餵母乳既重要性係人都知道，但有時真係按個別需要調整。
今日係媽媽group有個twins 媽媽話湊twins第一日出院巳經好辛苦，好難捱。跟住有位母乳媽媽就話要feed on demand(即係隨時餵，一餓就餵），另一些媽媽就話，個個湊初生都辛苦嫁啦，仲有話自己可以訓二個鍾都開心，只要個初生食到母乳。
其實湊twins真係辛苦過單胎好多，點解其他單胎媽媽要咁push個twins 媽，我覺得最重要媽媽情緒好，先至湊得好小朋友。
16個讚
其實我都好有興趣知
有幾多人一早已放棄人奶
我果代細個好多人都係食配方奶粉大
但係宜家d 人又話餵母乳係最好
我都明但係好多人生完係要番工
又唔一定公司方便泵奶
總覺得係有人好快放棄母乳
講埋啲風涼話！
個個bb都唔同湊法，我自己提議人都係叫人「試下」因為岩我bb唔一定岩其他bb！
我成日都建議人有就餵，冇就食奶粉都一樣！最緊要自己舒服，無必要比自己呢啲無謂壓力！
11個讚
係啦, 奶粉B一樣可以係幸福BB, 唔等於媽媽唔盡力湊B
2個讚
我半人奶，一早夜晚嗰餐轉奶粉，大家都訓得好啲，所以我成日話啲人奶谷好似邪教，成日話係女人就餵到，咁有好多因素唔餵，就算個呀媽因為純粹唔想所以唔餵我都覺得ok, 唔一定要犧牲晒自己先叫好媽媽
9個讚
阿媽咁大壓力心情差，出唔到靚奶水，而且精神差又容易病，一陣惹到 BB。媽媽 同 BB 病左，group 入面啲媽媽都唔洗負責，最多咪一句 get well soon。
餵到當然最好，但餵唔到咪餵奶粉。最緊要媽媽心情好有精神，咁先湊到 B。奶粉 B 唔一定身體差過母乳 B。好多人都奶粉湊大一樣健康行得走得。
2個讚
我果時都係餵人奶，第一胎唔係好夠，追奶追到好辛苦。泵奶一定揸到個胸都偏晒先收手。壓力都好大，之後有時都會加奶粉。
一個都咁辛苦，我諗唔到孖既可以點餵。其他媽媽應該要鼓勵為主，如果用怪責既態度就真係過左火
2個讚
餵到就餵，餵唔到咪食奶粉，唔係人人都有奶。
人奶媽唔好講到餵奶粉好似餵毒藥，唔盡責咁。
但奶粉的而且確無人奶咁有益，唔餵人奶亦唔好抹殺人奶嘅營養，又講到奶粉更有營養。
兩邊洗哂腦咁去攻擊另一邊都唔好。
8個讚
媽咪嘅休息先最上奶
講真生twins湊twins已經辛苦左餵唔到咪補奶粉囉
媽媽身體唔好都無奶啦
我嗰陣生一個b都唔夠，一直都係一半一半，去到見中醫師，佢話媽媽都血虛邊造到奶？
我休息夠先開始奶多番少少，但個B又大食咗又追唔上 
有朋友係全人奶媽，個B一樣勁濕疹，一樣5個月就支氣管炎入院
有第二啲朋友同我一樣都係一半半，餵到就餵，唔夠補奶，BB托賴都一直安好
唔係話餵人奶係騙局，不過真係一滴有俾就係有protection，其他嘅都係基因已經決定咗
2個讚
曾經因為自己少奶而搞到好唔開心，老公見到我咁佢又好唔開心。回想返真係好傻，如果有二胎真係唔會再咁執著。
利申阿囡係補奶粉長大，比例大概7:3，都尚算健康，係耐唔耐有濕疹唔係嚴重嗰隻
盡力而為
有就餵
無都唔洗勉強
小朋友都係咁長大
至憎d人奶媽講到餵奶粉好似餵毒藥比小朋友咁
就係呀媽無就餵奶粉
有都唔餵喇
3個讚
冇錯啦，媽媽情緒都好重要，如果唔係點解咁多人有產後抑鬱？
我泵左八個月奶，初初諗住可以全埋身㗎，但原來埋身唔係就咁隊個b去個胸咁簡單
5個讚
我識既twins就用奶粉算。
我都認同湊2個已經好辛苦。媽媽需要休息才重要。雖然我自己係餵人奶。但我之前試過太迷信feed on demand.大仔試過缺水。所以我自己覺得餵奶粉一樣可以好好。
1個讚
其實我唔鐘意餵母乳,講到幾重要都係人類自己吹返嚟!又話科學實驗証明母乳乜乜乜…
聰明 d?我唔信,不如話基因遺傳!
健康 d?可能有抗體餵埋既,但未至於話乜奇難雜症都會因為食母乳無事囉!
飲完話唔會有絕症!咁少少都餵,又唔係!
so far 由我自己細個到我小朋友,跨代食奶粉,非常方便!老師讚天資聰敏,一年都睇唔到一次醫生(我細個)…我小朋友都比老師讚同樣野!
所以放心飲用,鐘意乜就飲乜!無話特別好或唔好!生完無得好好休息,對媽媽先至唔好
5個讚
我自己就覺得唔好迫自己一定要餵母乳，有得餵就餵
因為真係人人唔同，我唔餵母乳，但都可以係一個好媽媽
第二胎我都曾經下決心餵母乳，但最後都係全奶粉
1個讚
你地真係好明白事理。
有都係盡做，冇都冇辦法
母乳含有上千種的營養素，提供初生嬰兒非常重要的免疫及抵抗力。奶粉無法複製的，譬如︰免疫球蛋白、白血球、補體、及溶菌素等。其餘還有蛋白質、維他命A、葉酸、菸鹼酸、胡蘿蔔素、維他命B6。
母乳可增強BB抵抗力，腦發展更好外，人奶內的益生菌亦可保護及有助BB腸胃消化。
對媽媽修身，身體復原， 患乳癌機會率亦大大降低。
餵到人奶，是媽媽和BB的一種福氣，餵唔到亦唔需要放棄，下次再努力，只要懷孕前識得保護對胸，令佢發展好，冇野難得到世上每一位母親。
奶粉亦有好處，係退而求其次的選擇。但想同母乳比，根本 蚊 髀 同牛 髀。無法相比。
3個讚
就咁睇都覺得大壓力…
我覺得係比bb 食飽放第一，同時唔會放棄嘗試餵人奶
2個讚