如果想減少便秘可以用nestle mom，便秘通常係由孕婦維他命入邊嘅礦物質（e.g.鈣、鐵）引起，
nestle mom冇記錯入邊係冇鈣嘅，而elevit就有碳酸鈣（最大機會造成便秘嘅鈣片形態），所以想減少便秘可以用nestle mom自己再加孕婦鈣（e.g. 檸檬酸鈣）會比較好 
冇問題啊，其實DHA 200mg EPA 80mg劑量算低 
預早祝大家端午節快樂！
但懷孕食糉就要節制啲，唔好食到咁滯啦 
2個讚
Hello, 因為準備坐小月但同時想養好身體準備下次懷孕。想問下Q10+葉酸+鈣片小月期間是否可照食？謝謝
主要係會增加早產、兔唇嘅機會，主要係之後自己知道唔好再飲，同埋keep住食返孕婦維他命（因為經常飲酒係會令身體缺乏維他命B1），盡快幫身體打返好個底！
ok啊，坐小月嘅本質都係想身體盡快回復返正常狀態（尤其係令傷口盡快恢復、營養水平返回正常水平），Q10、葉酸同鈣都唔會令傷口發炎或者難埋口，所以坐小月期間都可以照食
你係咪內膜比較薄?
呢隻產品最主要幫到手係l-arginine，之前係有研究用高劑量嘅維他命E加l-arginine可以幫手令多啲血液去到內膜到，而令內膜可以生厚啲，不過研究就冇話係咪會真係改善到懷孕機會
所以反而可以睇下醫生個邊會唔會開到一啲雌激素藥物，因為有時身體唔夠雌激素都會令內膜生唔厚，從而難懷孕
不過anyway，要生bb心情同運氣都好重要，有時太緊張或者壓力太大，就算萬事俱備都好難中，所以唔洗擔心，記得跟住醫生指示食藥同keep住check下內膜有冇改善，唔好比太大壓力自己或者伴侶啊
多謝你鼓勵呀，係呀，內膜薄，食完醫生的藥都好似無咩反應，所以想試下其他方法，不過都明白你意思，多謝你
1個讚
依家懷孕18週，開始上大便困難，大概2天一次，大便前好有便意，但要坐一陣廁所，仲要用力去，先去到，然後陰道出血（滴幾滴），請教可以食咩幫助大便變軟身，同易去D
你好
我之前冇食任何產品備孕，而家懷孕7週，每日早晚都食400mcg葉酸
本身血壓偏低，懷孕後上壓持續約80-90，下壓50-60，同埋成日作嘔，間中流啡，之前醫生唔話我作小產，我需唔需要食其他補充品？
謝謝
請問檸檬酸鈣咩劑量適合備孕食？
想請教男士精子形態差有無supplement 幫到？西醫角度除咗做手術，仲有咩可以做？謝謝你
雖然2日一次其實都算係正常範圍，不過有可能係因為大便係腸道停留時間耐咗，所以啲水份都比條腸吸收曬，令大便變得硬身，有幾樣野可以留意：
- 平時多唔多食蔬果類同飲水？通便嘅第一條黃金法則就係要補充足夠纖維，同時補充足夠水分
- 本身有冇食緊啲咩supplements? 孕婦維他命入邊嘅鈣同鐵其實都會令媽媽更容易便秘（尤其通常佢哋用嘅都係碳酸鈣，屬於鈣入邊最易造成便秘嘅一種）
- 如果冇以上因素就可以考慮買乳果糖返黎食，乳果糖本身係一種人體吸收唔到嘅糖分，可以保留返啲水份係大便到，孕婦使用都安全
1個讚
通常我會建議直接食孕婦維他命（e.g. Materna、Nestle mom、愛樂維），雖然懷孕最大concern係葉酸，但其實其他礦物質，例如係鐵同碘，同埋DHA都對BB發育有好處，孕婦維他命就可以補曬呢幾樣礦物質（DHA通常就要分開買）
作嘔嘅話都係懷孕初期好常見嘅症狀，通常去到20週左右就會慢慢好轉，如果呢期keep住唔舒服可以飲啲薑水、補充維他命B6或者用暈浪手帶，對舒緩孕吐問題都有幫助
流啡就真係要密密同醫生跟進，尤其頭3個月係胎兒仲未穩嘅階段，如果有需要時醫生都會開啲荷爾蒙藥幫助安胎
1個讚
通常一日需要1000mg鈣，但要睇返你多唔多飲奶，一杯奶入邊大概有300mg左右，所以如果假設你每日令一杯奶嘅情況下，檸檬酸鈣食返600-700mg就足夠。
同埋都要留意多一點，就係每次食鈣片唔好超過500mg，如果唔係通常食完都吸收唔曬
之前寫過一篇文介紹用鈣片有咩注意事項，你都可以參考下 
：
2個讚
如果係精子形態差嘅話，可以用acetyl-L-carntine / L-carnitine / CoQ10黎幫手改善精子質素，例如富精多（之前見過有啲醫生會寫紙叫病人自己出去買）就係含有L-carntine同CoQ10
愛樂維我買左幾盒頭12周，但現在我13週，仲有幾盒未食，我可否照食頭12周果隻
1）平時多飲水多食蔬菜，但懷孕之後特別唔想食菜
2）我食緊elevit 2，入邊好似冇鈣，所以自己有補鈣600mg， 點知原來係碳酸鈣
3）乳果糖英文係咪叫Lactulose？要去iHerb 搵下先
另外，可唔可以飲雅培Duphalac 乳果糖？
會唔會太高葉酸？成800ug
2號得400ug
1個讚