生命和小朋友，唔係俾你去做試金石。
單睇你的留言，你和你bf都唔成熟，生bb出黎，同害佢有乜分別？
負責任唔係只係俾飽飯小朋友，而係預備一個有雙親愛的環境。
當然你可以好似其他人，為生而生，到頭來變成 ”生仔要考牌”其中一個story 主角。
既然你bf都話唔想，呢度有1萬個網友支持你生，都無用。
3個讚
我老公俾我更鍾意小朋友，但生左出黎都經常為照顧小朋友吵架。
幸好當初係佢想要小朋友，我提醒佢，當初佢要小朋友，就要負責，咁佢先多些幫忙照顧小朋友。
男人唔鍾意小朋友，99.99%唔會理小朋友。
好多時仲會埋怨小朋友，令佢無左老婆，結果就去搵第二個。
女人唔同，母性係天然的，大多數都會照顧小朋友（當然有小數例外）。
1個讚
exactly 樓主一直迴避我地問佢究竟bf想唔想生 然後話覺得佢會想有
唔好「覺得」 依樣野無得估無得試
答左我上邊問你果2條問題先 依度我地比晒所有人既example同意見你都未必岩你用
2個讚
我覺得鍾唔鍾意小朋友都唔係重點，重點係有冇責任感。幾鍾意小朋友都應該唔會鍾意換屎片，洗hi 左屎既衫、半夜三更起安撫喊醒既bb。。。
——————
樓主我覺得你唔需要同其他人交代你想生小朋友既原因，最重要係同男友溝通好，你地係咪真係想生。如果確定想生，就同佢分析點解依家生比較好，幾年後賺到幾多錢都好，點都買唔返你32歲既卵子，除非你雪卵，聽講好辛苦。
如果確定要生，記住小朋友係因為配合你地兩個想成為父母既意願先黎到依個世界，所以你地一定要對佢/佢地好好。三餐溫飽只係最基本責任。
你啱 無人中意換屎片 
我都認為最重要一點係負責任 盡能力比最好既野佢 anyway 因為咩原因生或者唔生都好 只係每個人選擇唔同 我同男友都只係初部討論 會諗清楚雙方同意再決定既～
Ps. 多謝各位寶貴意見 
順便覆埋樓上jm 問題 我無迴避問題 雙方想有小朋友 至於幾時生就要傾啦
其實做咗人父母先最悶….
行山、backpacking、拍拖睇戲食好西，想做就去做嘅日子，俱往矣
3個讚
唔知點先為之窮養？我大部分bb用品同衫褲都係朋友俾/carousell 買二手、公立醫院生、人奶、尿布….無乜大錢要使，最貴就係請咗六個星期陪月，但相處不愉快，如果再生會訂月子餐算，又再慳啲
貴定窮養，主要睇教育，如報唔報playgroup, 幼稚園讀私校定劵校，小學、中學 讀直資學校定津校，報唔報興趣班和補習班 etc
湊nb會好期待有得換屎片架，證明食得痾左肚仔舒服
1個讚
但官津都有一大堆係超勁個喎
其實徐子淇都覺得其他人係窮養，咁其他人係咪唔生？
我無意挑戰，只係我覺得好多人都以為自己係富養，其實喺有錢人眼中咪又係窮養
未瘋狂轉身爬走之前，我係好樂意換嘅，睇住佢抹乾淨，舒舒服服
但後來瘋狂逃走真係買佢怕
1個讚
一個男人，如果佢真係想要小朋友，佢會主動提出。你主動提出，佢諸多藉口，只是唔想一口拒絕你。
你試下問佢：”我怕生bb辛苦，不如領養，有個完整的家。” 睇下佢反應，就知佢是否真係喜歡有小朋友。
雪卵都係好方法，等你們2個都成熟，一家幾口會幸福好多。
4個讚
我都係20歲唔夠生 而家已經有30喇
如果你問我嘅話 我覺得好處多過壞處 當然可能係倖存者偏差
咁啱同我差唔多年紀嘅朋友 好少生咗 都開始好似樓主咁擔心呢個問題
同朋友討論過無數次喇
其實結論就係 條仔唔想生 快啲換人 真係趕唔切
如果條仔嘅語氣仲係遲啲先 其實即係唔想生 或者唔打算同你生
如果條仔講得出遲啲 一係覺得自己好細 根本未有結婚生仔嘅打算 即係暫時都唔想生 你等唔到
一係就深思熟慮 但係唔考慮埋你嘅年紀 即係你唔重要
6個讚
鍾意小朋友生完都好易癲，更何況你本身都唔鍾意小朋友，愛呢？責任呢？耐性呢？冇共識又或未全身心ready嘅情侶，生完小朋友一年內分開嘅大有人在，自己諗啦
1個讚
係啊 眼見好多人係依d 條仔未ready 自己又想等 又唔捨得放手既情況度無限輪迴 都仲心存希望
男人想同你生 佢會主動
男人想同你有未來 你會有好清楚既signal 其實好少要你估下估下
1個讚
要分清楚
想同你有未來=/=想同你有小朋友
大家要傾清楚雙方人生規劃，因為結婚唔係包生仔
一方唔想生=/=唔理另一方感受
2個讚
直接講囉
佢點都要諗清楚大局，冇得逃避，
除非佢冇打算同你有將來
可以考慮下凍卵, 純粹幫自己當買份保險