Victor, 孕婦維他命邊隻好？ Materna vs Elevit?
Hello Victor, 我本身Amh 好低，老公精子型態、活力偏差，我食左Q10,、肌醇、綜合維他命、維他命D，而老公食左DHA等supplement 一個月，最後自然懷孕，但6週BB胎停及一直照唔到心跳。黎緊將會引產。請問我而家可以開始食返已上supplement 嗎？ 因養卵要2-3個月，而我亦睇過外國d研究話流產後3個內再試機會會大d再中。所以想馬上食返supplements 作準備。
孕婦必須要有嘅營養兩隻產品都可以提供足夠分量，但如果腸胃麻麻（容易便秘、肚痛etc）就elevit好啲 
1個讚
綜合維他命都可以keep住食，但其他就最好等引產之後先食，因為佢哋有可能增加出血風險 
明白，多謝解答
1個讚
謝謝Victor！想再問若剛剛bingo 請問係食粉紅色果隻elevit（1 - 準媽媽配方）嗎？但我見到成分有589視黃醇當量微克！請問係安全的嗎？
另外佢無DHA? 請問要自行加配嗎？
elevit準媽媽配方冇DHA，不過DHA本身冇一個官方指引幾時開始一定要食，所以你可以自己加配，或者去到第13週轉藍色個隻（有埋DHA）都ok!
雖然平時講懷孕期間要小心維他命A，但其實孕婦都需要一定嘅維他命A黎幫助小朋友成長，孕婦一日需要770視黃醇當量微克，所以elevit嘅分量是安全的（不過懷孕期間就唔建議自己食動物肝臟呢類富含活性維他命A嘅食物，避免攝取過量）
你好，我而家懷孖胎，想問鈣要食double 嗎？我而家食緊GNC個隻珊瑚鈣建議食400mg一日，可否自己加量食double?
Hello yiuyiu，目前未有孖胎媽媽鈣質每日建議攝取量嘅官方指引，不過就算對於普通媽媽而言，每日都建議至少攝取1000毫克鈣質
所以如果你本身冇食其他媽媽supplements（好多孕婦維他命除咗葉酸都會加入鈣質），又冇乜飲奶，double分量會更好（不過最好分開兩次食，因為如果一次攝取超過500毫克鈣，身體未必吸收得曬）
你好 最近計劃緊去做IVF, 但本身有甲亢(已控制 每日食緊一粒甲亢藥), 子宮肌瘤問題。 因曾做過2次宮腔鏡割子宮肌瘤, 子宮內膜較薄。想問可以食咩supplements 令卵子好啲？聽人講FH pro for woman 係專for IVF, 想問FH PRO 會唔會影響到甲亢或子宮肌瘤變大？
老公的精子型態都唔好, 有冇咩方法可以improve? Thank you!
Hello，改善卵子質素通常會用DHEA、維他命D同CoQ10，如果有子宮肌瘤就唔建議用DHEA，而維他命D同CoQ10都可以喺FH Pro入邊搵到，入邊都有埋維他命E，對子宮內膜薄會有啲幫助
FH Pro同你嘅情形冇相沖，不過要視乎埋你食緊啲咩藥，因為有時係藥物同supplements interact，所以有機會要隔開使用
改善男士精子形態最多實證嘅supplements係L-carnitine（通常建議每日2000毫克左右），當然日常運動呢啲都唔可以偷懶
Hello Victor, 我一向都有食開elevit (粉紅色）備孕， 今日發現bingo 左， 見到elevit 鈣的含量只有125 mg, 我做過research 話孕婦每日吸收鈣的含量要1000mg, 想請問需唔需要額外加食鈣片？
你建議食holdbody 依款鈣片嗎？
同埋hold body DHA supplement 你建議嗎？
thank you 
恭喜曬！ 
你依家已經可以額外加埋holdbody孕婦鈣同DHA一齊用，如果補充唔夠鈣，BB其實都會喺媽媽骨頭入邊攞走啲鈣，變相會增加咗之後骨質疏鬆嘅風險，而DHA就係幫小朋友腦部／眼睛發育！
thank you Victor,
我想再問多少少，我下星期已經12 weeks, 我食開elevit 粉紅色 1號配方， materna藻油DHA, 同埋醫生開的calcium lactate 600mg.
我知道13 weeks 開始就要食 elevit 2 號配方， 但係我見佢已經含有DHA, 不過是魚油DHA.
我個人比較想食藻油DHA 因為怕魚油會有重金屬。 想問問如果唔食elevit 2 號 有其他建議嗎？
Thank you Victor
Hello fcmui，之前冇為意到有message miss咗添 
唔需要擔心，一般呢類保健品軟糖入邊嘅營養含量通常唔高（就係擔心會有小朋友誤服太多），所以入邊維他命C同鋅嘅份量即使3粒，對於4歲小朋友黎講都仍可接受，至於接骨木莓就比較少data指小朋友唔同年齡每日最多食幾多，不過參考咗市面上其他接骨木莓嘅產品嘅服用份量，如果2日每日服3粒，只係屬於較高劑量，亦未至於超出上限 
最簡單就係繼續食返elevit 1號+materna DHA+calcium，1同2號最大分別係：
- 2號葉酸量會少啲（因為頭12個星期先係BB最需要葉酸嘅時期），而即使係1號嘅葉酸量都只係800微克葉酸（低於平時建議上限1000微克）
- 1號有加鈣（每日都係得百幾毫克），2號冇
- 2號加咗DHA
所以如果你想食返materna DHA，可以跟返幾年前未有elevit 2號前嘅食法，aka Elevit 1號 + DHA就ok! 
Thank you Victor,
多謝你解答左我咁多疑問
1個讚
你好Vict,新年快樂
想請問一下我40歲做了5次IVF都失敗，自然懷孕卻宮外孕一邊輸卵管切除，另一邊塞，亦曾CINlll做過手術，家族吏有乳癌，我想生bb請問食咩會有幫助，對身體會好啲，麻煩你
生育科醫生話食善存綜合維他命好，我淨係食一樣同中藥，謝謝你
Victor，你好
想問我由孕前開始食elevit 準媽媽配方，食咗3個月，之後發現有咗就轉食materna+ 樂道私密護強效版蔓越莓+materna DHA，冇額外食葉酸
而家踏入第十週，會唔會唔夠葉酸？
要唔要停食蔓越莓？
之前因為陀嘅時候經常出血，聽醫生講停咗冇食DHA，應該去到第幾週要食番？
謝謝