Hello Zoe, 兩個醫生嘅講法其實都有根據:
所以,呢樣正正係點解我哋成日講醫生要weigh risks against benefits,醫學上好多野都冇絕對,例如開降血糖藥比糖尿病人,一方面可以更加好咁控制血糖,減少之後糖尿上眼或者影響其他器官嘅機會,但另一方面又可能會令病人低血糖頭暈,呢個時候醫生就要諗究竟開重啲藥比呢個病人究竟值唔值得
而每個醫生心入邊把尺都唔會完全一樣,有啲醫生會進取啲,有啲就保守啲,所以呢點真係要同醫生傾傾,睇下邊個choice較好,又或者會唔會有啲折衷嘅方法,例如預產期前一兩個星期就停aspirin咁樣
1個讚
thank you victor! 下次產檢會再詳細同醫生傾,謝謝你🫶🏻🫶🏻
1個讚
你好,你嘅情況主要係因為高齡備孕,本身卵子儲備唔多,所以我哋嘅目標係要提升可用卵泡嘅質素同數量。
除咗你本身食緊嘅野之外,你可以加埋1000IU維他命D一齊食,另外每晚臨瞓前食3mg褪黑素melatonin都會對卵子質素有幫助。
而CoQ10轉食至少200mg會好啲(每日200-600都ok),100mg劑量就太低了,同埋記得留意埋Elevit入邊已經有葉酸,你唔需要額外加葉酸已經足夠架啦!
Victor 你好!
我依家有左5W, 但呢2日開始覺得抵抗力好似下降, 好似想作病咁
請問有冇D 咩supplement 可以提升抵抗力呀?
同埋想問下幾時開始需要食其他supplement 呀(例如DHA, 維他命, 鈣, 等等)? 因為醫生只係叫我食葉酸
唔該晒你
呢幾樣主要係幫助改善卵子質素,唔會特別對子宮內膜產生大變化,子宮內膜夠厚係胚胎成功植入嘅必要條件,對於仲未停經嘅女士黎講,因為子宮內膜過厚而演變成癌症嘅機會好低,所以無須太擔心,反而有少量數據見到呢幾隻成分仲有保護效果添!
CoQ10有個別名叫ubiquinone,佢嘅還原形態叫ubiquinol,ubiquinone係比較傳統嘅形態,多數研究都係用ubiquinone去做, 而ubiquinol嘅吸收率好啲,可以用更低嘅劑量達到相同嘅效果,效用上兩者差唔多,但唔肯定你指「入邊成份唔同」係指佢配方入邊加咗其他herbal ingredients/vitamins,定講緊ubiquinol vs ubiquinone嘅分別,定係產品入邊其他非活性成分(例如用黎整膠囊嘅明膠gelatin),如果係後兩者效用就大同小異了。
通常大豆卵磷脂入邊吾含大豆異黃酮,所以你嘅情況都唔一定話要見含有大豆卵磷脂就避開
Hello yoshi congrats!!
免疫力下降係懷孕初期好common嘅症狀黎,買返啲維他命C沖劑飲就得(例如:維多C,有啲沖劑入邊加埋鋅都ok,而其他草本提升免疫力配方,例如加咗接骨木或者紫錐花,因為懷孕方面嘅安全性數據不足,就唔建議懷孕時用啦),多種維他命同礦物質係懷孕一開始都已經可以食,同埋要記得留意返通常for媽媽嘅多種維他命入邊會加埋葉酸,所以就唔洗再獨立補充枼酸,避免double dosing。
DHA同理,你可以懷孕初期就開始食(增加身體儲備,打好個底),或者有啲媽媽鍾意等到13週打後先食都冇問題
關於懷孕需要補充啲咩營養,你可以參考埋呢篇文章同睇返自己嘅狀況(例如素食者最好補埋B12,另外視乎自己多唔多戶外活動可以補充埋維他命D)再決定!
