可以 
1個讚
香港d醫生係咪唔鍾意病人食DHEA？我睇內科，叫我即刻停食，婦科醫生又係咁。
我無婦科病，無長期病患，只係食完有出汗呢個副作用，但醫生講到食dhea會整亂賀爾蒙，仲話亂左更加難備孕，最後我食左3個月先停，停食後經期短左同少左，不過超高齡應該算正常掛？係高壓力下都準時，其實係咪可以再食返備孕？
*睇內科只係先生骨密度偏低；婦科係m痛
Hi Candy，呢樣要睇用家本身嘅情況同埋醫生會唔會處方其他藥物或者治療，同埋唔同醫生自己平時嘅做法，例如上面tan yee位醫生就已經係一個example，而且建議嘅DHEA劑量都算高添 
而女性荷爾蒙喺身體入邊嘅機制非常複雜（好多荷爾蒙之間都有互相抑制或者加強對方嘅效果），所以我都可以理解點解有啲醫生會唔建議用DHEA
睇返你嘅情況，始終我認為醫生有醫療記錄同lab result係手，佢會更加了解你嘅身體狀況，如果醫生認為你唔適合食DHEA，遵從醫生指示會比較適合，而且你都試咗3個月嘅話，停一停都未嘗唔係一件好事，因為過往呢類研究一般都係用每日75mg DHEA食2-3個月，所以即使服用更長時間，DHEA都未必能夠提供更大幫助，反而可能會增加副作用機會
同埋Candy你都要留意埋高齡備孕最多自行嘗試6個月，如果仍然未有起色，就應該要盡快搵醫生跟進，睇下會唔會嘗試IVF或者其他方案，避免miss咗時機 
1個讚
DHEA我只係食25mg bd 而且我自已睇過lab result, 得hba1c, 膽固醇果類，全部正常 睇返record當時食左4個月，諗住辦好白事先試，男家講到未辦好白事會生k胎 
結果對方走埋 我同tan yee係同齡 
宜家識左個新既，所以先諗再食唔食 
咁其實一日50毫克又唔係好高 你本身冇用緊或者食緊任何荷爾蒙嘅藥物？（或者有冇其他荷爾蒙相關或者心血管疾病）如果冇嘅話，咁嘅情況都可以試2-3個月，如果touch wood未bingo到又真係想要BB都可以考慮埋IVF，加油！
Hello, 我本身有免疫不孕(其中一個問題係發炎指數好高)，所以今次懷孕係配合咗IVF同免疫治療… 我自己做咗好多research, 睇好多美國嘅cases同分享(始終美國呢方面行得最前), 見到唔少醫生會叫病人喺備孕到懷孕期間食NAC(起碼600mg/日), 因為有抗炎功效，我都接觸過一d成功懷孕活產嘅人，佢哋成個孕期都有食NAC…
我有問過我台灣的免疫醫生，但佢只係話我已經要食咁多藥，打咁多針，仲唔夠咩，仲食咁多supplements… 但我自己都自行食NAC, 而家懷孕中都係每日食1000mg…
你覺得懷孕期間食NAC有冇問題？我啱啱check到就話//此藥屬美國FDA B類藥物（即在動物研究中沒有風險，但對胎兒的影響並沒有充分的研究資料）//
其實係乜都無，無食緊任何荷爾蒙嘅藥物，無荷爾蒙相關或者心血管疾病，乜都無，所以個醫生話驚我亂食藥食出事喎。
不過我有食中成藥，人蔘粉、呢個或者有少少天然荷爾蒙，我仲有食下nmn 年齡越大就越急 
Hello Leila，首先我哋要了解醫學上所有嘢都係考慮risks and benefits，即使冇數據理論上都唔可以完全排除任何風險，對於孕婦而言更加係咁，所以一般而言對孕婦嘅rule of thumb係盡可能唔食任何冇必要嘅藥物
安全性方面，NAC so far都冇乜資料顯示佢會影響到胎兒，所以如果有需要時服用係ok的，當然呢個只係表示緊正常用量下嘅風險，如果用過高劑量或者好長時間嘅影響其實係有機會增加（醫學上NAC最主要嘅indication係撲熱息痛overdose時幫助解毒，所以理論上係講緊用一劑基本上冇咩特別風險）
天秤嘅另一邊就係NAC係唔係的確值得孕婦服用，so far我未搵到普通孕婦服用NAC嘅資料，不過就有研究講緊一啲「不明原因重複性流產」嘅孕婦服用NAC每日600毫克係有助提升活產率，所以本身高風險嘅媽媽都可以考慮服用，當然最好都同醫生講埋傾下先啦
1個讚
