入到主流學校其實都唔算太差，成績點？有無諗過讀完書後嘅事？
1個讚
想請教下，讀完特殊中學後，係咪就一直留喺屋企？
無錯
努力唔一定得
唔努力就一定唔得
祝福你 
其實好明白你既擔心，因為我小朋友兩歲，每個專業人士見完都話佢A。我每日都有問自己條路點行落去。你同太太好好，因為彼此扶持行落去。
我先生唔支持之外，仲覺得小朋友無問題，唔出錢唔出力，又意見多多。
有時我只會安慰自己盡做同我一定要身體健康先幫到個小朋友。
首先想講我嚟梗會比較長氣，希望樓主可以耐心睇晒我打gei嘢，同埋希望樓主有個開放少少同正面少少gei心去對有自閉症小朋友gei事，因為家有SEN小朋友，全家人齊心訓練、幫助係好緊要~ 而且呢條係漫長gei搏鬥之路…
好似其他家長咁講，自閉症譜系其實好大範圍，亦都有好多唔同類型。首先我唔清楚你小朋友所謂偏高度係有幾高同埋主要係邊方面問題，所以我只可以分享一下我所認識gei同埋所知道情況。
首先自閉症譜系其中一個最普遍都會有gei問題係好難有同理心，社交會比較弱，同埋總有某D位會係比較固執。好似樓主咁講，呢因為係腦仔發展本身有所缺失，所以係無得醫的。只有不斷比適當斷練，同埋趁6歲前腦仔仲發育梗就比多D刺激，希望可以會有所幫助。而無理係高度定輕度自閉症，其實都一樣，唔會話輕度gei訓練先有幫助，重度gei就無幫助。另外深入接觸咗，你會發現有好多你以為自然會識會明gei野，原來自閉症小朋友都係唔得。但唔得唔代表唔可以教得識…
而且大部份高度自閉症小朋友都會有某一種所長、興趣，建議樓主先發掘小朋友所長、興趣，加以重點培訓，咁樣起碼大個都有一技傍身先。
我識有朋友阿仔係高智能自閉症，聽佢講K1定K2初確診時係都算嚴重嗰隻，完全唔理人，小小野就發晒癲咁。佢一知道就即刻辭職，全力幫小朋友做訓練、日日刷身刷幾次、係咁去公園打千秋，將所有治療師教gei訓練要求全部都帶返屋企100%跟足做。帶佢返自己阿媽度時亦都一早教晒阿媽要點樣配合同阿媽、阿仔都做定briefing有咩情況係有機會發生，發生時要點樣處理… 總之佢就勁用心再加上屋企人配合，結果初初政府叫佢預入特殊小學，最后都比佢自己揀入主流定特殊。結果佢揀咗入主流搏一搏，P1-2佢都係咁差不多日日收學校電話，但佢又好撐個仔，會好耐心同學校溝通、解釋，慢慢阿仔到P3-4左右時已經可以同正常小朋友無分別，不過學校歸類佢仔為: 讀書幾名次，性惡劣都係頭三名學生… 
到P5-6同事就用唔同方法Tune返阿仔要點樣做保返住D操行分，努力下終於升中入到band 1中學~
而我自己小朋友都係亞氏保加，但係輕度嗰隻，智力正常，兩者加埋讀書同自理都唔太好。同佢溫書好似入咗迷失世界咁，長期學完D野係突然識，突然又唔識咁。今日識自動自覺執企理張書枱，一個禮拜後就可能變返垃圾崗。呢個過程係好令人氣餒，但都要繼續堅持，因為自閉症小朋友做training真係長期作戰嚟~ 日日對住佢可能唔覺，但時間耐咗你望返遠D，你會發覺真係會有所進步。我淨係教阿女人名重要性，同埋點樣唔打斷別人說話，都教足1-2年。我而家set比自己train阿女目標底線係，佢唔係令人討厭gei人，自己過得開心，功課交齊，考試默書合格，大個唔使乞食可以養到自己就夠
欣賞樓主會做定最壞打算同Support住太太，但亦希望樓主唔好太灰同比多D正能量太太。做好心理準備就set條目標底線，再全家積極去幫小朋友做training。完全明白有高度自閉小朋友已經辛苦，仲要有兩個小朋友就更加辛苦。加油!!
