Hi fcmui，你食嘅保健品成分表睇落又唔覺有問題，通常最有嫌疑引起手痺腳痺嘅保健成分反而係平時用作保護神經線嘅維他命B6，長時間高劑量攝取的確係有機會造成神經病變，會有手腳麻痺嘅症狀，但你個list又的確冇包含B6
不過始終每個人身體都有啲唔同，對唔同成分嘅反應都唔會100%一樣，所以如果時序上令你懷疑同supplements有關，還掂你食緊嘅成分少食一排又唔會差太遠，你可以逐樣產品試下停用一個禮拜feel下有冇唔同，睇下搵唔搵到原因
另外之後你都可以考慮加多少少鈣一齊食，你食緊隻魚油+鈣2粒都只係有330毫克鈣，而女性每日都需要起碼1000毫克（加上日後停經後，骨質流失會更快），我會建議你加埋鈣片打好個底先，降低日後骨質疏鬆風險 
謝謝詳細解答！
有關補鈣方面，我見我食緊果隻佢有2個項目都有鈣，1300mg係咪應該計埋呢？
呢隻鈣的確寫得唔太清楚，但有唔少產品都會分別列出鈣嘅原材料分量同真正嘅鈣含量，以holdbody孕婦鈣嘅標籤做例子：
就咁睇可能會比較confusing，上面寫海藻鈣有2000毫克，而下面就寫600毫克鈣，其實意思係2000毫克嘅海藻鈣提取物，入邊有600毫克鈣同44毫克鎂，而食用分量係4粒，所以每粒有150毫克鈣
而呢隻產品我嘅理解係（每2粒）魚骨膠原鈣total有1300毫克，而當中480毫克係骨膠原，330毫克係鈣
佢寫得冇咁好嘅地方就係如果係咁，佢好似holdbody咁用點列式寫係魚骨膠原鈣下面（而唔係就咁括號提取自魚骨），就會比較清晰，否則就咁魚骨膠原鈣就完全唔知當中有幾先係鈣 
Hi, Victor 請問我身體檢查驗出有脂肪肝，仲可唔可以繼續服用FH Pro for Women？
Hi Dount，FH Pro入邊嘅成分同脂肪肝冇相沖可以服用
Thanks, Victor.
你好，我而家31歲準備懷孕。之前用咗implant 九年，拎咗出年大概一年。因為副作用之前已經比較少月經，拎咗出嚟之後都冇乜月經。去咗做婦科檢查話子宮各樣嘢都健康。而家考慮緊食FH pro or FertilAid。請問有什麼建議嗎？我而家食緊seed cycling，除此之外，沒有食supplement習慣。我體脂比較低，最低試過16。熱愛健身，唔知對經期有冇影響。Thank you!
Hello，implant拎出嚟6個月內月經應該會正常返，所以如果一年都仲係咁唔係太常見，如果做過婦科檢查確認各樣野都健康，咁的確有可能係因為運動令月經量減少
如果運動量過高，除咗會消耗更多身體能量（運動時身體會優先將能量供應比肌肉等相關器官，而唔係製造卵子），亦都會令雌激素水平下降，所以會令經血減少同子宮內膜變薄，甚至影響排卵嘅規律
所以你嘅情況可以先試下降低少少運動量（例如每星期150分鐘左右，運動強度都可以調整下），觀察下月經量有冇慢慢恢復；
Supplement方面，你可以試咗用FertilAid先，佢嘅成分入邊有聖潔莓，可以balance返運動對hormone嘅影響，祝早日成功！ 
想請問 Ferti M有冇用?
Hi Josie想confirm你係問緊呢隻？
YES, 台灣醫生有suggest我先生食
呢隻Ferti M我睇返成份同香港賣嘅富精多Profertil 90%似 （主要係zinc ferti m會低啲，同埋佢嘅glutathione係寫酵母抽出物含穀胱甘肽有80mg，唔確定穀胱甘肽實際有幾多），而Profertil本身都有研究support，而且入邊都有L-carnitine（for精子最重要嘅一種營養之一），所以你個隻對改善男性活力同精子質素相信都有幫助
你好。想問極高齢，IVF 2 次，卵泡得2粒。可以吃FH pro for woman補充，加強卵子質素嗎？本身有吃Q10, pqq, materna, Folate, Omega3, vitamin C and collagen1&3.
