fcmui
2022年07月22日08:26
600
Hello fcmui，成分黎講3歲小朋友使用冇咩問題，因為其實都只係胡蘿蔔素再加維他命C，就算係BB啲配方奶粉入邊都會有呢啲營養。
呢隻產品入邊胡蘿蔔素嘅含量唔算高，而維他命C黎講如果睇返每日建議攝取量，3歲小朋友需要15mg左右，而4歲小朋友需要25mg左右，但因為你想用黎幫小朋友提升免疫力，一般使用嘅劑量會高啲，而3歲小朋友每日建議上限係400mg（4歲小朋友就係650mg），所以你可以根據返平時小朋友有冇食其他含豐富維他命C食物黎決定比佢食幾多粒糖（一個橙嘅維他命C含量都係100mg以內，所以食足3粒一般都ok）
隻product咁樣寫嘅其中一種可能係間廠擔心小朋友太細個食糖唔識吞有咩事會入佢數，但我見依家好多呢啲營養糖仔甚至寫到2歲都食得，所以最緊要有大人望住同埋教識小朋友唔好食得太快就好
yc09
2022年07月25日04:01
602
Hi 你好victor，多謝你無私既幫忙！
另外，我見你之前post 過：
Ａ餐基本營養：Materna
我想試B 餐，咁如果基本營養，你建議elevit 定Materna 好d?
Hi yc09，多謝你！先答左你elevit vs materna先：
Ovaboost入邊本身有340mcg DFE葉酸，如果想換算返做平時葉酸劑量大概係除1.7 = 200微克（不過佢係用活性葉酸，所以一般都唔洗擔心食太多會影響BB認知發展）
Materna一粒係600微克葉酸，而Elevit準媽媽一粒係800微克葉酸，兩者加埋Ovaboost都唔會太多；
另外一樣比較重要嘅分別就係佢哋入邊嘅礦物質含量，
Materna入邊有：250mg鈣、50mg鎂、24mg鐵
因為鈣有機會造成便秘，鎂調返轉會令人痾，而鐵有啲人食完會覺得腸胃唔舒服，所以如果你個人平時容易便秘／腸胃比較敏感，Elevit會係一個比較好嘅選擇；
而如果你平時覺得自己血氣唔夠，或者平時冇乜飲奶／食鈣含量高嘅食物（e.g. 芝士、硬豆腐），又冇諗住特別分開補鈣／鐵，Materna就會係一個比較全面嘅選擇
For預防BB濕疹嘅話，你可以揀一啲有LGG菌或者bifidobacterium lactis嘅益生菌產品，呢兩隻菌種目前係呢方面都算比較多evidence support
1個讚
yc09
2022年07月27日11:16
605
多謝Victor 咁詳細既解說!
你意思係ovaboost 既活性葉酸同materna 既葉酸有d 唔一樣，所以就算我只係備孕，兩樣加埋食都仲ok? 如果咁計係咪即係食左800?
定係我真係諗住開始試生bb個個月先開始食materna?
謝謝
而家17週 尋晚開左個杯裝啫喱 食左2啖 發現好似有少少變質變壞 雖然已經即刻棄掉 但仍然好擔心
冇錯，兩隻加埋食，功效上係同800微克葉酸差唔多，普通人備孕就建議每日攝取400-1000微克，所以唔會太多
1個讚
如果真係食左一兩啖少少變質野通常唔會有太大問題，好似我哋平時食錯變質野都唔一定會肚痛，懷孕特別拎出黎講主要係驚感染又處理不當可能會影響BB，所以反而放鬆啲，多啲飲暖水同休息，等身體嘅抵抗力更加ready，touch wood真係有咩衰菌到時都比你身體打死曬
你好Victor,
謝謝你!
Jen1
2022年08月10日00:24
611
Hello Victor
爬左上面好多文 多謝你咁耐性答
懷孕開始有食materna同藻油DHA
(頭3個月瘦左10幾磅 而家15週3 胃口有好左 但係一頂胃都係會嘔 仲擺脫唔到嗰種胃漲)
想問下
2.如果一日只係食到早餐同午餐
3.藻油DHA 係咪食到生就ok?
你好Sumikko，呢兩者冇相沖可以一齊食，但係NAC其中一個對精子嘅主要功效係抗氧化，而NAC本身就係身體生成glutathione（一種強力抗氧化劑）嘅重要材料，富精多入邊已經加入咗glutathione，雖然加埋NAC未至於話會令glutathione overdose（富精多入邊嘅glutathione劑量同研究用嘅每日最高劑量之間都有一定距離，而且glutathione算係溫和嘅成分，基本上連副作用都冇乜），但係一齊食NAC嘅作用可能就冇咁大啦
Hello Jen，辛苦你啦
如果你唔想齋食葉酸嘅話，分一半materna早晚食都係一個好方法，理論上分開仲好吸收啲添（等於一餐食太多好野都吸收唔曬，不過就要留意返每次你需要食先分開個粒materna好啲，一次過切開太多粒可能會影響入邊成分嘅穩定性）！
另外你都可以每日額外補充30-75毫克維他命B6黎舒緩孕吐同頂胃嘅感覺，或者轉食第二啲鐵質含量低啲嘅媽媽維他命（例如愛樂維DHA配方入邊淨係得14毫克鐵，而Materna就有24毫克），而DHA一路食到生都ok，有啲媽媽想餵埋母乳可以產後都繼續食添
你瘦左咁多，其實點都係需要多啲營養，不過媽媽身體好大愛，唔夠營養嘅話通常都會優先將營養輸送比BB，所以唔洗太擔心BB，反而等胃口好返，慢慢養返好自己身體最緊要，媽媽好BB都會好
Jen1
2022年08月11日00:12
614
多謝你嘅回覆啊！ 好好人🥹🥹
1個讚
Jen1
2022年08月20日03:15
615
Victor你好
我想話你知分開食materna之後有好轉
1個讚
Jen好開心幫到你
糖分攝取太多的確有機會增加小朋友ADHD嘅風險，但係暫時呢方面比較少有力嘅研究證實，睇返啲學術文章比較多都係動物研究，或者係「糖分太多會導致你身體有某啲化學反應，而出現個啲化學反應就可能令小朋友大啲機會有ADHD」呢類間接性嘅證據，
不過無論點都好，懷孕期間係會比較容易肥同埋有糖尿（妊娠糖尿），所以大肚食太多糖份或者油脂量高嘅食物點都唔係咁理想，如果跟返英國NHS嘅建議，成年人每日應該攝取唔超過7粒糖粒份量嘅糖分，即係大概30克左右，所以都要考慮下戒糖，慢慢減下每日食糖嘅數量，同埋可以用第二啲野去取代食糖嘅習慣（例如飲下sparkling water或者食下生果）
Hi victor, 想問下關於預防塞奶方面問題，唔知你有冇研究
如果由產前開始食卵磷脂，有冇用？
如果產後日日食，會唔會有咩副作用？定建議有事先食？
係選購方面，卵磷脂係咪有分from大豆同向日葵？有冇話邊隻好d?
Thank you!
）、Vitamin E（每日食400IU維他命E可以幫助子宮內膜變厚）
可以點做好
尤其懷孕初期媽媽會更加容易有噁心頂胃嘅感覺，但通常去到20週左右就會感覺好好多架啦！
