Hello Kate，出血本身係懷孕早期雖然唔算罕見，但有機會imply背後有啲其他問題 
所以你依家嘅情況最穩陣嘅做法係搵醫生做一次檢查先，確保一切正常，
DHA就暫時唔好食住先，理論上DHA有可能令你嘅血「薄咗」（通常係用到高劑量，講緊超過1000毫克先會見到出血風險會明顯增加，但當然唔排除每個人體質唔同，所以反應可能都會唔同），而惠氏個隻一粒都只係最低建議劑量200毫克，所以我覺得如果係由DHA引起嘅情況，轉第二隻DHA補充劑嘅幫助應該有限，你可以暫時停用DHA，淨係食返prenatal vitamins先，等到第28週打後，個胎更加穩定，同埋係BB腦部發展得最快嘅呢段時間再補充返DHA（但當然都要繼續留意身體有冇特別反應） ，hope everything goes well! 
Victor 你好, 我今年38歲, 有多囊。上星期啱啱抽完卵, 13粒只有一粒去到DAY 5. 黎緊諗住抽多次, 想爭取時間改善卵子質素, 我啱啱開始食FH PRO, 想問下FH PRO 可唔可以同埋AZO 蔓越莓一齊食架? 同埋以我情況, 係咪需要加埋myo-inositol 同鈣一齊食呀? 想問埋FH PRO 係咪食到放胎就要停呀?
另外, 我先生精子形態<2, 佢都有同我一齊食緊FH PRO, 想問下除左FH PRO, 仲有冇需要另外加配SUPPLEMENT 呀? 例如瑪卡同茄紅素?
同埋我想問下一般養卵養精子係咪最少要3個月架? 本身我預7月再抽卵, 有冇需要食多幾個月supplement 先去做呀?
唔好意思呀, 我太咁多問題啦! 麻煩晒!!~
Hello victor,多謝你咁有心幫大家解答問題
終於追晒成個post，仲有d問題想問下
另外，因為我自己有鼻敏感，上胎又唔識野，大女有輕微濕疹
準備去買愛樂維益生菌，佢嘅成份對於預防BB敏感ok嗎？
同時間，佢對於改善媽媽便秘/敏感問題有冇幫助？
因為我呢一個星期唔知點解成日出風「懶」，周身痕
以上孕婦一般會食既supplement
咩時間食最好？飽肚？空肚？要分開食？
另外，益生菌係咪都係可以一直食到生
因為之前有聽人哋講過如果想用益生菌改善腸道微生態一般三個月係一個療程
有關補充DHA
之後我BB出世，如果餵緊人奶，媽咪係唔係keep住食200mg daily就可以？
我大女而家2歲半，想補充DHA
Suggest dosage係幾多？
佢飲食都算均衡，間唔中會食下魚
比蚊咬完孕婦可唔可以用無比滴？
我見而家有一隻粉紅色蓋嘅小朋友無比滴，又得唔得？
我本身係醫院做護士(low risk area)，懷孕前已打兩針BNT(2nd dose 上年9月)
第五波時我幾位家人都中左招
老公(BNTx2),婆婆(BNTx3),公公(科興x2)
其實數據係唔係話成人打兩針已經可以預防重症同埋減低死亡率，但係預防唔到感染(家人就係例子)
而家疫苗通行證要打齊三針先可以出街食飯，懷孕中到底值唔值得打第三針？
Thanks a lot!!!
@victorpharmacist hello Victor, 我嚟緊會做IVF, 請問整個療程入面可唔可以繼續食FH pro? thanks!
Hi victor ,我個牙肉生痱滋，而家餵緊人奶，之前個醫生俾左支oramedy，我唔記得我有冇講我而家餵緊奶，請問係咪用得？我岩岩google search, all say need to consult advice from physician or pharmacist. Thanks!
