可以啊，以前愛樂維未出2號之前都係成個孕期食1號再加DHA 
其實400-800微克葉酸都屬於ok嘅範圍，除非自己又另外買媽媽奶粉飲（通常入邊都有加葉酸），如果唔係一般都唔容易攝取過高葉酸（佢2號嘅葉酸含量低返主要係因為孕頭頭三個月食葉酸對減低bb脊柱裂風險嘅幫助最大）
1個讚
- 係口味變左定係冇胃口？如果係咁，可以買返多啲生果食/榨汁飲（最好食埋啲渣啦 ）
- 冇錯，市面上最易搵到嘅通常都係碳酸鈣
- Yes! 乳果糖英文係lactulose，雅培Duphalac係其中一個lactulose嘅牌子
1個讚
我食咗輕樂偶第13日喇。
早2，3日開始見有血，好似平時經期最尾1，2日咁呢…
但我準時食藥，上星期4因有病，食咗抗生素。會否有影響㗎？謝謝。
你食抗生素個幾日係咪每日都有食輕樂偶？係食緊邊隻抗生素？
係呀！食抗生素嗰幾日，每日都準時食避孕藥。
掉了包裝袋喇
係食尿道炎嘅黃色細粒抗生素。
噚日食埋最後一粒。
今日都仲有啲血
請問要點樣加DHA
你好！我基礎體溫好多時係排卵後3-7日先升高，網上睇有人話係黃體素不足。請問有無辦法提高體溫？
我都想問吓,有人話備孕要食埋維他命E,其實係有咩作用?
請問呢，葉酸每日攝取量唔可以超過1000mcg, 但FH Pro 嘅葉酸含量有成13xx，如果自己都有食綠色蔬菜，咁係咪唔應該跟佢instruction食6粒咁多??
如果尿道炎可能係用緊nitrofurantoin，抗生素本身有少少可能同避孕藥相沖，原理大致係話佢會殺咗腸入邊一啲菌，而平時避孕藥入邊嘅雌激素係需要某啲菌幫助先吸收得好，所以抗生素有可能降低避孕藥嘅效果，就變咗好似有時中間唔記得食避孕藥，之後會有小小血嘅情況出現
所以如果有呢種情況，最好都係當黎緊七日都冇避孕效果，要記得加埋其他避孕方法
有唔少產品都係有DHA，例如香港最多人用應該係惠氏隻藻油DHA
冇錯啊，平時體溫升高主要係由排卵後嘅黃體素產生，假設你本身度嘅方法冇錯（朝早瞓醒未起身就即刻拎體溫計度），我會建議你轉用其他唔關黃體素事嘅驗排卵方法，例如係排卵試紙。
（不過我諗你應該都有試過用排卵試紙？係咪用完先發現兩種方法嘅時間唔match？ ）
好多人備孕時會加啲幫手抗氧化嘅營養使用，維他命E係其中一種，so far睇落佢主要嘅效果係幫助男性精子活躍程度同幫助改善子宮內膜厚度，改善懷孕機會
但營養方面就唔大分別（孕婦同一般人每日維他命E嘅需求都一樣）
1個讚
有樣地方有啲fake需要留意，就係folate同folic acid計算方法有啲唔同，如果仔細啲睇會發現，folic acid嘅單位通常係mcg，而folate通常會係mcg DFE。
Folate 1 mcg DFE = Folic acid 0.6 mcg DFE
所以呢隻產品1360mcg DFE = 816mcg葉酸
平時建議孕婦食至少400mcg同安全起見少過1000mcg嘅係計緊folic acid，所以fh pro食6粒其實都係ok的（其實都算係幾多葉酸，但又未真係去到1000咁誇 ），食4粒嘅話主要擔心其他方面營養唔夠（例如係鐵），如果只係普通備孕4粒都ok，但大肚就6粒好啲
3個讚
唉… 仲滲緊血添呀！停咗藥都第6日。
但睇資料，又話頭1，2個月食藥 ，未適應會有咁嘅情況。
過2日食完第1排，再睇下點先
係呀，兩種方法都有用，就係唔match
hello~ 我係高齡備孕中，想問因為我而家食緊blackmores 備孕黃金素，入面包含60mg 輔酶Q10, 如果我要係備孕，我仲需唔需要額外再補多140mg 輔酶Q10? 定照補200mg 輔酶Q10?
另外仲想問食 輔酶Q10，會唔會令經期遲嚟？
thanks ar!
你好呀藥劑師~
好開心見到你開呢個post
想請教下大肚時其實用唔用得bio oil?
有指入面有隻"Retinyl Palmitate" 既維他命A過量使用會導致畸胎
我本身唔知
唔係茶左好耐但我買左成兩枝咁多
請問生仔前仲用唔用得呢?
Thanks 
如果真係好似研究咁講，係因為腸入邊幫助吸收雌激素嘅好菌比抗生素殺咗，咁可能都真係需要一段時間recover啦（加上你係第一個cycle食，所以可能身體未適應+雌激素水平嘅吸收又有改變）
排卵試紙係驗LH（排卵前），而基礎體溫係驗黃體素（排卵後）
如果相差3日都還好，7日確實有啲長，咁嘅話唔一定淨係黃體素問題，反而都好有可能係排卵試紙唔準（i.e. LH升咗但你過多幾日先排到卵）
你平時經期係咪規律同埋幾長到？因為有時卵巢功能唔好係有機會出現排卵試紙結果唔準嘅問題（例如：多囊卵巢症、早發性卵巢衰竭）