Hello Karen，卵磷脂係脂質嘅一種，係一種比較溫和嘅保健成分，FDA將向日葵入邊提煉嘅卵磷脂列為係其中一種GRAS（Generally Recognised As Safe）嘅食物，正常使用分量日日食基本上冇咩副作用。
因為卵磷脂只需要去到乳腺，就可以做到稀釋人奶嘅效果，所以通常一兩日就已經會開始見效，如果曾經試過或者想事先預防塞乳腺，想係產前提前一兩個星期食卵磷脂都冇問題。
卵磷脂本身唔會減少人奶入邊嘅營養或者脂肪成分，佢只係令人奶入邊嘅「油」同「水」呢兩部分溝得更加勻，所以唔洗驚BB食完會吸收少左營養或者唔飽 
選購方面，我個人會建議揀向日葵提煉嘅卵磷脂，因為都有媽媽會擔心大豆提煉嘅卵磷脂產品入邊，可能會混入左啲大豆異黃酮，影響媽媽或者BB。
Victor 你好!
抽卵前我一直食緊FH Pro 同肌醇 (2000mg)去養卵,我最近抽完卵, 想問下依家等放雪胎期間, 呢2款supplement 我有冇需要繼續食, 定係我需要改食其他supplement 呀?
Hello yoshiya，呢段時間你可以繼續食FH Pro，因為入邊嘅抗氧化成分除左幫助改善卵泡質素之外，對第時胚胎植入子宮都有幫助！
Hello, Victor,
想請較一下你對NMN 既睇法，近期見到有隻NMN 話對備孕有用, 聲稱「可以改善細胞質量，增強胚胎健康質量」唔知你有咩睇法呢？謝謝！
Hello jamjam,
我嘗試check過有冇NMN對生育能力方面嘅研究，但so far我淨係見到一啲理論層面嘅學術文章，或者係一啲動物身上做嘅研究，多數都係集中講可能幫到改善高齡女士嘅卵子質素，
要證明佢對生育能力有幫助，仲需要更多呢方面嘅研究先convince到我，加上NMN產品價格通常比較高，所以如果高齡備孕（又冇特別婦科病），相同價錢下我會建議補充咗維他命D同DHEA先
Hello, Victor
謝謝回覆！
因我已超高齡，已抽兩次卵子但因卵子質素麻麻，想睇下仲有冇supplement 可以幫助改善卵子質素！
而家食緊ubiquinol 400mg, NAC 600mg, Ovaboost , Vitamin D3 , vitamin e , evevit 1 及蝦清素，同時盡量每星期跑3次步，希望令到血液循環好d !
Hello jamjam，你可以試下加埋DHEA 25mg x 每日三次，呢隻算係針對高齡備孕比較work嘅一種保健成分，可以改善到合格嘅卵子數量同埋懷孕成功率，加油啊！ 
你好呀 我而家5W左右 由上個星期開始已經有作嘔作悶頂胃嘅感覺
想請問一下維他命B6會唔會食"純"咗 我驚我太早開始食到後期會冇效 
同埋每日都好冇精神好攰 有冇咩supplement可以幫助到 令我精神返啲 有返精力
唔該哂你 
Hello Sally，唔洗擔心，因為B6比較少話會食純咗，同埋孕吐噁心最主要都係懷孕4個星期去到第一孕期尾（懷孕3個月左右）最犀利，所以我諗去到你身體「純咗」懷孕荷爾蒙令你唔再有噁心感，應該都未「純咗」維他命B6
而攰都係懷孕初期嘅常見症狀，同孕吐一樣通常去到三個月就會自己消失，而食維他命B6本身都會對改善疲倦有幫助，所以你可以試左佢先（建議計埋孕婦維他命每日total攝取50-75毫克嘅B6）
你好 Victor，
12月尾就做手iui,而家食緊
1: Nature Made + DHA
2: Insositol 500mg
3: Lecithin 1200mg
4: COQ10 600mg
5: DHEA 50mg
6: D3 2000IU
食左一個月多左右
但上網見有人話食 （香港人）
1: FH PRO Women
2: DHA
3: DHEA
4: Lecithin
…etc.
