因為呢胎係意外懷孕 ，孕前冇食任何Supplement，可能因為咁陀唔到
但而家都真係想要個bb
如果而家開始食返仲有一用
Hello Notake2，你本身嚟m算唔算規律？如果okay規律嘅話直接用Fh Pro就ok，佢入邊有足夠葉酸，同埋有加其他理論上幫助卵子質素嘅抗氧化物同維他命D etc 
去到成功bingo嘅話，轉返用愛樂維或者Materna呢類維他命同礦物質補充劑就可以，祝早日成功 
你好 vitor
39歲已經試左年半近2年都未有bingo.
照過ultrasound 子宮內膜6.8mm, 睇過要7mm以上先易著床? 同埋宮頸有個0.6cm cyst.
有食 b雜 、維他命E 、同維他命D.
想問下食FH pro 有幫助嗎？
你好，排卵後嘅厚度7或以上會較好，FH PRO主要幫到厚度嘅成分都係得維他命E（而你依家都食緊），所以你可以用FertileCM（Arginine都係改善血流，幫助厚度嘅成分），再加另外補充埋葉酸（general備孕成分，如果依家冇食緊的話）
都算規律
25-26 左右
多謝你回覆
你好Victor, 我又有問題~
我而家懷孕24w, 最近去抽血驗左一d nutrients嘅level, 因為過去5個月孕吐反應令我冇辦法食大部分對孕婦好嘅食物(如蛋，菜，魚之類), 體重一度跌咗十幾磅到而家都未回復孕前體重，我主力靠食supplements去補充所需營養，但有時因為飲水都唔舒服所以吞唔到supplements, 未必日日都有食，有時一星期都係食到兩三次左右…
但驗血報告顯示我B12同folate都過高：
B12 - 1122pg/mL
Folate - 21.95ng/mL
(最底附上驗血報告，除左呢兩樣其他都正常)
想問下，我會唔會係有葉酸代謝基因異常，身體轉化唔到葉酸，令到血液裡面有過多嘅folate同B12? 而家好擔心影響到BB…
我食緊兩隻牌子嘅prenatal supplement(見下圖營養成份), 有一隻係台灣牌子，我唔知佢葉酸係folic acid定methylated folate, 佢有580mcg… 另外有隻外國牌子，佢應該係methylated form, 但有成1334mcg, 而且其他成份好似都偏高，我發現後都唔會日日食，會兩隻牌子交替咁食，而且如我所說有d日子好反胃我根本完全冇食… 我又冇乜點食菜，唔知點解folate會超標…
另外我有食DHA, Vitamin D同益生箘supplements
希望你畀d建議，唔該晒，麻煩晒~
如果係MTHFR gene嘅問題，只會令folic acid convert唔到做folate，所以補充folic acid無辦法有效提升folate，結果應該會係folate level過低而唔係過高
而你嘅情況似乎係身體因為某啲原因對葉酸同B12吸引特別好，所以令呢兩種營養喺血液中嘅水平變得太高，有可能係本身基因問題，亦都有可能係因為長時間身體處於飢餓狀態，令身體盡可能吸收可以吸收嘅營養，反而令某啲營養吸收率增加
你依家孕吐反應好返未？食物除咗提供維他命同礦物質，熱量都係好重要嘅一部分，而呢樣單靠你食緊嘅supplement係補充唔到（所以體重都會受到影響），所以你嘅情況我會建議增加熱量攝取（如果本身你係醫院可以搵到營養師跟進就更好，佢哋可以專業咁幫你計返你每日需要幾多卡路里），而保健品方面你可以嘗試轉用媽媽奶粉取代（媽媽奶粉通常都含有葉酸同其他多種維他命，另外都好似一般奶粉咁會提供熱量，而且你可以視乎情況睇下落幾多奶粉飲，某程度上可以比你調節營養嘅補充量）