唔建議用! 呢隻成分都係屬於A酸衍生物，雖然係外用但都有風險，如果真係要搽暗瘡膏可以用返azelaic acid嘅暗瘡膏。
一般代糖（例如: aspartame/stevia）懷孕食都冇特別concern 
1個讚
肌醇最主要嘅data係話佢可以預防妊娠糖尿，如果已經有妊娠糖尿嘅話效果就未必咁好（都有某啲小型研究做到話可以幫助控制妊娠糖尿嘅情況，同埋最重要只要每日食唔超過4000mg都好安全）
Hello想問如果本身食緊呢隻supplement, 但份量可能減到每次食4粒，而唔係6 粒，咁仲要唔要補充其他野呀？
Thanks
哇呢隻葉酸都幾高下 
備孕嘅話你食呢隻都已經足夠啦
請問喜療疤懷孕/備孕可以用嗎? 
我同老公打算呢兩年生小朋友。目前未成功。請問，我打唔打疫苗（biontech) 好？謝謝
我喉嚨痛，鼻水倒流，應該食醫生開既藥嗎？會否影響肚內胎兒?
如果(有機會)懷孕嘅話，比較建議用返啲矽膠成分嘅除疤膏，如果係想淡化疤痕，可以加埋外用維他命c，例如dermatix ultra就同時有silicone gel + vitamin C，呢類配方相對比較多研究支持，同埋亦都比較安全
(喜療疤入邊其中一隻成分叫MPS，都有啲薄血效果，雖然外用應該唔多會吸收落身體，但安全起見會建議你用矽膠類嘅除疤膏多啲)
坦白講疫苗太新，目前都冇乜data睇到係咪會對生育造成影響，所以呢個問題你要考慮兩個方向：
- 你打疫苗係咪利多於弊？例如可以諗下你平時會唔會需要接觸高危人士？因為打疫苗嘅risk始終都係到，咁就要睇下你認為自己有冇迫切性需要接種
- 如果想打疫苗又想生bb，咁就可以諗下自己會唔會想過多一兩年再生？咁就可以將疫苗嘅影響降到最低，但就需要考慮自己同先生嘅年齡或者其他因素，睇下適唔適宜遲啲生b
1個讚
如果睇醫生時，佢知你懷孕都開比你，基本上都安全架啦！
孕婦喉嚨痛同鼻水倒流通常都係用paracetamol + antihistamine (e.g. cetirizine, loratadine, chlorpheniramine)，不過如果啲藥係之前醫生開落，今次摷返出黎食，就要睇清楚係啲咩藥黎啦！
p.s. 喉嚨痛有時醫生都會開一類叫NSAIDs嘅藥，而呢類藥就唔建議孕婦使用啦~
謝謝回覆好詳細呀
想問多少少，如果唔打疫苗，將來懷孕期間感染風險會唔會大咗？因為我同我老公年紀都唔細了，要生的話都係呢一兩年嘅事。而疫苗又唔知駛唔駛打第三針第四針。我地怕我一打咗係無了期咁等⋯⋯另外，我老公打疫苗的話，會唔會對BB 有影響？
謝謝
我有地中海貧血(alpha), 懷孕3個月醫院已經開到一日5mg葉酸, 會唔會過高?
如果我有食blackmore pregnancy gold, 係咪可以隔日食吸取埋其他維他命? (因為呢個入面都有葉酸, 我驚再一齊食會過多) 謝謝!
如果懷孕期間感染嘅話，最大問題係有啲藥可能孕婦會用唔到。男士打疫苗嘅話都一樣冇乜data，但我個人就覺得影響唔太大，始終個bb係由媽媽陀住，只要男士精子活力同數量足夠，基本唔太會造成問題。
如果單純睇5mg葉酸對普通孕婦當然太多，不過如果有地中海貧血，因為你紅血球嘅turnover會比正常人快好多，所以身體對葉酸嘅需求都會增加（葉酸除左可以幫bb預防脊柱裂之外，仲可以用黎製造紅血球同其他細胞）。
另外，地貧嘅話要食孕婦營養素最好問清楚醫生先，因為blackmores孕婦黃金素入邊都含有鐵，而地貧好多時會出現身體鐵太多嘅情況（iron overload），所以反而有機會要避免攝取咁多鐵質，呢樣真係要睇返你血入邊鐵嘅水平有幾高
隔日食嘅話雖然葉酸會少啲，但其他營養（例如: 碘、鈣、DHA）都會少過正常孕婦建議攝取量，所以最理想情況下係分開補充唔同營養（尤其上面提到嘅碘、鈣、DHA）
你好，想請教一下elevit 依隻佢話適合懷孕13週以上食，其實佢d成分適唔適合13週以下孕婦食？
因為我見佢另一隻係備孕至13週前食，主要唔同係13週前依隻葉酸多一倍、有鈣、同無左dha。
我唔想食太多葉酸，所以想問圖一嗰隻適唔適合13週以下食，或者點解佢要咁樣特別區分？
Screenshot 太矇啦，無辦法我要share 曼0條link：
13週後- https://www.mannings.com.hk/elevit-dha-30pcs/p/183236
13週前-
https://www.mannings.com.hk/elevit-pronatal-30pcs/p/183228
其實愛樂維以前冇分咁多種，當時淨係得粉紅色一種，成個孕期都可以食（當然另外自己加埋DHA啦），後尾佢先出埋一隻包左DHA嘅藍色裝
佢哋另一個分別係藍色冇錳，不過通常日常飲食其實都已經攝取到足夠分量，所以如果你13週以下，其實食藍色裝都冇問題，自己另外加返檸檬酸鈣食就冇問題
甚至我會話咁樣食仲好添 因為我見平時好多孕婦維他命都係加碳酸鈣，而碳酸鈣一黎吸收比較差，二黎比較大機會造成便秘，檸檬酸鈣就冇呢個問題；另一點係鐵同鈣其實最好係分返開食，咁先唔會影響吸收，所以如果係獨立買鈣片返黎食，就可以同愛樂維隔開時間食，效果更佳
2個讚
感謝回覆！
1個讚
想問如果已有食Elevit的備孕配方，男女都有食，咁仲需唔需要加CoQ10？還是Elevit已有提供相關營養？
另外想問CoQ10有冇咩副作用，例如本身容易胃痛適唔適合食？
男女士愛樂維入邊冇加入coenzyme q10，所以如果淨係食緊elevit，係可以加埋Q10一齊使用。
基本上差唔多全部保健品／藥物都會寫有胃痛胃氣嘅副作用，CoQ10都唔例外，但佢呢方面算輕微。所以如果容易胃痛嘅話，可以試咗一樽，睇下個胃有冇唔舒服先 
1個讚
你好，請問如果打左疫苗但又想生B 最好隔幾耐先開始會穩陣d呢？ thx 