Victor, 好多謝你詳細嘅解答
曾經上網研究過兩款CoQ10, 最後選擇用ubiquinone。
唔好意思, 原來我想講嘅係入面加咗Ingredients , 例如GNC CoQ10嘅Ingredients寫咗有加大豆卵磷脂咁🫣, 但見有其他牌子嘅CoQ10 入面嘅Ingredients冇加到大豆卵磷脂, 所以諗緊自己嘅case適唔適合食GNC嗰款 定揀一款冇大豆卵磷脂較好呢?
以我理解, 唔同牌子嘅CoQ10效用一樣, 其實我無需要比較入面加咗啲咩成份? 唔知咁樣理解啱唔啱呢。比較多問題, 唔好意思
咁我照跟你嘅建議, 在食中藥同時每日補充Elevit, CoQ10 ubiquinone 200mg, 維他命D3 1000iu同埋褪黑激素3mg嚟養卵先…
十分感謝
1個讚
冇錯!
有冇大豆卵磷脂都唔太緊要,最緊要CoQ10嘅劑量足夠就好,而入邊加嘅成分有冇影響都要睇返個隻成分,但明膠、水呢啲明顯非活性成分都基本冇影響(除非你係素食者)
1個讚
Cccat
2023年01月12日10:04
650
Victor,你好,我想問下點先可以完全解決念珠菌?我懷孕11週,已復發左幾次,好返又嚟料
1個讚
懷孕荷爾蒙變化同免疫力差係會比平時更加容易有念珠菌架
記得要著返比較通爽嘅衣物(No牛仔褲或者緊身衣物),唔好過份清潔(包括:唔好用灌洗劑、或者比梘液入咗去,避免殺埋啲益菌同影響本身嘅pH),去廁所時要由前向後抹(防止將其他污糟嘅菌抹咗入陰道),加埋食乳酸菌 / 用含乳酸菌嘅塞劑黎maintain返微酸性嘅環境都可以抑制念珠菌生長!
Mochi
2023年01月13日08:42
653
Victor 你好呀,我係一個高齡產婦,本身經期唔準的,第一次IVF喺11weeks 無咗,今次第三次IVF[而家8week6days]。
我喺7weeks嘅時候流鮮紅色嘅血但無痛的,已經即時睇咗醫生,照咗bb 無問題。醫生開咗Besins Utrogestan 每日3次每次2粒,服一星期後無血,醫生已叫可以停。
我食緊嘅補充劑有中午食Materna,
同埋臨瞓會食Wagner Cranberry 25000+,
仲有一日3次醫院開嘅Dydrogesterone+Oslestradiol+Prigesterone(micronuzed)pessary。
1.我每天有飲一杯鮮奶+一杯蕃茄汁,仲有2個蛋白,想請問我需要補充其他補充劑嗎?
2.我今日又有血流了,但之前醫生開的Besins 我仲有,可以自己繼續塞嗎?
多謝你抽空解答
1個讚
你好Victor
先生精子形態1%, 其他pass, 本身食緊港版menevit, 200mg 還原型COQ10, 30mg 茄紅素, 而家想改善埋數量, 想加埋catalo嘅蠔皇素, 但menevit本身已經有25mg鋅(驚過量), 請問鋅每日攝取上限係幾多呢? 攝取過量有副作用嗎?
另外,亦考慮過直接轉食FH Pro for men+茄紅素 30mg (因FH pro已有200mg COQ10)
可否請你俾啲意見呢… 麻煩晒
你好Victor, 先生本身精子比較弱, 戒煙及做運動後精子其他數值已變正常, 但活躍程度還是不合格. 請問食那種supplement 可以改善? 另外可以我同先生, 是否食elevit 準媽媽/爸爸配方已經足夠?
原來之前miss咗message 鋅嘅每日上限係40毫克,如果食更高劑量會影響銅吸收同有機會影響胃口/噁心等
FH Pro有L-carnitine,成分上比menevit更好