Hello yoshiya，AZO蔓越莓入邊除左蔓越莓仲有鈣、維他命C同一隻益生菌，同FH Pro冇相沖可以一齊食，如果你有PCOS嘅話，可以喺FH Pro之上再加多2克inositol一齊用，鈣當然加埋會更加好（AZO蔓越莓每兩粒入邊有110毫克鈣，可以target每日總共補充1000毫克），不過佢對PCOS嘅幫助就唔大，主要係打好個底預防骨質疏鬆同妊娠毒血症（兩者都係高齡懷孕容易產生嘅問題） 
男士方面，男士FH Pro本身已經加咗我成日講嘅L-carnitine同埋輔酶Q10，而且有加埋茄紅素係入邊，所以你先生可以考慮淨係加瑪卡
養卵或者養精子本身冇一個好固定嘅療程時間，通常我見到研究文章入邊都係等12-20個星期左右（3-5個月），再睇受試者用咗某啲supplement之後有冇改善，不過yoshiya你今年已經38歲，其實都算需要爭分奪秒（女士過左30歲生育能力都會開始下降，過埋35跌嘅速度甚至會越黎越快），所以我覺得冇特別原因就唔好再拖遲，起碼去到7月已經養咗一排，呢段時間唔好比太大壓力自己同先生，最好多啲去戶外行下，做返適量運動，相信你一定ok
多謝Karen你嘅支持同追曬成一年post嘅耐心!! 
愛樂維益生菌ok啊，佢入邊有加目前有做比較多研究嘅LGG菌，而愛樂維入邊嘅雙歧桿菌同嗜酸乳桿菌都可以改善腸胃敏感嘅情況，不過要解決便秘最重要都係蔬果同飲足夠水，另外食乳酪或者飲西梅汁都對懷孕便秘有幫助，具體點揀乳酪可以睇我之前拍嘅一條片
風癩如果最近冇食過或者接觸過啲咩奇怪野嘅話，好有機會係懷孕時荷爾蒙變化令你皮膚變得更加sensitive，益生菌對大人嘅敏感情況改善就比較有限，如果真係痕得犀利可以加埋cetirizine或者loratidine呢類敏感藥食
通常魚油/藻油類supplement會飽肚食，因為有啲人食完個肚會唔太舒服或者反胃，有啲野「浪」下肚先會好啲，同埋食物中嘅油份都會增加佢嘅吸收；
多種維他命類我通常會建議朝早食，一黎有啲媽媽食完維他命B會覺得好醒神，夜晚食可能會休息得唔好，因為入邊通常有鐵、鈣呢啲礦物質，所以一樣都係飽肚食會減少腸胃唔舒服嘅機會，你都可以同埋魚油/藻油再加益生菌一齊食
如果你本身有額外加鈣片或者其他礦物質，我就建議同多種維他命分返開食，以免身體吸收唔曬咁多野
如果你飲食都均衡，200mg就ok，而小朋友可以搵啲250毫克或以上嘅DHA補充劑比佢 
無比滴入邊有樟腦，就唔建議孕婦用啦，比蚊咬你可以用無藥性嘅calamine lotion黎止痕
疫苗方面你講得岩 依家隻隻疫苗都只係防重症但防唔到感染，我覺得主要需要考慮嘅點有兩個：
其實如果單論需要性黎講，孕婦比起正常人更加需要疫苗，因為依家omicron健康成年人中招多數都冇咩大礙，反而係擔心孕婦touch wood中招會有併發症影響到BB，所以疫苗理論上係要用黎保護阿B；
而安全性黎講，根據我最近睇到疫苗推出之後呢一兩年嘅數據，孕婦打針之後出現不良反應嘅機會都比較低，所以比起岩岩新出疫苗時，我覺得會多咗confidence去打針，希望幫到你！
Hello pigvalley，療程期間我會建議先暫停，以免影響到療程，等到如果bingo咗就可以轉食prenatal vitamin
可以啊，本身外搽嘅藥膏，就算計埋食咗少少落肚，真正吸收入身體嘅量好有限，加上痱滋你都只係短期使用，所以唔需要特別擔心
@victorpharmacist 好的，謝謝Victor回覆！另外仲有兩個問題想請教。
FH pro 入面有褪黑色素成份2mg, 如果IVF 期間我停左FH pro 驚比較難入睡，請問IVF 期間可唔可以食呢隻Melatonin 3mg? 會有影響嗎？