16個讚
覆完樓主之後無意中見到你留言，你小朋友係點樣A法? 可以上嚟大家一齊傾下，加下油!! 唔止身體要健康，心靈更加要健康!!!
我老公比你先生好少少，無唔支持，但係明符其實豬隊友 =.=
不過其實我強烈懷疑佢都係亞氏保加…
2個讚
視乎個別自閉症人士嘅能力，高能力嘅，政府或者慈善機構有職業培訓，就可能出到去打工，例如去酒店執房、洗碗。如果功能低啲嘅，就可以選擇去日間暫托中心，叫做另類嘅「返學」。
所以你小朋友情況唔太差，只係輕度，可以講野、正常讀書只係唔可以讀好深，可以學到琴、自理，就一定要努力做訓練唔好畀佢退步，盡量做到佢將來可以參加啲機構職業培訓。打人呢樣野一定要搵治療師去幫手解決，多個人多一個辦法。如果戒唔到打人，就算係高功能，到時候職業培訓都未必肯畀你去。閉仔情緒最難搞，乜野都可能辣著佢，同埋非常地固執同堅持（有閉仔嘅家庭一定明白呢種痛苦 
），習慣左就一定要做，唔做或者遲左做會發脾氣，唔食就係唔食，打人自殘都唔食。
雖然你小朋友屬於高功能，但仲細，好多問題或者能力都未表現到出黎，所以好難去判斷你小朋友讀唔讀到主流定係讀特殊，唯有真係加緊訓練，密切觀察，學精神醫生咁，勤寫進度報告同做治療。做得嘅都做，起碼問心無愧左先。
4個讚
其實我個小朋友因為18個月唔講野，叫名無反應，無eye contact 私家醫生覺得似就叫我搵人幫。
佢最初有打頭撞牆發脾氣，宜家好好多。不過有情緒會掉口罩大喊大叫。佢身形高大，兩歲成3,4歲身型。去街會成日俾啲路人話咁大個仲要媽媽揹或者依賴。
佢宜家都係唔多講嘢，有時候會因為唔順心就有情緒炆憎。
我老公其實全家都好asd 。佢對我帶小朋友上訓練好唔support ，覺得大大下就無事。咁只係因為佢重末試下單獨帶個小朋友去街。
有時候我都會諗佢會唔會可以追返多少少進度。我唔要求佢叻，但只希望佢可以自己照顧同保護到自己。
1個讚
希望你另一半可以快d接受，然後及早準備
1個讚
阿細18個月時，我心態同你老公一樣，係評估後先接受，接受左就盡可能幫佢打算
1個讚
有時會諗強行入主流係唔係好事，驚佢無進步之餘仲會騷擾到其他人
好佩服你咁硬淨嘅心態，希望我都做到你咁好。
1個讚
呻兩句我個應該屬於智力正常但係社交低能，同佢講嘢可以重複4~5次一啲反應都冇，到佢想講就唔理你聽唔聽到得唔得閒都不停講，不停失控小動作，平日表現好似比真實年齡細幾年，做任何嘢都需要比合理時間多3倍，一樣煩到想屎。
冇得唔硬淨，因為冇人幫到，請工人都驚個工人畀佢打，親戚都唔敢打搞咁多，所以一定要頂硬上。
閉仔遲下可能食好多藥，情緒藥同防抽筋藥，一次食3-4 粒，食足起碼十幾二十年。食左只係減輕情況，依然都有情緒同行為問題，例如會忍唔到公共廁所有水積，會徒手抹、揭人裙底、走佬（以前家人間學校有人學校同屋企走佬幾次，要報警搵佢返黎）、搶人野食等等。問題天天都多，如果自己唔硬淨好容易憔悴同焦慮，搞到我地都同佢一樣食藥。
1個讚
我教咗群育學校23年，學校有提供寄宿，家長唔介意嘅話可以考慮。真係幫輕好多家長
3個讚
我識過朋友(佢本人)都係咁，同佢講嘢要load一陣先應人，經常無情情發呆，約出嚟話就到其實仲喺屋企。
之後佢都可以讀書返工結婚生仔
個問題唔係阻到人
係其他同學蝦佢忽視佢
其他家長同班主任講明唔坐佢隔離
主流真係好難避免，唯有同老師講睇實d 
你想老師點睇實?
其實係你要教小朋友接受同無視
輕度應該還 OK，但中度應該入唔到群育？