好呀好呀，唔該你
1個讚
呢個係好問題，依家冇任何data可以好scientific咁答到你，因為疫苗都係岩岩推出冇耐
我個人就覺得打完第二針之後等一個月都可以嘗試，起碼有咩短期疫苗副作用要發都應該已經發曬出黎，唔驚大咗肚之後touchwood有咩副作用要醫時又好多藥都唔食得 
1個讚
你好，我係breastfeeding mama…
試過唔舒服，醫生會叫我停藥3日之後先再餵奶。
如果我決定打疫苗，又需唔需要暫停餵奶呢？
多謝回答
1個讚
請問備孕既葉酸同CoQ10有冇咩牌子推介？女士有多囊卵巢有無咩需要特別注意？另外男士有哮喘濕疹都可以照食富精多？好似好多病痛咁
我想問避孕呀！
21日粒裝嘅話
第1日M開始食，食嘅頭7日最好用埋避孕套，安全點。
咁食完21日，即完咗第一排藥
之後等7日？無論M是否到，都要開第二排藥，對嗎？
我見家計會買避孕藥會平點，打算去家計會買呀！
優思明好似多人食啲,但我N年前食過輕樂偶，是否分別不大？
謝謝你呀！太多問題
Hi hi 想問下supplement。
DHA 個minimum recommended dosage a day is 200. For most of the DHA available in hk, eg Wyeth and MJ both 200. Should I take two pills a day? Or one pill is enough？
also I see there are 藻油同魚油選擇，我見上網有人話食aspirin 唔好揀魚油，因為有EPA，會增加出血風險，咁play safe 係咪食藻油安全d 呢？
鈣片我見有普通牛奶鈣，檸檬酸鈣，藻鈣。上次萬寧個staff recommend 藻鈣話唔會難吸收同埋便秘，係咪真係個鈣片formulation 有咁大impact 呢？ 我見藻鈣都貴其他唔少，諗緊係咪可以switch
Thanks Victor!
平時食完藥要等3日，係想身體將啲藥分解同排出體外之後，先再餵奶，而疫苗同藥唔同嘅地方係，你接種完疫苗體內應該keep住有抗體，先可以有足夠免疫力，所以如果真係要停其實3日都未必得。
但根據返衞生防護中心現有嘅資料（BioNTech），就暫時未發現疫苗對餵奶有任何影響。所以我覺得只要打完疫苗，冇曬發燒頭痛肌肉痛呢啲副作用之後，就可以餵返奶
我睇返授乳期媽媽奶粉嘅營養資料，其實與其話佢飲完會多啲奶，不如話飲完之後你啲奶對bb會更加有營養。
如果你飲bb奶粉主要有兩個問題：
第一係易肥，因為bb奶粉通常卡路里比較高，而成人奶粉通常會低啲，所以可能會過量攝取咗卡路里
第二係某啲營養可能會唔夠，例如本身bb一日需要65mcg葉酸，bb奶粉因為係直接比bb飲，所以只要一日嘅份量夠65mcg就ok；如果係媽媽飲bb奶粉再餵人奶比bb，就算媽媽飲夠一日份量嘅bb奶，都只係得65mcg，可以去到人奶嘅葉酸只會更加少
如果一兩日清埋阿b嘅奶粉問題就唔大，不過keep住長期飲就唔係咁好啦~
係啊，只要藥劑師有係香港註冊，都係可以係個清單入邊搵到個名架
其實份量夠就ok（例如葉酸建議400微克，CoQ10建議200毫克），我知道例如GNC或者Blackmores都有呢兩種成分（不過blackmores嘅CoQ10就要一日食兩粒，因為佢一粒得150mg）
多囊卵巢最緊要控制體重（尤其係比較後生嘅話），會令cycle正常返好多! 另外多囊卵巢控制好血糖都對成功生育好有幫助，所以可以補充埋肌醇（inositol）
