新年快樂Lalaa，你嘅情況比較複雜，目前未有保健成分可以確定對輸卵管阻塞有幫助，有機會還是需要手術幫忙。
如果是以改善卵子質素和提升IVF成功率為主，而你正在使用善存（白色個款），可以額外購入含維他命D的鈣片（最好每日份量含600-800毫克鈣和大約500IU維他命D）一同服用，維他命D本身除了能幫助卵子成熟得更好外，也能幫忙吸收鈣質（40歲左右女士無論是否正在備孕都應及早開始補充鈣質，預防日後骨質疏鬆），另外輔酶Q10也對IVF有幫助，因此可以考慮額外購買CoQ10補充劑，每日補充200-400毫克 
Hello BMW！齋食Materna葉酸已經足夠，蔓越莓產品喺孕婦身上嘅資料唔算多，但目前睇黎應該都安全，所以如果本身都容易尿道炎，繼續使用都冇問題。
而至於DHA本身冇葉酸／碘呢啲營養咁必要，所以亦無任何官方guidelines列明懷孕期間第幾週開始必須補充DHA，如果本身係容易出血嘅話，可以唔洗補充，等BB出世之後先食DHA（直接比DHA滴劑BB食，或者媽媽食完再餵母乳都可行），加油 
謝謝victor嘅回覆
我係生完第一胎之後好易陰道發炎，所以先試食蔓越莓睇吓有冇幫助
你好Victor, 我宜家懷孕21週，食緊Elevit DHA，但好似鈣唔夠（兩邊牙齒琺瑯質蝕左），如果要補鈣片邊隻好？ 要補幾多mg先夠？
Hello stel，elevit DHA本身並無添加鈣，額外食鈣片補充是ok的，缺乏鈣質的確有機會影響牙齒健康，不過琺瑯質蝕咗都有好多唔同原因，所以最好都去埋搵牙醫check check!
鈣片通常target每日1000毫克，同時補充維他命D會有助鈣質吸收，而孕婦揀鈣片可以優先選擇檸檬酸鈣（較好吸收，冇咁易便秘／產生胃氣），例如係攝達+D呢隻，可以每日3次，每次1粒咁樣服用，吸收率最佳！
HI, Victor,
想問你意見, 我高齡, 4年前生第一胎, 宜家想備孕第二胎. 冇婦科病. 食左半年中藥, 咁睇婦科醫生佢開左排卵藥比我食, 想問下可否同 FertileCM 一齊食?
Hello Wing，你講嘅排卵藥係咪clomid / clomiphene? 如果係呢隻，佢同FertileCM冇相沖，可以一齊食
Dear Victor,
謝謝你解答，我係食緊clomid 第二個cycle , 請問係咪排卵藥會令子宮內膜變薄？如果食FertileCM 係咪會有幫助？謝謝
Victor 唔好意思, 你未答我又有新問題 
咁我食緊醫生開既排卵藥clomid 50g, 係咪照test 排卵就可以? 會唔會食左排卵藥令到排卵遲左或淺色(濃度唔夠) , 因為我有用clearblue check 排卵… check 到有, 但今個月加埋大衛排卵紙(第1次用大衛). 顏色好淺色, 搞到我好疑惑…謝謝您
Hello Wing，子宮內膜需要雌激素同黃體酮先會變厚，而clomid會同雌激素競爭，所以的確有機會令子宮內膜變薄，而FertileCM入邊有L-arginine，佢本身可以改善子宮嘅血液循環，所以都會對子宮內膜生長同厚度有幫助
排卵試紙主要係測試尿液入邊嘅LH（一種負責令女性排卵嘅荷爾蒙），而clomid本身會令我哋身體製造多咗LH，反而有機會出現false positive假陽性嘅情況，所以通常會建議停咗clomid之後3日，等荷爾蒙回歸返自然pattern先重新開始用排卵test
你嘅情況要睇返你停咗clomid幾耐做排卵測試，如果仲用緊時做，有機會係clearblue出假陽性，如果已經停咗幾日先做，咁就可能係大衞牌嘅靈敏度較低，而你本身排卵時嘅LH水平都唔高造成
