呢啲講法實在太誇張，個人認為有機會為人母已係一種福氣
母乳係有豐富營養，但都唔需要太刻意眨低奶粉，做人阿媽已經唔容易，要成功感大可以每餵一次就讚自己一次。太極端的評價不如留喺心入面，個心點諗係自己嘅事，專登講出嚟係為乜？
利申：兩個仔女全人奶到兩歲半/兩歲十個月，從來無覺得邊樣好啲，最適合自己生活方式=最好
13個讚
冇誇張，我講事實
其實點做都有人呀吱呀左。我自己生左2件，餵人奶餵到2歲。因為我要番工，所以一直都係泵出黎唔係埋身餵。
跟住我有埋身餵既媽媽係咁同我講埋身好過泵奶，係咁數泵奶有乜唔好。其實道理係人都知健康院都有教，但要番工有咩計？
未來bb成長路上一定會出現好多唔同既聲音。例如之後幾月加固，加固用spoon feed 定blw, d人乜都可以講一餐~
5個讚
泵奶媽其實多好多野做同洗，返工仲繼續泵係好有毅力同意志先得
3個讚
我識個朋友3胞胎，每餐埋身20分鐘左右餵完3個。佢話超忙，冇一個媽唔辛苦，要識調節，重有佢大肚時已經好注重內衣褲的選擇及身子調理。
1個讚
佢哋講得冇錯，但係唔識揀時機囉
其實媽媽group好多都係咁，唔入好過入
2個讚
哦。
3個讚
我開頭想瞓多啲，都泵出嚟俾陪月用樽餵，之後媽媽group d人又話，吓你用膠樽定玻璃樽餵，（唔記得乜樽）會痴住人奶啲乜乜營養，bb會吸收少咗營養㗎blah blah blah, 心諗呢班人真係走火入魔，靜靜哋quit咗個group算
6個讚
我！
我都唔係好意思講出黎，因為驚講出黎會俾人圍攻…但我因為餵人奶好唔舒服、加上仔仔討厭埋身只鍾意奶樽，所以我餵左幾日一早放棄左…
我真係唔敢講出黎，好怕俾人話，連健康院都冇去過…好彩老公支持，直接俾錢去私家打針，避開健康院…我個朋友半人奶都俾健康院姑娘鬧到痴左線…
4個讚
好慘~
有種做咩都俾人批評既感覺
2個讚
嘻。事實。
係好多人知道餵母乳嘅重要、好處。相反，好少人知道餵奶粉嘅唔好處壞處，因為未講到兩句已經話「大把人食奶粉大啦又咪係健健康康」，其實已經講唔到落去
就好似樓上有位媽媽留言講母乳嘅好處，係事實，都俾人講有無咁誇張，咁仲點講落去？
3個讚
下? 健康院會鬧架??? 好大壓力啫
邊個想唔夠奶呀
都俾一半啦仲鬧
番工泵奶既日子，又要攞泵又要攞冰種，一袋二袋勁重咁番公司。最難頂係要忍受上司覺得你泵奶係偷懶，有意無意問你幾時停餵。然後泵奶係愈泵愈少，心理上又要驚自己好快冇奶bb唔夠飲，講起都辛酸。
我諗母乳係營養上好過奶粉呢d 大家都知，但人人身體唔同，有d 媽媽少奶有d 多奶，有d覺得餵奶好大壓力，咁咪唔好餵囉。其實我自己都係飲奶粉大，咪一樣正正常常。
2個讚
鬧呀！鬧我朋友做咩走去訓教唔餵人奶，生得bb出就預左唔訓覺之類…鬧到我朋友情緒崩潰…
一個都冇入，好怕同d媽媽講餵奶，只有上黎傾下計…
2個讚
你講我嗎？
我唔係想否認人奶好處，都講咗係個人諗法，又以為呢個post純粹為唔用餵養方法媽媽打吓氣，令你同其他留言者不快真係無心
最後一句，咩方法都好，我相信大部分媽咪都係用心照顧自己下一代，大家都努力啦～
唔會再喺呢個post留言了
4個讚
我都係咁，一黎生完想休息，二黎見到好多在職媽媽分享佢地坐完月要番工，bb由埋身轉瓶餵唔濟唔慣，所以諗不如直接泵奶算。跟住就俾埋身媽媽話喇，又話冇左同bb skin touch etc.可能都係事實黎既，不過自己唔係幾啱聽haha
1個讚
我只係覺得…母乳教派會不斷話人唔餵母乳，但開放態度派唔會咁樣話人…所以我避開哂母乳教派既人，好難相處…已經唔係講緊餵咩奶，係同唔到果d人做朋友…
4個讚
放棄咪放棄，使乜怕比人話，做媽媽內心要強大啲
人哋鍾意餵母乳係人哋嘅事，唔使同人對比，亦都無須要批評邊樣啱邊樣錯
各人有各人養小朋友嘅方式，唔好咁易比人影響自己果套
6個讚