室內健身單車+一個星期玩3次半小時呼拉圈
每日最少踩一小時
邊踩邊玩電話及睇電視，
時間勁快過，又唔悶
1個讚
我係計大約數既卡路里，
及將食物除番幾多份咁計。
每日盡量唔會食多過1500卡路里，
但有時食多左，就會加多一個小時運動
所以我減肥期間，都有食雪糕(一個星期2次)
薯片就隔晚食10塊左右。
我既第一餐會控制喺500-600卡路里內
晚餐就700-800卡路里內，
宵夜100-200，
每日如是+運動，減得冇咩壓力，
只係較麻煩乜野都要預計卡路里範圍
多謝分享 
1個讚
動力咪想靚
1個讚
update 返大家。
我原來發現係荷爾蒙失調，所以用咩方法都瘦唔到。依家要首先停晒所有藥，避孕藥同食放鬆supplement. 再睇身體狀況。但之前睇醫生減左嘅6，7磅都keep到
3個讚
Sorry er,啱啱先見到你有回我。醫生搵到我肥嘅原因，係荷爾蒙失調所以依家停左藥。我返去睇下搵唔搵得返d藥袋先。
其實我好明一定要付出。但係我由坐完月，1月頭開始已經行低碳（陳倩揚個方法）加3日運動都輕得幾磅。去到6月，我膝頭痛所以先去搵醫生睇下點幫到我。
BTW多謝你share 資訊俾我
著衫要靚
之前因為身體問題，成個人瘦曬，但又有時會水腫咁肥腫難分，面色差。
2，3年前開始玩gym，身形慢慢有線條，唔係病態既身形，但係呢一年因為轉左新工，工作忙又要照顧屋企，好難再抽時間去gym，零運動+喪食，慢慢變返個波。
諗起仲有大約一個月多啲就到農曆新年，到時要去拜年，唔想聽到有人同我講：你肥左啲喎／你圓潤左喎／你肥啲好睇啲…之類既說話，就好想操返d線條出黎，但無奈真係的唔起心肝，放假都只係用黎補眠
唔夠訓根本無力操，連去散步都覺得吃力
如果真係要搵動力，就係因為農曆新年唔想比人話肥左，不過暫時未夠力去推自己
3個讚
坐底見到個腩～
個褲頭漲卜卜～
唔想俾人誤會有左第三胎
無曬動力, 我婚又結左, 又做埋老豆, 我又未到癡肥, 減黎都唔知為乜
但我真係好想舉返鐵, 放低左兩年
1個讚
離題：就嚟實施強制8百萬人打針先出得街，咪唔使減
有同感，不過我係女黎，無仔女，但有2隻汪星人要湊。有時都覺減完又唔會有兵收，減黎做咩
都好想做返gym，但跟PT真係好貴，太重負擔。但係操肌個線條真係firm好多，減脂感覺都快dd
原來依個post咁耐 希望你仲有睇 
介唔介意share多d荷爾蒙失調既野
我身體檢查時有做過荷爾蒙檢測 我係有d唔balance 所以易肥 m前m後情緒會比較波動
但果時個身體檢查醫生比唔到一d好好既advice我 淨係話horsmone令我易肥所以要減肥就會有幫助
而身邊既朋友都成日話其實我唔係食好多野 我試過連續2個月每日30分鐘運動（會出汗 連續 有氧）都冇點瘦過
你係睇d乜野科既醫生？
著靚衫
我幾年前跟足pt一年，所有基本嘢已經學足曬，再唔操返我怕自己身體記憶消失曬。
1個讚
去Boat trip
我冇特別想減幾多，不過係諗住老來自己能夠照顧自己，身體健健康康。而開始做運動，做下做下，見到自己瘦咗，就更加有動力keep落去。
支持你踏出第一步，見到成果就會keep going!
1個讚
我覺得有人睇住好似比較好，例如我好多時個姿勢都未完全改到，例如左胸肌肉緊令背成日向前傾，發力唔夠好，做得唔到位。我又好容易會放棄唔做，有人篤住無得hea做。同埋去第二個場，有d器械個樣唔同上堂個d款（雖然我知功能都係一樣／差唔多），我就唔識點用，好驚比人笑，所以唔敢自己去gym room操
我只有係之前個間gym上堂，但個度係跟pt，無得自己去操，焗住要比學費，但真係太太太貴
我都覺得唔操返，肌肉會慢慢無記憶。之前因為腰背頸痛，做左gym後就無左痛症，而家又開始走返出黎
2個讚
要踏出comfort zone第一步好難