Hello Victor
想請教一下，
我宜家10week食緊雀巢MOM個款的supplement，之前有飲開牛奶吸收鈣，不過最近嘔吐情況嚴重，牛奶都飲唔落，請問可以食你之前介紹個款攝達+D既supplement 嘛？
(不過怕維他命D會過量
)
另外聽講B6可以減少嘔吐既情況，不過我又擔心另外買維他命B雜食會過量
請問可以點做？
麻煩你了
Hello pistachio 
Nestle MOM入邊有400IU維他命D同1.5mg維他命B6，而根據NIH孕婦維他命D同維他命B6每日上限分別係4000IU同100mg，所以本身都有空間加呢兩類嘅supplements
3粒攝達鈣+D提供945毫克鈣同600IU維他命D，所以你可以喺MOM基礎上加埋攝達鈣+D一齊食，每日3次、每次1粒，方便吸收
B6通常要止孕吐嘅劑量係每日30-75毫克，而攝達本身都有出純B6嘅supplement，所以你可以加埋每日食1粒佢個隻B6（50毫克）for孕吐就ok！
你好呀！
請問初孕食elevit 1, 益生菌同鈣片（holdbody 每日兩粒），咁仲要額外食維他命B3同E 嗎（係備孕時食淨，成功左唔知仲要唔要食，驚加埋elevit 會太多）？
另外需要食魚油嗎？有推介嗎？
謝謝解答呀！
Hi Victor
今年2月做第2次ivf但失敗，啱啱自然有左5w+，幫我做ivf醫生開左 materna綜合維他命及礦物質+DHA 再加 400mcg葉酸俾我，啱啱先發覺2隻藥葉酸加埋有1000mcg會唔會太多？
我本身未知有左之前一路食緊FH pro + PROVEN 女士專用益生菌 + 蔓越莓，依家己經停左食FH pro，如果我想繼續食益生菌係唔係最好轉食Proven 孕婦益生菌？
另外我嘅維他命D係超低，如果我想補充維他命D同鈣,
Holdbody 天然孕婦鈣片 / 攝達 +D鈣 邊隻會適合我多啲？ 謝謝。
Hello，唔需要額外食維他命B3同E，Elevit入邊嘅份量已經足夠，如果你諗住之後13週轉食Elevit 2嘅話，可以連魚油都唔洗加添，因為到時入邊已經會有
1000mcg其實都係正常葉酸劑量，有時醫生會開更高劑量嘅葉酸比風險相對較大嘅準媽媽，所以唔洗擔心
而Proven女士入邊除咗益生菌仲加咗蔓越莓呢啲成分，雖然唔係話一定唔食得，但呢類成分比較少孕婦data，所以我嘅建議係淨係食返有需要嘅野就得
而Holdbody孕婦鈣同攝達鈣+D主要分別係Holdbody多咗鎂，比較適合夜晚容易腳抽筋嘅媽媽，不過每日要食嘅粒數就會相對多啲，可以睇返自己有冇咁嘅需要
Victor 你真係好好人呀, 呢個post 都已經開左兩三年? 你仲keep 住上黎答問題!!!
祝你復活節假期快樂! 
明白，感謝victor
藥劑師你好，我現時備孕中，但我有偏頭痛同胃痛問題，要食特效必理痛(Panadol 500mg+ Caffeine 65mg) 同lansoprazole 30mg先會好好多，最勁試過1星期食2-3次，試過其他藥例如普通panadol 2粒 同 famotidine 取代但效果都唔好，照過胃鏡係慢性胃炎，想問備孕同之後懷孕食特效必理痛 同lansoprazole有冇問題？或者仲有冇更好嘅其他藥可以係孕期幫到手？謝謝你
Victor 你好，請問如果係有輕微濕疹底既孕婦，食益生菌會比較推介Proven 或是elevit 呢？因為好似聽話食有LGG 既可以減低BB 濕疹機會，但見PROVEN 無呢隻菌，謝謝解答！