可以如你所言，可以毫無「感受」咁生活
7個讚
又係新 account,又成日追住人講事實,好有 bk feel!
3個讚
以你的思維、邏輯，和你說只是對牛彈琴，你喜歡掩耳盜鈴就繼續吧，道不同不相為謀。明事理的人自然會睇得明。
其實都真係幾煩
母乳vs奶粉
spoon fed vs baby led
狂抱派 vs self comfort training
有乜好比較？適合自己家庭schedule 就得啦，一個家庭嘅重心一定唔會係小朋友，點都係父母關係同身心靈健康行先。
咪變左果啲三姑六婆咁…
我自己幾個都全母乳，但係我又唔覺得有咩咁叻，只係我覺得我好彩，佢哋自己肯食，屋企人又有支援我，塞過但叫做快解決返。
個個媽媽都一樣盡力take care 自己BB架啦，如果我好似無咁好彩嘅媽媽咁又不停塞奶又返工，咁我梗係會餵唔成架啦。
自己都做過新手媽媽，好明白心情起伏，又敏感，除非人哋問我意見，否則我絕對唔會主動比「建議」要點做
叻唔切真係好乞人憎
12個讚
我見有香港人出專頁講過生孖胎餵母乳架。
我睇既育兒書就話母乳好好。仲有加入面書群組係好有幫助。
做唔做到，做到幾多，人人唔同。
我生第二胎先做到全母乳，其實好有運。
問返點解老公同99都習以為常，原來老公細個都係食母乳！
而家哩一代覺得不可思議既事，堅持到下一代先會知道有冇用，風氣係點。
又咁講，社會風氣咁sad, 係好有影響造奶。
想成功餵哺母乳，一定要比信心自己，睇少啲外界既傷心事。同同一信念又真係有經驗，圍爐會好啲。
所以只可以話而家盡做，睇多啲研究，即使餵奶粉，都可以身心健康。
非洲個個 bb 一出世都係人奶,又話一分鐘死一個!事實勝於雄辯!食飽緊要過餵人奶或奶粉!最緊要飽!
好多奶粉公司梗 sell 你邊隻奶粉!正如好多醫院健康院好多 sell 你人奶!無話邊樣100分!
唔夠或無人奶,千祈唔好焗餵人奶,補奶粉
醫院而家好多瞓緊床既 bb,全部餵水奶,唔係人奶架!咪當母乳係神咁品先得架!
做人要識變通!餵到人奶就餵,餵唔到就咁算!補奶粉都係咁食嘛
7個讚
啱啊。
無可否認母乳係有營養，但如果餵母乳餵到媽媽成日抑鬱狂躁，又體弱多病，咁呢個情況之下應該繼續餵母乳嗎？又或者媽媽生完身體唔好唔夠奶水，甚至生完唔好彩大病，又或者 BB 有special dietary needs，咁呢啲情況餵母乳未必係好事，反而係媽媽同 BB 都唔好。
最緊要 BB 同媽媽都健康開心，兩個都食得訓得。
同吃齋食肉一樣，各有各好，最緊要開心健康食得飽。
5個讚
母乳係好係無可否認嘅，但我覺得唔可以迫所有媽媽都餵，有時可能體質、精神或者其他人為因素做唔到。要尊重返佢嘅擇擇，更何況我會覺得果d成日迫人餵母乳嘅人你係邊位者，憑咩去話人唔餵母乳，做人阿媽嘅當然想俾最好嘅自己子女，一定係衡量過先會有自己嘅選擇。
利申：餵過三個月人奶
2個讚
我當時喺健康院，又唔係鬧嘅，不過個醫生好努力咁再了解又再了解點解我唔可以全人奶，再refer我見母乳姑娘話教我用一個set up有條管bla bla bla用奶粉扮埋身餵之類
好彩去到見母乳姑娘，佢睇住我個B埋身，話無問題呀！我同佢講咗個醫生講嘅嘢之後，佢就話「哦，係呀，嗰位醫生係好堅持架，不過你唔使理佢，唔使咁大壓力架，餵到一半已經好叻」
坦白講，我明人奶嘅好處，但望返轉頭亦覺得「餵唔餵到」「全人奶」呢啲好影響個別媽媽嘅心情（包括我）
都有少少覺得自己over咗
有次老公暖啲泵奶俾個B食，佢倒淨幾滴都俾我鬧到佢死咁 
不過知衰之後我有即刻道歉咗 
1個讚
好多人覺得自己做到，其他人做唔到就係唔啱，但其實每個媽媽都會因為唔同既原因及情況而去選擇，個媽媽係唔需要向任何人解釋，點解其他人會係乜都唔知既情況下去作出批評？我都試過俾朋友話唔儘力去俾最好嘅嘢BB，但我認為，因為餵唔到而令自己患上心理病，對Bb仲唔好，最後都係疏遠呢個朋友，反正佢唔體諒我都唔值得繼續做朋友
2個讚
冇錯，除左餵奶呢part，其實仲有好多bb嘅要照顧，要氹訓覺啦、擔心屙屎屙尿夠唔夠啦、同佢地沖涼洗頭等等啦。如果因為餵人奶攪到有心理病，邊個照顧個b呀。不過總有d人中意對人指指點點
4個讚