我係社區藥劑師，備孕/懷孕問題你問我答

孕前產後
638

Hello Zoe, 兩個醫生嘅講法其實都有根據：

所以，呢樣正正係點解我哋成日講醫生要weigh risks against benefits，醫學上好多野都冇絕對，例如開降血糖藥比糖尿病人，一方面可以更加好咁控制血糖，減少之後糖尿上眼或者影響其他器官嘅機會，但另一方面又可能會令病人低血糖頭暈，呢個時候醫生就要諗究竟開重啲藥比呢個病人究竟值唔值得

而每個醫生心入邊把尺都唔會完全一樣，有啲醫生會進取啲，有啲就保守啲，所以呢點真係要同醫生傾傾，睇下邊個choice較好，又或者會唔會有啲折衷嘅方法，例如預產期前一兩個星期就停aspirin咁樣 :muscle:t3:

1個讚
639

thank you victor! 下次產檢會再詳細同醫生傾，謝謝你🫶🏻🫶🏻

1個讚
640

Victor你好！
已經超高齡, 有幾粒子宮外嘅肌瘤(醫生說唔影響懷孕)及乳房纖維瘤, 但因為amh很低只有0.8ng及基礎卵泡5-6個:pleading_face:, 照過子宮內膜算偏厚(醫生說已經係邊界最厚)。另外本身已經飲緊中藥調理咗3個月以上。
想請教在飲中藥同時食以下補充品備孕及養卵足夠嗎？(而家食緊中藥同埋每日0.4mg葉酸)
:black_small_square:︎Elevit 香港版
:black_small_square:︎GNC Coq10 (100mg), 但見成份有大豆卵磷脂,唔知可唔可以食
麻煩晒你:pray::pray:

641

你好，你嘅情況主要係因為高齡備孕，本身卵子儲備唔多，所以我哋嘅目標係要提升可用卵泡嘅質素同數量。

除咗你本身食緊嘅野之外，你可以加埋1000IU維他命D一齊食，另外每晚臨瞓前食3mg褪黑素melatonin都會對卵子質素有幫助。

而CoQ10轉食至少200mg會好啲（每日200-600都ok），100mg劑量就太低了，同埋記得留意埋Elevit入邊已經有葉酸，你唔需要額外加葉酸已經足夠架啦！ :wink: :muscle:t3:

642

Victor, 謝謝你嘅回覆:pray::pleading_face:
另外想問多少少, 其實維他命D3, Coq10, 同埋褪黑素呢3樣嘢係咪唔會令到子宮內膜再增厚的？ 得知amh低後又繼續睇緊中醫調理。
因為上網search過好多有效補充品好似都會增厚子宮內膜:pleading_face:
實在太擔心啦…上次在排卵後數天照過有1.6cm
另外, 上網睇過好多唔同牌子嘅Coq10, 見入面成份都唔同, 其實效用係一樣的是嗎？我個case唔知需唔需要避開大豆卵磷脂的成份來吃呢？🫣
十分感謝:pray::pray::smiling_face_with_tear:

643

Victor 你好!
我依家有左5W, 但呢2日開始覺得抵抗力好似下降, 好似想作病咁 :sneezing_face:
請問有冇D 咩supplement 可以提升抵抗力呀?
同埋想問下幾時開始需要食其他supplement 呀(例如DHA, 維他命, 鈣, 等等)? 因為醫生只係叫我食葉酸
唔該晒你 :blush:

644

呢幾樣主要係幫助改善卵子質素，唔會特別對子宮內膜產生大變化，子宮內膜夠厚係胚胎成功植入嘅必要條件，對於仲未停經嘅女士黎講，因為子宮內膜過厚而演變成癌症嘅機會好低，所以無須太擔心，反而有少量數據見到呢幾隻成分仲有保護效果添！

CoQ10有個別名叫ubiquinone，佢嘅還原形態叫ubiquinol，ubiquinone係比較傳統嘅形態，多數研究都係用ubiquinone去做， 而ubiquinol嘅吸收率好啲，可以用更低嘅劑量達到相同嘅效果，效用上兩者差唔多，但唔肯定你指「入邊成份唔同」係指佢配方入邊加咗其他herbal ingredients/vitamins，定講緊ubiquinol vs ubiquinone嘅分別，定係產品入邊其他非活性成分（例如用黎整膠囊嘅明膠gelatin），如果係後兩者效用就大同小異了。

通常大豆卵磷脂入邊吾含大豆異黃酮，所以你嘅情況都唔一定話要見含有大豆卵磷脂就避開 :+1:t3:

645

Hello yoshi congrats!! :clap:t3: :clap:t3: :clap:t3:

免疫力下降係懷孕初期好common嘅症狀黎，買返啲維他命C沖劑飲就得（例如：維多C，有啲沖劑入邊加埋鋅都ok，而其他草本提升免疫力配方，例如加咗接骨木或者紫錐花，因為懷孕方面嘅安全性數據不足，就唔建議懷孕時用啦），多種維他命同礦物質係懷孕一開始都已經可以食，同埋要記得留意返通常for媽媽嘅多種維他命入邊會加埋葉酸，所以就唔洗再獨立補充枼酸，避免double dosing。

