32歲女，拍拖5年幾，好擔心呢幾年唔生就變高齡產婦/生唔到，本身唔算特別中意小朋友，但怕後悔/悶，覺得有小朋友比較似一個家庭，可能有人會話為左呢d原因生bb係自私，但我更怕後悔，同男友傾完，因為經濟壓力佢話呢幾年唔想生，咁我點算好？繼續一齊定分開好？ 
好想聽下大家既意見、經驗
3個讚
會唔會考慮雪卵 佢依家唔想生 你勉強要之後辛苦既都係你自己
6個讚
呢個真係要好好想清楚。
我從無諗過有小朋友先係一個(完整)家庭，我唔明呢啲係咩思想，呢啲只係因為結左婚就要生仔既傳統諗法。
有小朋友真係好困身好多煩惱既事纏你十幾年。
你要衡量有小朋友重要定你身邊個男人重要，如果你認為生小朋友重要就搵一個好鐘意小朋友又唔介意你年紀既男人。
10個讚
真係無諗過，只可以當係最後既辦法～ 
不過我覺得如果爭果幾年就無謂晒錢
只要你哋願意做父母責任愛錫小朋友，就可以生啦，的確有小朋友嘅家庭會更豐富更熱鬧的，你哋坦白傾下啦，有經濟壓力就一齊努力揾錢，同時努力備孕，年紀大左就唔係話有就有，有啲人的確年紀大左會後悔無生，你哋諗清楚傾清楚啦，最緊要兩公婆搞得掂
1個讚
繼續要一齊真係直話直說！
樓上講得好岩！「遲下辛苦既係自己」
高齡又危險，男人未必咁了解！
如果佢係想要bb，應該依家同你開始準備！
大佬，唔係話有就有架有時
首先真係坦白講清楚！
1個讚
睇你有幾想生，如果另一半唔想其實就算比你講到妥協之後都唔會開心，因為佢唔會幫手湊，辛苦嘅都係你自己，你話佢佢仲會話返係你要生唔係佢。
如你好好好好想生但佢唔想，咁可歸類為大家對將來唔一致就好好諗下係咪適合。
10個讚
咁你男友有冇話想同你結婚（就算大家唔生仔）？
每個人生b都有唔同原因，你以一個家庭本位去思考過，我唔覺得你咁諗係自私。只不過生唔生真係兩個人既事，所以你同男友要有高同步率先得。
佢話經濟壓力，係咪即係有其他計劃？如果有心一齊走落去，不防同佢坐低列晒出黎一齊諗下度下。
例如原來佢計劃要結婚、買樓、進修，甚至去旅行，你計劃生仔，咁大家咪排下priority，諗下方法囉。有d嘢係時限性，有d冇，兩個人最緊要攤出黎計數。
1個讚
男人話佢想要你都要諗諗傾清楚先
男人話佢唔想要係一定唔可以生
9個讚
我都明白 就好似我地有養寵物 佢都好少理 但如果bb得我自己 真係搞唔掂 我諗佢都想有小朋友 但唔係呢幾年 矛盾既係遲多幾年我都未必生到…又唔知要試幾耐先生到
佢講左好耐 不過暫時唔見行動 
如果唔生,結同唔結有冇分別呢？
直接講你既諗法我覺得比較好
1個讚
想要小朋友，但唔係呢幾年，這句係癈話，32歲唔準備生，唔通等40,過40你仲可以買樓，結婚，去旅行，動物等，玩到60都仲得，你真係想要就坦白傾，如果真係傾唔到，你諗吓有咩計畫，一係找第二似，一係接受唔生仔。
1個讚
你首先要諗下點解你覺得有小朋友先”似” 係一個家庭?
4個讚
過多幾年生可能係會好難生得出
但果種難絕對唔會大得過而家你係佢覺得自己未ready既時候生左出黎之後要面對既難
如果你認定要同依個人一生一世 咁你唯有等
但如果你目標係結婚生仔 而可能佢拖到比唔到個答覆你 連規劃都無 咁可能你就要諗下係咪要搵第二個
其實你退一步諗 你應該可以feel到佢究竟想依段關係去到咩程度 而你同佢對於小朋友既觀念無理由係埋一齊5年都唔知
3個讚
因為如果佢連結婚都唔想同你結，唔使話生BB，即係將來都冇諗住同你過⋯
結婚幾多歲結都可以，但有仔真係要趁嫩生
4個讚
去到3字頭歲數，真係你急佢唔急，認同上面jm講，諗清楚係咪認定呢個人，就咁一世…
1個讚
如果大家目標/價值不一致，盡快分手，無謂浪費更多時間
1個讚
其實佢係咪真係會同你過人世？
佢拖住你咁耐，呢個年紀又唔結婚，可能其實覺得你未係佢老婆嘅人選。當你以為真心相愛，點知男人拍下囉柚就走⋯⋯
1個讚