生仔結婚呢啲咁核心嘅問題，一定要直接了當好好傾清楚，唔好估黎估去。不過生仔結婚呢啲係個人選擇黎，冇話唔想做嘅就係自私，愛情唔係為呢兩樣嘢服務。最緊要搵岩人，大家都唔好浪費大家時間。
3個讚
樓主覺得佢男朋友遲啲會想要啫，呢啲冇人講得埋…
如果係傾好晒先反口既case就梗係要屌啦
有啲男人到三十尾四十，事業上左軌道，先想要小朋友，我唔會用身體同佢搏囉，相信好多夫婦都會討論過想生就趁嫩生，遲左咪叫個男人自己接受返個後果
總之不論男女, 因為生仔原因而各行各路, 都係因為雙方冇左愛…
男友係想要小朋友既 佢諗法同我一樣 怕後悔1516咁 唔同既係佢係男 我係女 佢幾時生都可以（衰d講 到40歲佢搵第二個生仲可以）但女人唔係 
所以要為自己打算下 我明白佢擔心既野 我都怕 而且我相信生仔係女人付出更多(又要生又要湊又返工）只係我想有個計劃，如果一年拖一年 我好無信心 出post想聽下大家意見咁，係咪真係窮有窮養 貴有貴養 生左先比較好呢？
咁你地既不穩定因素更加多
首先唔擔保生完仔唔會後悔
仲要你地兩個都係1516…
你問窮有窮養貴有貴養既問題, 其實都冇標準答案既, 前者對媽媽身體好啲, 後者多啲資源俾小朋友成長; 如果你有前設一定要生, 揾過第二個都要生, 咁窮養都會生啦… (雖然唔知你口中既窮養係幾多)
利申: 反對窮養, 識人窮養搞到全家都窮, 根本係攬炒
1個讚
你有冇經濟能力一個養起個BB？娘家撐唔撐你？
呢個係假設到時老公唔嗲唔吊，或者好似隔離post話老公叫你掟bb比老爺奶奶湊就算，咁你點？
又或者現實啲諗，你男朋友經濟能力點？有冇自住樓？
1個讚
問過娘家 必要時佢地幫我湊下 我覺得我地2個慳d都算可以勉強養到 但就未必儲到錢…供緊樓啊
所以真係人生一大決擇 
好多人怕而家唔生將來會後悔, 但知唔知生咗之後先後悔係幾咁絕望?
到咗30尾，２公婆先有共識要小朋友, 就算幾難懷孕都仲可以用錢解決, 甚至領養. 但生咗之後後悔呢? 冇得返轉頭架！唔通殺咗佢？！幻想吓你老公一句＂當初係你話生之嘛， 我都話唔生住架啦！＂你可以點? 好多家庭悲劇就由呢啲磨擦累積而成。
6個讚
個人覺得生同養小朋友係可以豐儉由人（私家生vs 公院生；請陪月vs 屋企人幫手坐月；私幼vs 卷幼 etc)。
但你講既窮到底有幾窮先？喺另1個post 見有被窮養既人覺得嗰個係一個好差既經歷，但你有講到供緊樓，所以其實你地經濟能力都唔係咁差？可能係因為啱啱囉左舊錢出黎俾首期所以暫時冇錢，係咪可以咁理解？如果係咁，經濟能力就唔係大問題。
不過除左錢，仲有其他野要考慮，最基本要考慮到時邊個照顧bb, 洗唔洗請工人。你提到1516，或者第一步要做既係諗清楚，係咪真係想要小朋友。
一齊買咗樓？咁直接開門見山傾結婚生仔呢個問題啦
老土啲講，如果佢覺得同居已經夠，咁你就要謀定後路
好同意，都一齊買咗樓 供緊樓，咁要講清楚係同居，定係結婚生仔，若果大家唔同路向，諗清楚邊個接受邊個啦，若果唔係就要搵一個你自己想要嘅方向
你同你bf 一定要sure 自己生左bb 出都唔會後悔先好計劃
我同老公30頭都仲係1516, 我就傾向生，佢就傾向唔生。不過，去到35，見到d 小朋友，真係好衝動想同老公生返一個。生仔黎講，女人的身體真係唔等人。尤其係經過早期流產，我有深刻體會。你睇返早期流產的原因/ ratio, 高齡係其中一個main factor! 明明做過body check, 精子/卵子一切正常, 真係好灰
現實，今胎我 join 左個媽媽 group, 入面有一半係90後。講真，你的年紀一定要計劃。
我覺得唔係話一定要貴養，但一定要有經濟能力
我同我先生都諗住窮養，唔會讀私校/比長老湊，接收朋友2手bb床/衫咁。不過，關乎小朋友的健康/教育我唔會慳
5個讚
講真如果怕悶就領養寵物修下甲high個tea就已經輕鬆解決左，可必要製造多個無辜小生命有咁多uncertainty 呢
6個讚
儲唔到錢咁你地退休點算
一個唔該有意外返唔到工點算
你話怕悶, 其實大把唔洗好貴既活動可以做…
一定要湊仔搞到自己好忙先叫解到悶?
3個讚
如果2公婆唔同心，有左bb, 99%離婚（分手），唔好害左小朋友。
你去亡國或者睇新聞，極多人為左趕尾班車生仔，或者以為生左小朋友，個老公會變好，到最後99%沒有好下場。
唔好信乜乜單親對小朋友無影響，這只是自己呃自己。
101%小朋友都想有完整家庭。
你講咁多野，都係諗自己，完全無諗小朋友福祉，自私到爆。
唔好怪我講得咁絕，只係唔想又多一個小朋友被害。
5個讚
唔好意思我見到呢句想離題
我join果個媽媽會有一個得16歲（即係有人犯法…），另一個17歲，佢兩個報完歲數之後有個18歲走出嚟話好彩自己唔係最細
我印象好深刻
2個讚
啊妹又夠膽講出嚟，真好嘢
我又唔係咁諗 有d情況係試過先知原來自己中意 當然唔係玩玩下 最緊要係如果有小朋友後負返責任 唔需要太偏激～ 
樓主我再直接d
1）你話佢應該會想要，應該？即係佢究竟有無講過係咪真係想要，係未諗好想唔想要定係遲d先想要，依幾年唔想生係咪真係經濟好d既時候會想生，唔好feel唔好覺得，可能你5年前同佢一齊你都「覺得」同佢可以有一個家庭
2）咁如果佢比你既答案係no，你都話其實你本身唔係特別中意小朋友，咁你會選擇同佢一齊（無小朋友）定係為左你覺得比較似一個家庭而想搵過第個先
3）你個問題係繼續一齊定分開好，首先要搞清楚以上兩個問題
4個讚
到小朋友大左就會發現17歲生仔好爽，不過前提係自己要夠成熟做人父母
1個讚