點樣食會令卵子會好d？
謝謝
IVF/IUI基本上研究得最多嘅保健成分係CoQ10同DHEA，DHEA可以食25mg x 每日三次（但如果有PCOS或者其他婦科病DHEA就唔係咁適合了），
維他命D3就主要高齡備孕更有幫助，inositol比較多研究係幫PCOS女士，對普通人都可能有啲幫助
DHA同埋葉酸你都可以keep住食，黎緊bingo嘅話都可以保護返胎兒同幫助佢成長，尤其葉酸係要提前1-3個月食定的
而lecithin卵磷脂一般懷孕後期用黎通乳腺多，備孕就真係比較少用了
最近有一個DHA魚油Giveaway想同大家分享下，只要跟住入邊嘅參加方法三步曲做，講返自己平時揀魚油（或者其他保健品）最重要嘅考慮因素，就有機會得到DHA迷你魚油120粒裝一樽（無論準備緊懷孕、已經懷孕，或者單純想補下記性都可以用 ）
依家人少少，參加中獎嘅機會都唔低，所以係到share一share，如果有勤力爬文嘅準爸媽有緣係11月6號前見到呢個reply都可以join，多謝大家一路以黎嘅支持！
hello victor!
想問一下 如果懷孕初期（4週）都冇食到葉酸， 而且平時飲食唔均衡，少食菜/生果/含葉酸食物，咁係咪好大機會bb出世會有神經管缺陷病症 (NTDs)，如胎兒脊柱分裂、無腦畸形、兔唇、顎裂、心臟或尿道缺陷等等？
咁係咪應該終止懷孕然後休息完再食夠三個月葉酸先再試？一個月都唔夠要三個月先夠
定係快啲食返夠劑量就ok? 
你可以每日食返800-1000微克葉酸補充劑就ok，但係記得快啲開始補充啦！ 
感謝你
Victor你好呀!
想請教備孕多年，高齡做過3次iui & 2次IVF，經期一向正常26-28日，前年割左朱古力瘤，AMH低Fsh高 無PCOS（基礎卵泡<5-6粒）
依家食緊以下嘅supplements：FH Pro + Ubiquinol CoQ10 200mg + Fairhaven Health FertileCM
爬文DHEA可提升卵泡數量&改善卵子質素，請教可以同時補充？
if Yes 大概補充幾多？
Thank you so much
Mrs Little你好！
不過FertileCM入邊嘅成分其實同FH Pro都有唔少重疊嘅部分（例如：grape seed extract、NAC同Vitamin C），因為佢成分表淨係寫成個proprietary blend係1109 mg，但冇寫單獨嘅成分有幾多，所以除非廠商本身自己計過呢啲成分double咗都ok，有額外指示話可以一齊食（我暫時未見到相關嘅建議），如果唔係我就唔建議FH Pro加FertileCM一齊咁食啦！
所以你可以FH Pro + Ubiquinol，另外加上L-arginine（每日1 g / 1000 mg）同含有lactobacillus acidophilus嘅益生菌一齊食，另外仲可以考慮加埋Vitamin E（每日400 IU），佢同L-arginine嘅作用類似，都係幫助改善子宮內膜嘅血液循環同內膜厚度
而至於DHEA，我建議你要同醫生傾傾，一方面有唔少data都見到DHEA可以幫到IVF嘅成功率（通常係做IVF前12個星期，每日食3次，每次25毫克），但另一方面DHEA會令雌激素上升，都有機會影響返朱古力瘤嘅復發，所以都要睇返你嘅情況先決定到值唔值得加埋DHEA一齊用
多謝回覆 
建議好詳細 
想問多少少，我見FH Pro成份有肌醇，爬文又話唔可以同dhea一齊食，想請教原因 & 利弊？
thank you victor
我哋平時唔會同時用inositol + DHEA嘅原因係因為佢哋嘅功能相反
肌醇inositol通常係比多囊卵巢症（PCOS）嘅女性備孕用，PCOS嘅女性體內雄激素嘅水平比正常女性高，而高劑量肌醇有機會降低女性體內嘅雄激素（同埋用黎製造雄激素嘅DHEA水平），呢個亦都係點解肌醇通常唔會同DHEA一齊用
所以你問得好好 如果要用埋DHEA，最理想係分開葉酸+多種維他命+逐隻助孕成分加配（維他命D、DHEA、維他命E、L-Arginine、CoQ10），咁樣DHEA發揮嘅效果會最好，而因為FH Pro本身成分都算好齊全（例如維他命D佢嘅劑量係比一般綜合維他命高好多，助孕效果會更好），所以用FH Pro再加一兩隻成分就係一個簡單啲嘅折衷方法啦 
Hello Victor,
我第一胎係胎盤早剝，30wk 開始keep 住見紅，好努力拖到35wk，但bb 都係過輕，得1.7kg
剛剛有第二胎，想避免重蹈覆轍，私家醫生話可以日日食aspirin 幫助通胎盤血管，bb 可以吸收好d，但公立醫生就好反對，話如果日日食aspirin 生時大出血會好危險
明明大家都係專科醫生，唔知點解咁大分別，想請教下aspirin 係咪有咁嘅效用？如果值得食，有冇所謂嘅「安全劑量」？ 同應該食到幾多wk?
謝謝你！