中成藥我就唔係好熟啦 不過理論上DHEA的確係對年紀大卵泡質素下降嘅女士嚟講有一定幫助，有需要時可以用2-3個cycle我覺得冇問題，不過呢啲嘢都急唔嚟，好多媽媽都講越想成功就越難成功，有時放鬆心情去個trip反而ok咗，如果本身check過各種生育指數e.g. AMH之類都ok嘅話，心態上嘅因素可能反而更加重要
謝謝詳細解答！
1個讚
你好victor：
我平時周期28-32日。之前量體溫發現自己的高溫期偏低溫及只有10天，所以去抽血。
排卵後第7天抽血：
Amh 2.7
Progesterone 1.8
請問我是否黃體素不足？
之前試過食聖潔莓2-3個月，但係食完體溫仲衰仲低溫
而家食緊：
Coq10 300mg
Materna
Vitamin e 400iu
L arginine 1000mg
請問我仲有冇其他supplement需要補充？謝謝！
你好Jess，如果呢個係排卵後第7日驗嘅level，你嘅黃體素水平的確比較低
我覺得係要搵到個原因先，因為黃體素低有兩種常見可能，一種係黃體期缺陷，即係黃體本身唔能夠產生足夠黃體素嚟維持子宮內膜，咁的確維他命E同arginine都係合理嘅選擇，甚至聖潔莓理論上都應該有助提升黃體素（所以你話食完體溫仲低咗係有啲奇怪，當然唔排除有時可能身體仲未適應到荷爾蒙嘅平衡改變而暫時造成）
另一種可能性就係未有排卵（？），女性嘅cycle主要發生嘅事簡單嚟講就係：
- 卵泡發育
- 卵泡成熟，排卵
- 排卵後，本身卵泡嘅「外殼」（稱為黃體）會繼續存在，製造progesterone黃體素嚟維持子宮內膜厚度同確保環境適合受精卵植入
所以如果冇咗step 2，就唔會存在負責製造黃體素嘅黃體，咁黃體素水平都一樣會低，如果係呢個case，就唔係補充黃體素或者食幫助子宮內膜supplement可以解決嘅問題，因為呢種情況「低黃體素」就唔係影響fertility嘅主要「成因」，反而係另一個問題嘅「結果」，本身醫生有冇check過或者同你傾過排卵方面係咪正常？或者你本身有冇試過用排卵試紙去test自己嘅排卵期？
（Basal body temperature主要量度嘅係體內progesterone嘅變化，而試紙主要係量度LH，即係另一種促使身體排卵嘅荷爾蒙，如果本身排卵試紙驗唔到排卵反應嘅話，有機會代表係排卵個邊出現問題，就可能需要用排卵藥幫手啦 ）
Hello Victor
我呢排因為月經唔準同埋都開始備孕 所以去做檢查 醫生話我內膜薄同埋卵細
請問有冇邊種備孕supplement可以改善到我嘅狀況
thanks！
Hello pluayanb，內膜薄可以用L-arginine，聖潔莓理論上可以幫助月經規律，而CoQ10對卵子質素會有幫助，所以你可以考慮FertilAid + FertileCM + CoQ10嘅組合
Hello Victor, 想問下孕中期孕婦感冒是否可以食以下藥物：
Cocillana Syrup
Bisolvon 8mg
Chlorpheniramine 4mg
Lysozyme 60mg
謝謝！
建議用bisolvon同chlorpheniramine就好，如果有喉嚨痛可以加paracetamol（唔好用特強個隻，因為入邊加咗咖啡因）
係咪唔好食Lysozyme? 我上網查過好似都冇等級，所以冇食…
但咳水係咪都唔ok? 因為都咳得幾犀利…
其實如果藥理上，lysozyme對孕婦又冇咩特別問題，不過lysozyme本身比較少臨床數據證明佢嘅安全性，所以通常唔會建議孕婦做白老鼠 至於cocillana咳水主要作用係化痰，咳得犀利都未必有好大幫助（同埋bisolvon已經做緊類似效果），真係咳得犀利嘅話可以試下bena expectorant，止咳同止喉嚨痕效果會好啲
1個讚
明白，唔該晒~
1個讚
你好呀 ，想請教一下，我胎剛藥流完8週大的胎，唔知原因
，但我係高齡，如果食fertileaid 同ovaboost 對我有冇幫助？會唔會對啲卵子有幫助，我想未來兩三個月再試，因為驚冇時間了