有啲研究話維他命D可以幫到多囊卵巢患者嘅卵子成熟，不過研究用親嘅劑量都好高（成人通常一日需要600個單位維他命D，但多囊卵巢嘅研究要用到幾千單位先做到個效果），所以就唔特別recommend啦 
哮喘濕疹同富精多冇相沖，可以食啊~
另外提多句係哮喘同濕疹其實都係屬於異位性體質症狀嘅一種（即係平時大家講嘅「過敏體質」），而過敏體質會有遺傳嘅因素，所以遲啲大肚嘅時候，可以加埋孕婦益生菌食，可以降低BB遺傳濕疹嘅機會
1個讚
多問題係好事，證明你關心自己健康姐
你個方法冇錯啊，通常唔食藥個7日就係for M到
通常就咁買到嘅避孕藥入邊都有兩種成分：雌激素加一種黃體素，而優思明同輕樂偶嘅分別就係佢哋入邊嘅黃體素部分唔同。
輕樂偶入邊係第三代嘅黃體素gestodene，而優思明就係第四代嘅黃體素drospirenone，避孕效果基本上冇分別，副作用都相近，而優思明有多個好處係可以幫助改善暗瘡
DHA揀一種黎食就ok啦 市面上都有淨係得DHA嘅魚油產品，但無論係DHA定EPA其實都會增加出血風險，如果只係for bb腦部發展，有DHA就已經足夠。
通常孕婦DHA都係用藻油多係因為一個叫做「biomagnification」嘅效應：食物鏈越高層嘅生物，通常受到嘅污染會越高。
海洋生物最常見嘅污染物係重金屬，假設每粒海藻體內有1倍重金屬，而一條魚每日會食10粒海藻，咁魚每日就攝取咗10倍嘅重金屬。因為重金屬會累積係體內無法排出，所以魚體內嘅重金屬濃度會比海藻更高
重金屬會影響到bb嘅神經線發展，咁就解釋到點解孕婦DHA通常係用藻油做
===============
鈣嘅話咩形態確實會有分別，用返最出名嘅碳酸鈣同檸檬酸鈣比較，碳酸鈣本身唔溶係水，需要有胃酸先溶解到，而檸檬酸鈣就水溶性，所以碳酸鈣個吸收程度會比較差，同埋需要隨餐服用（食野時間個胃最多胃酸）
講返海藻鈣，目前嘅研究通常係比較海藻鈣同最傳統嘅碳酸鈣，睇落海藻鈣確實係會比碳酸鈣好，如果你擔心胃氣、便秘或者吸收方面，確實可以轉食海藻鈣（或者檸檬酸鈣其實都好好）
今日係家計會買咗輕樂偶呀！
佢又冇提有冇優思明
聽日開始食先，其實食下停下是否唔好？例如食2個月咁
有問題一定再騷擾你
Thanks so much Victor! Very detailed answer!
1個讚
感謝！ 
講得好詳細好有心
1個讚
Hello Victor,
本身我?adult onset asthma 醫生話未確診哮喘但係都有開low dose steroid puff比我早晚聞 我發現bingo左之後就自己停左puffs
依家週數仲細未見醫生，medical果邊又未到期FU。
想問下steroid puffs對bb會唔會有影響呢?
THANK YOU
師傅，請教下備孕食nestle mom 還是elevit 1好？ （減少便秘情況下） 
感謝
你好，我見elevit dha 兩樣都有，dha 200mg, epa 80mg, 未夠13週食怕唔怕？
食下停下健康上又冇乜問題，最大問題都係個排經期會比較亂啲
冇問題啊，隨時歡迎
你好啊，通常懷孕期間醫生都會繼續開返steroid puffs比你用黎控制哮喘，加上如果之後哮喘控制得唔好反而對bb仲大影響，
所以如果你係用緊beclomethasone（beclazone 50或者250），你都可以keep住用返先，睇下黎緊FU醫生會唔會想減你劑量定keep返（beclomethasone通常1000mcg以內都安全，而你講low dose steroid正常就唔會去到1000 ）