DHA同理，你可以懷孕初期就開始食（增加身體儲備，打好個底），或者有啲媽媽鍾意等到13週打後先食都冇問題 :muscle:t3:

關於懷孕需要補充啲咩營養，你可以參考埋呢篇文章同睇返自己嘅狀況（例如素食者最好補埋B12，另外視乎自己多唔多戶外活動可以補充埋維他命D）再決定！

646

Victor, 好多謝你詳細嘅解答 :pray:
曾經上網研究過兩款CoQ10, 最後選擇用ubiquinone。
唔好意思, 原來我想講嘅係入面加咗Ingredients​:see_no_evil:, 例如GNC CoQ10嘅Ingredients寫咗有加大豆卵磷脂咁🫣, 但見有其他牌子嘅CoQ10 入面嘅Ingredients冇加到大豆卵磷脂, 所以諗緊自己嘅case適唔適合食GNC嗰款:rofl::sweat_smile:定揀一款冇大豆卵磷脂較好呢？
以我理解, 唔同牌子嘅CoQ10效用一樣, 其實我無需要比較入面加咗啲咩成份？ 唔知咁樣理解啱唔啱呢。比較多問題, 唔好意思:sweat_smile:

咁我照跟你嘅建議, 在食中藥同時每日補充Elevit, CoQ10 ubiquinone 200mg, 維他命D3 1000iu同埋褪黑激素3mg嚟養卵先…:smiley:
十分感謝

1個讚
647

Victor, 你好…仲有個問題想問:pray::rofl:
想問下做完iui可唔可以照食益生菌架？
麻煩晒你:pray:

1個讚
648

冇錯！

有冇大豆卵磷脂都唔太緊要，最緊要CoQ10嘅劑量足夠就好，而入邊加嘅成分有冇影響都要睇返個隻成分，但明膠、水呢啲明顯非活性成分都基本冇影響（除非你係素食者） :+1:t3:

1個讚
649

可以啊 :rofl: :muscle:t3:

1個讚
650

Victor，你好，我想問下點先可以完全解決念珠菌？我懷孕11週，已復發左幾次，好返又嚟料:cold_sweat:

1個讚
651

感謝你:rofl::pray:

1個讚
652

懷孕荷爾蒙變化同免疫力差係會比平時更加容易有念珠菌架 :smiling_face_with_tear:

記得要著返比較通爽嘅衣物（No牛仔褲或者緊身衣物），唔好過份清潔（包括：唔好用灌洗劑、或者比梘液入咗去，避免殺埋啲益菌同影響本身嘅pH），去廁所時要由前向後抹（防止將其他污糟嘅菌抹咗入陰道），加埋食乳酸菌 / 用含乳酸菌嘅塞劑黎maintain返微酸性嘅環境都可以抑制念珠菌生長！ :muscle:t3:

653

Victor 你好呀，我係一個高齡產婦，本身經期唔準的，第一次IVF喺11weeks 無咗，今次第三次IVF[而家8week6days]。
我喺7weeks嘅時候流鮮紅色嘅血但無痛的，已經即時睇咗醫生，照咗bb 無問題。醫生開咗Besins Utrogestan 每日3次每次2粒，服一星期後無血，醫生已叫可以停。

我食緊嘅補充劑有中午食Materna，
同埋臨瞓會食Wagner Cranberry 25000+，
仲有一日3次醫院開嘅Dydrogesterone+Oslestradiol+Prigesterone(micronuzed)pessary。

1.我每天有飲一杯鮮奶+一杯蕃茄汁，仲有2個蛋白，想請問我需要補充其他補充劑嗎？

2.我今日又有血流了，但之前醫生開的Besins 我仲有，可以自己繼續塞嗎？

多謝你抽空解答:bowing_woman:t2:

1個讚
654

  1. 你可以加埋鈣片一齊食，鈣係其中一樣媽媽最容易缺乏嘅營養，孕婦每日應該target食1000毫克，materna一粒有250mg + 一杯奶大概300mg，所以加多500mg會比較好；另外去到13w可以加埋DHA一齊食，幫BB腦部同眼睛發育 :+1:t3:

  2. 要即睇醫生！雖然大機會係同上次情況類似，不過因為流血情況可大可小，搵醫生check一下最放心！

655

你好Victor​:rofl:
先生精子形態1%, 其他pass, 本身食緊港版menevit, 200mg 還原型COQ10, 30mg 茄紅素, 而家想改善埋數量, 想加埋catalo嘅蠔皇素, 但menevit本身已經有25mg鋅(驚過量), 請問鋅每日攝取上限係幾多呢? 攝取過量有副作用嗎？

另外,亦考慮過直接轉食FH Pro for men+茄紅素 30mg (因FH pro已有200mg COQ10)
可否請你俾啲意見呢…:pray:麻煩晒:grin:

656

你好Victor, 先生本身精子比較弱, 戒煙及做運動後精子其他數值已變正常, 但活躍程度還是不合格. 請問食那種supplement 可以改善? 另外可以我同先生, 是否食elevit 準媽媽/爸爸配方已經足夠?

657

原來之前miss咗message :confounded: 鋅嘅每日上限係40毫克，如果食更高劑量會影響銅吸收同有機會影響胃口/噁心等

FH Pro有L-carnitine，成分上比menevit更好 :+1: