你可睇吓 Temple Grandin嘅 The way I see it.
可上網check下益生菌同gluten free戒口有無用。
食西蘭花。
自己在家家居訓練。
了解下佢嘅sensory problem.
Youtube可睇下信報個偏方同偏方小百科。
試下了解下個小朋友個需要同長處先。
我弟弟是自閉加弱智，言語有問題，屋企人仲可以明少少佢講乜，街外人就難啲喇
遲一年入小學，讀弱能學校到中三，可以自己搭車之類，去過幾間疪護工場，應該排左十年左右宿舍，去左間比較多中高度弱智既宿舍，佢變左算係最聰明個位，會幫社工手做野
只於有人話咩技能，見過好叻拉小提琴，我弟弟就認路王，老師話外出活動去咩商場公園只要搵佢帶路就唔會走失，佢仲試過平安夜自己一個去蘭桂坊…但呢個技能無乜工作會有用…所以技能呢啲真係睇彩數啦…
只於學校，自閉都算係SEN，身邊都有人係教師，講就話融合教育，但成間學校可能得兩三個老師係受過training點對住SEN，大部份對住SEN基本上係唔想理/唔知點理，除非你搵到間有好多SEN既，大部份都知點支援就好啲。只係大部份學校都係學術為主，見到自閉呢啲都係唔想理多。特殊學校只係簡單學術加生活技能，而我弟弟情況，絕對係讀特殊學校好過主流。
14個讚
最重要真係家長明白同認清楚小朋友需要去揀讀番主流定特殊。
有d家長其實係仲未接受到小朋友係a仔，俾佢讀主流，又唔同學校講又唔配合學校嘅支援，真係會害左小朋友
1個讚
我有兩個小朋友，弟弟依家兩歲10個月，唔識講句子，仲係太空bb話
做完評估之後話佢係整體發展遲緩同埋高度疑似自閉症，依家排緊S位，我哋有安排佢返住普通學校嘅N班，希望幫到佢同其他人溝通。
返咗兩個禮拜，發現間幼兒園嘅校長同老師好似都唔係太理解SEN小朋友（因為個校長嚟同我話小朋友成日走來走去唔肯坐低同埋觀察到啲老師都唔係太肯接觸我小朋友） 
我心情都有啲低落，唔知點可以幫到小朋友
1個讚
轉去d比較關愛嘅幼稚園會唔會好d?
小朋友未排到s位前，可以考慮轉去有i位嘅幼兒院/幼稚園，呢啲學校本身就兼收sen嘅小朋友，啲老師會比較有技巧知道點樣同小朋友相處
同埋移民+疫情真係少咗好多學生，我報咗3間都好快有消息，但係而家開始正常通關我諗又會多番啲跨境學童嚟香港返學，所以你要轉校就要快啲手了
比i位個list你參考吓
https://www.swd.gov.hk/storage/asset/section/3223/tc/IP-202211.pdf
1個讚
多謝你呀 我望望先
呢本好好，我有睇本中文版。
我都想問下你s位排咗幾耐？
啱啱小朋友先做咗評估，轉介排s位，見到個list都唔知點揀
我自己住果區一間中心都冇，揀隔離區就間間都排得耐，排得冇咁耐嘅中心就要揀遠啲嘅區
糾結緊揀近啲但排耐啲好，定遠啲但排快啲好
我哋12月頭先去大口環做評估，啱啱開始排，應該冇咁快喇
我仔依家五歲十個月，都係自閉症，當年我仔好似你依家小朋友咁，個人認為返n班係浪費時間，如經濟可以既話，俾佢出去做密集式訓練，把握黃金時間。
1個讚
我阿仔都係排快d既地區，可以多d返學時間，不過都幾難頂，校巴都唔到，搭地鐵都要40分鐘…
S位除左有超特殊情況，否則接近冇得轉校
我最後揀咗首選近地區先，遠但快啲果間擺第3
話就話最近果區，其實至少都要預半個鐘搭車，揀第3果間我諗要預1個鐘
你小朋友等咗幾耐先排到s位呀？
接近18個月，n班同k1都係虛度咁，果時成日自費做密集式訓練
1個讚