可以，佢入邊已經有Q10, materna, folate同vitamin C成分，除非你用緊好高劑量，如果唔係呢幾款其實佢都可以取代到，另外DHEA其實都係一種唔錯嘅成分，對IVF同卵泡質素都有幫助，不過佢係荷爾蒙嘅precursor（i.e.佢係體內會轉化成雌性同雄性荷爾蒙），所以要睇返你本身有冇其他婦科或者荷爾蒙疾病先決定到啱唔啱食
Hello Victor,
我上星期抽完卵，醫生叫我休息一個cycle先放雪胎。我喺公立做，好似話一般放雪胎都係行自然週期，唔會有黃體針或藥，亦唔肯定會唔會check左內膜厚度先。想問下有咩supplement係對內膜發展有幫助？因為之前曾經有私家醫生話我內膜太厚(18mm), 如果食supplement係會令佢再厚左，定係令佢發展成健康嘅厚度？放胎之後又應該食咩？食維他命c有幫助黃體產生嗎？（有人話要自己去打黃體針，但有啲又話自然週期唔使，但我擔心自己自然週期黃體唔夠)
唔好意思好多問題，唔該晒～
Sorry 唔記得左講
我有食gnc folic acid 400 mcg + now ubiquinol 100mg. 之前有食FH Fertilaid for women…
fertilaid for women 對內膜有幫助嗎？ 謝謝你！
我睇返有啲研究就話內膜過厚唔會影響人工受孕，但又有啲研究話內膜超過14毫米胚胎成功植入嘅機會會減少，所以子宮內膜太薄或者太厚都唔好（14mm左右應該係比較optimal），而目前其實冇咩資料show到內膜太厚嘅情況再食一啲本身幫助內膜厚度嘅supplement（e.g. 維他命E），究竟係會令厚度繼續增加定係維持optimal厚度
睇返你用緊嘅supplements，葉酸係懷孕初期必要嘅營養、CoQ10對於改善卵子質素有幫助，另外你都可以考慮加埋魚油omega-3（可以每日EPA+DHA 1000毫克）
Fertilaid入邊主要係一啲草本成分，其中包括聖潔莓，聖潔莓有調節荷爾蒙平衡嘅作用，都有機會令子宮內膜生長，所以如果你想搵啲all-in-one product，Fairhaven隻FH pro成分睇落會比較適合（主要係一啲抗氧化成分，對於植入都會有啲幫助，而且入邊已經包含葉酸同CoQ10，suppose可以取代你本身食緊嘅supplements添）
Hello Victor,
我剛剛做完抽卵，抽9粒受精8粒，但Pgta test 出黎4粒 day 6 都abnormal. 想重新養好卵子過兩個月再黎過。
我高齡，43歲，AMH 有2， 但FSH過高 (From 8-12), E2 過低，冇婦科病，係經期短啲同少啲，檢查後醫生話都好正常。
想請問我用以下的supplement 足夠嗎？謝謝！
FH Pro - 之前有食開，但想請問有咩辦法唔咁胃痛？
Life Extension Super Ubiquinol Q10 + PQQ 200mg - 我之前果round 冇食Q10,知道FH PRO係有Q10 但想再補啲
Life Extension DHEA 100mg - 我上次食左唔夠一個月就做IVF, 醫生話食到100mg 都可以，但因為太多丸，我選擇左食一粒100mg.
Jarrow Formulas Methyl Folate 400mg - 知道FH PRO 有Folate, 但我抽血驗過話我本身需要高folate, 想在備孕期間加高至1200mg。
California Gold nutrition NMN Powder 300mg - 以前一直食開，反而食FH Pro就冇食佢，可以加返嗎？
另外我先生係健康嘅，檢查過精子都一切正常，請問如果再補充folate, Q10，就咁足夠嗎？
謝謝你的幫忙！！ 
Hello tan yee，通常養卵比較多實證嘅supplement主要包括DHEA, vitamin D同CoQ10，而我見到呢三樣你都已經食緊，而且劑量都已經足夠，所以我覺得唔需要再加其他supplement都ok! FH Pro入邊最大機會令你胃痛嘅成分應該係鐵，一般嚟講飽肚服用已經會減少佢刺激腸胃嘅機會，如果真係仲係覺得好唔舒服，可能就要轉第二啲產品啦 
葉酸方面雖然如果你用嘅唔係folic acid form理論上係好啲，但又比較少人會用1200mcg，通常備孕媽媽嘅folic acid supplementation range介乎400-800mcg，而FH Pro 800mcg已經算係充足嘅劑量，除非曾經試過有神經管缺陷BB/有呢類家族史、或者係地中海貧血嘅準媽媽，就可能需要更高劑量（講緊通常4-5mg, i.e. 4000-5000mcg），所以如果唔係醫生建議，我建議用FH Pro補充葉酸就足夠
先生個邊精子正常嘅話唔特別食supplement都得，如果想幫助生育能力，除咗folate同Q10，仲有L-carnitine同zinc都會有幫助
你好，想問下懷孕期間可唔可以用clotrimazole塞劑？