點解個女拍十幾年先問？之前唔敢問？
女人就係要早啲醒覺⋯⋯
我由十幾歲第一次拍拖開始，拍到差唔多見佢冇plan結婚嘅我就散，我追求穩定，所以更加要敢於捨棄！但太多女人就係唔敢放棄投資⋯⋯咁只會浪費更多青春。
我嫁左之後，個人真係安落左好多
唔洗再煩溝仔定比仔溝，唔洗再理啲狂蜂浪蝶，少左好多煩惱。
9個讚
咁就要睇個女想要愛情定純粹要個package
如果個男人真心對自己愛錫自己，比起 ‘結婚生完仔自己一腳踢，個老公淨係識打機，仲唔體諒你當你工人，好似偽單親咁’ 嘅生活，一定係前者優勝
3個讚
識有啲人因為唔打算生仔所以無結婚，睇你有幾重視結婚呢樣嘢，我自己本身結婚無打算生仔，婚後唔知點解大家都好想生，可惜生唔到
1個讚
到呢個年紀仲唔止蝕真係total lost，女人後生唔想生，但到左一定年紀見朋友個個美滿家庭就心郁郁想生，但到想生個時又已經冇得生
1個讚
男同女始終唔同
男的50-60歲都生得，女的35歲就高齡 （係生嗰陣）
你唔plan, 一、兩年就高齡
過來人分享： 我到了36左右想生，bingo 左，但最後空心胎，8週就流左，好hurt。 高齡的早期流產多好多，因為卵子已經冇咁好
跟住係咁睇中醫調理，好好彩，2年後比我bingo, 而家24週，希望bb 健康成長
如果你好想生，坦白同你男友講。佢想要小朋友，就要行動。 否則，你就要準備可能生唔到/ 分手揾下一個。
我識朋友32開始plan，等左3年都冇消息。高齡了，排家計會不育科，要排近4年（佢後悔1年唔得冇即刻排，原來政府要等4年，如果過40又取消資格）。 出去做人工，要洗8萬仲要唔 guarantee…
當初經濟問題唔想生住先，到後期變更大的經濟問題
9個讚
我已經好坦白咁講晒出來 但佢就話養唔起一口拒絕 我諗應該要好似你講咁列晒出來 再每項同佢溝通清楚 
始終佢唔成熟 身邊朋友未結婚又未生仔 只可惜我唔等得
Congrats!!bb健康最重要，排4年咁耐 
因為好多未知數所以先想開始試 又唔係即刻要生 快既我諗都要34 我相信佢人生中都想有小朋友 但唔係依家 我都唔知點答佢好 只可以講佢無係我立場考慮過
我都好驚你講既呢樣野 到時一句說話係你要生就無野好講 女人時間上就係咁唔公平 
仲有如果只係想搵個男人生，通常會倉促下決定，可能搵個年紀大好多，可能條件爭好遠
生完亦會係乜愛情都冇
4個讚
咁佢有冇計劃你哋既將來？
佢有冇諗過結婚？
以前我會諗30歳左右結婚就最理想
但原來攪攪下都成32歲
點解？因為男既覺得要金錢事業上ready 先結婚
可能你男朋友都係咁諗⋯⋯
同佢再傾下將來，睇下佢既將來有冇你
你都32，結得婚黎分分鐘34，35⋯⋯
你要有心理準備
真心建議你依家好去雪卵
2個讚
公立症平均輪候 150星期 （近4年）
接受療程時不可過40歲
過幾年冇得生，真係要睇私家， 8萬一次講的唔係養和，係診所
你要諗清楚
1個讚
過咗35歲係高齡仲要再重新排另一條隊。我朋友兩夫婦比政府玩咗幾年都搞唔到，到最後自費去台灣搞人工，結果38歲先生到小朋友，足足浪費咗6年。
1個讚
真心講，佢唔成熟，無朋友有經驗，真係好難傾，老老實實，如果詳情列出都傾唔掂，真係揾過個好過，話唔定係合拍組織好家庭。兩個人同步好緊要，有愛情但生活夢想傾唔掂，咁仲算係愛情咩？兩個人有共同目標一齊完成開開心心，更加係一種幸福浪漫，愛情不只是戀愛感覺，互相生活向前行都好重要。
2個讚
如果佢咁都咁聆聽你，唔企你立場諗，其實佢都幾自私，咁其實都無嘢可以傾落去
1個讚
識人女仔30左右有左，大家會做父母責任生佢育佢，但個小朋友差唔多三歲先結婚。咁呢啲就係有承擔。亦說明左生育係有年紀限制，結婚係無限制的。佢哋而家都好幸福。
2個讚
咁公平啲，對個男人嚟講，愛情就係愛情，個女人要生仔亦唔係當初大家預計嘅，拍拖時冇話一定要fulfill結婚養兒育女責任
冇邊一方面錯，唔係話個女 loss咩個男自私
2個讚
我同你差唔多年紀, 已結婚
以前都係咁諗 ‘本身唔算特別中意小朋友，但怕後悔/悶，覺得有小朋友比較似一個家庭’
不設防後先發覺有BB唔易
3個讚
換轉係樓主唔想生, 男人想分手, 男人一定變左千古罪人 
都唔明點解次次都係男人唔成熟、浪費女人青春
男人覺得未經濟上未ready，我覺得都叫負責任啦
好過淨係負責出精，生左之後咩都唔幫手
(又一個生小朋友既理由係怕自己悶, 真係聽到好炆…)
7個讚
樓主話佢男友唔係唔想生，係想遲d生。男女身體結構唔同，如果個男既都有心想要小朋友而唔為女友身體考慮，當然係唔成熟。而且佢話遲d生到底係真心，定想拖住先，如果想拖就真係浪費女人青春。
生仔既過程黎講喺生理上女性付出比男人多，好難怪大家作為女性會偏幫女性。但男人因為女友/老婆唔想生而分手係咪千古罪人，個人覺得要視乎其他因素，例如個男人係咪過左好多年先改變諗法、有冇同伴侶溝通好對生小朋友既睇法等。
4個讚