要學校社工評估、轉介先可以入
做咗政府評估未？其實如果有咗評估結果，知道係咩問題，再針對嗰方面去做資料搜集、學習點去同小朋友同行係會好好多
好多時自閉症都係夫系遺傳，所以我老公都係一樣唔太sense到小朋友係咩問題，我就直頭帶佢去一齊上相關機構搞嘅家長工作坊，等佢了解個病之餘都正視自己同阿女問題
得閒留意多D唔同相關機構，時不時都會有D講座或者工作坊，去支援返家長
其實又唔可以話強行，同埋有D家長係一心諗住試左先，唔得再退返去特殊學校。
同埋主流學校都會有支援同訓練，再加上政府training都唔會因為你入左主流而停。
有SEN問題小朋友揀學校時要特別小心，要搵間支援強D同包容D嘅學校。我女學校呢方面好強，有三個註校社工再附校教會，而且係Happy School。我成日都話好興幸阿女入到呢間咁合適嘅學校
其實我有小小感覺你好似好睇低自己個小朋友咁，希望你唔好介意我咁講。但係如果你自己都睇死同睇低佢，又點可以令到其他人接受佢，而佢又願意去嘗試走入呢個世界？
我朋友例子咁，佢先係完全接受自己個仔就係有自閉症會發癲會有古怪嘢，做好心理建設自己點都要support阿仔。佢會自己走入阿仔世界，先去了解咩情況阿仔會發癲，跟住就做好多預防操施，令到阿仔會發癲情況大大感低，同慢慢試點樣可以令佢癲完盡快冷靜。對外佢又好主動會同其他人解釋小朋友情況，佢唔會諗：唉~ 又搞到人… 佢係諗：呢個就係我個仔，我做阿媽唔撐咁邊個撐。咁當然佢唔係發惡嗰隻撐，佢係道歉再光明正大咁解釋。佢話通常D人都會明同理解，少數唔理解嘅佢就當D人唱歌，自己道左歉解釋左做足自己本份就心安理得。有自閉症唔係做錯事
每年開學佢都會自己主動搵班主任講解自己小朋友問題，學校瘋狂打比佢投訴，佢都係道歉、解釋、比同老師&治療師商量大家可以點協調令小朋友進步、再背後同小朋友解釋、教導、訓練。
好記得佢用一個人困自己嗰間無屋又無窗嘅屋做比喻解釋比自己小朋友聽咩叫自閉症，佢同小朋友講如果你想同其他小朋友玩，你自己就先要喺自己間屋仔開個窗，咁你先可以同人地互相望到對方，再慢慢開度門，咁就大家可以走出走入玩。可能因為佢個仔真係好聰明，之後社交訓練阿仔進步好多，肯去做去思考去跟
人心肉做，自閉兒腦仔爭D啫，但唔代表係零。搵啱方法自然就會好。加油
12個讚
我去左私家做左，不過要confirmed diagnosis 要等3歲後child psychiatrist 做。宜家安排上自負盈虧既密集式訓練
1個讚
好同情樓主,感覺到你都係唔知點樣面對個仔,同埋好努力但又得唔到回報嘅太太
同時見到啲回覆覺得好感動,起晒雞皮,BD真係好有愛
大家分享自己嘅艱難,同埋安慰樓主,同啲表面嘅「加油努力」完全唔同層次
其實面對小朋友呢種情況,就好似小朋友天生有身體缺陷,又或者突然得咗長期病患一樣,係長期抗戰
最難嘅其實係接受現實-呢個病冇得醫,成世都會係異於常人
當我地接受咗之後,先至可以開始發掘當中嘅可能性,例如「可唔可喺呢方面努力吓,改善少少呢…」
如果改善唔到,都唔會太自責或太大壓力
如果改善到,就會覺得係BONUS
送上最大嘅祝福俾樓主 
8個讚
樓主你先要調整自己心態，你要接受個仔係咁，就算去到最壞情況你亦唔好覺得係好慘既事，你只係搵條最適合佢既路
1個讚
其實你應該第一時間叫發現你小朋友問題個私家醫生寫轉介信比你去排政府智力評估中心做評估，咁樣先可以攞到全面支援。而且政府D嘢要排一段時間，所以一知有問題或者有懷疑就唔理三七廿一去排定先。私人/津貼SEN training好金… 
我嗰時係學校老師懷疑，所以就攞住學校封信去健康院見醫生，然后由健康院醫生再轉介去CAC做評估。
2個讚
自閉症，分好多種，真係要跟一世嘅。
跟好嘅醫生／姑娘上Training，會慢慢有改善，不過需要大量時間同金錢投入。
1個讚
頂住, 自閉情況就算唔同年紀都真係好話唔埋
1個讚
其實我都唔知應唔應該入主流，有啲話唔好太勉强，有啲就話入主流可以靠環境改善，不過等佢讀完s位再決定。
其實loop到：希望→失望→希望
已經好好，最怕係失望→失望→做傻事
我會同大家身上學更加硬淨，打不死嘅心態！
感激大家 
5個讚
仲有時間考慮gei，到時按小朋友情況再同治療師、老師傾，睇下點樣安排。
自閉症嚟講如果唔係真係好嚴重，我個人係覺得主流可能會好D。始終佢地主要問題係社交方面，多D處於一般環境對佢地學習融入同相處我感覺上會好D咁~ 但就真係要好小心揀學校同家長都要好努力去比support
2個讚
我帶過小朋友去winnie leung 開果間能量治療嘅公司，做過幾次治療。聽聞唔少ADHD 同自閉傾向嘅小朋友都有去，係有幫助的，你可以研究一下。
間嘢叫Aim Health optimization
利申：無利益可分
你好，請問18個月有咩訓練可做或可以去咩機構了解？我細仔岩岩歲半，問題同你一樣
政府要排到2歲10個月先做評估
從文字感到你係一個愛家人, 亦好有同理心, 希望你之後嘅生活都會轉好
協康會試左先，冇記錯要自費，要入s位就要asap
如果係輕度果啲有機會可以做野賺錢，
唔一定要入宿舍。
不過係可能唔會有人願意同佢結婚，生小朋友之類。
可能40~50歲都會同父母住果啲.
1個讚
原來已經兩年冇覆過，有email提有新回覆先入返嚟
Update 返情況，阿仔今年會完s位，最近畀專家評估左，佢話係中間，所以畀家長自行決定讀主流or特殊
最後我決定畀佢入特殊，因為覺得如果強行去主流乜都學唔到，倒不如去特殊可能仲好啲
5個讚
同埋想強調一樣，千祈唔好怕人地點諗“特殊”二字。特殊學校s位係要排好耐，會浪費好多黃金訓練時間，兼喺市面嘅私營特殊學校係極貴。同埋你讀過先覺得原來冇自閉問題，要轉返出嚟主流其實好易。
1個讚
的確係我仔又係自閉症+發展遲緩。
排緊s位協康會建議我哋照讀主流幼稚園。
因為佢哋都話佢哋都唔知排到幾時.
起碼有書讀.