另坊間有做IVF 嘅女士(成功懷孕)都有喺放胎當天早上食菠蘿芯(一條芯一開五粒，放胎後每日一粒，連食五日，for 易著床)，請問如果我食新鮮菠蘿有敏感的話，我可唔可以改食Bromelain
菠蘿蛋白梅(類似藥丸咁)？謝謝你呀
如果比較難入睡可以照食melatonin，不過都可以趁未bingo前試下唔同幫助瞓覺嘅方法，雖然melatonin屬於我哋身體製造出黎嘅「天然」成分，但如果懷孕之後繼續用melatonin幫助入睡有機會影響BB嘅瞓覺pattern（冇錯！BB係媽媽肚入邊都有分係咪瞓緊覺），所以可以試多啲唔同方法，因為我女朋友平時都算比較難入睡，我試過去無印買過一隻好似柑橘味嘅細細個啲香薰送比佢，聽返feedback好似都幾有幫助，你都可以試下
至於菠蘿芯嘅講法我都聽過，大致原理係話佢入邊嘅酵素bromelain有幫助血液流通同埋消炎嘅功效（避免我哋嘅免疫系統影響胚胎植入過程），不過我就完全搵唔到有科學文章或者研究有仔細研究係咪有用／點食最有用，所以比較難用一個科學嘅角度答你。用常理去推斷，如果菠蘿芯幫助到植入只係因為bromelain，咁食bromelain代替當然冇問題，但如果對菠蘿敏感嘅話，用bromelain一樣係有機會過敏架 
Hello Judyfan，恭喜曬！ 
MFGM全名係milk fat globule membrane，通常淨係喺奶入邊先搵到，你可以當佢好似一個個裝住唔同脂質同蛋白質嘅袋仔咁樣，而唔同嘅奶粉商指MFGM對BB發展有幫助一般都係引用呢份paper（ Neurodevelopment, nutrition, and growth until 12 mo of age in infants fed a low-energy, low-protein formula supplemented with bovine milk fat globule membranes: a randomized controlled trial - PubMed ），入邊比較左有加MFGM同冇加MFGM嘅配方奶粉，發現飲有加MFGM配方奶粉嘅小朋友係一歲嘅時候認知能力會比較好，所以冇錯，MFGM的確對小朋友十分重要。
但係呢份paper其實仲有第三組參與研究嘅BB，就係「飲用人奶」嘅BB，呢部分嘅結果好少廠商會quote出黎，因為即使飲加左MFGM配方奶粉嘅BB，認知能力都只係同飲人奶嘅BB差唔多，所以呢篇研究嘅結論都係話「係配方奶粉到加入MFGM，可以收窄飲配方奶粉同飲人奶BB嘅認知發展差異」。
所以，
p.s. 提到香薰有多少少補充，懷孕期間頭12個星期（第一孕期）建議先唔好用香薰住，可以等到13週胎兒穩定之後再使用，媽媽可以選擇佛手柑／德國洋甘菊／羅馬洋甘菊／葡萄柚／甜橙／檸檬，而百里香／丁香／迷迭香／樟腦／鼠尾草呢類精油就最好避免使用，我依家仲整理緊一份清單，之後會send比subscribe咗「智Pro媽媽Club」嘅媽媽，如果大家有興趣知多啲孕婦揀香薰有咩要注意或者想follow聽多啲媽媽知識，可以through呢條link填email subscribe
thank you Victor!! 謝謝你回覆！我今日都買咗新鮮菠蘿試睇吓仲有冇敏感，希望可以成功！謝謝你
Hello victor,
想問下如果我本身食緊materna,入面calcium應該唔夠一日所需。但佢本身已經有vit D，如果我想另外再補鈣，我應該搵單純鈣片定係加埋vit D都得? Vit D會唔會有過量呢個情況？
D2 and D3有咩分別？
鈣方面，1000mg daily係整個孕期同哺乳期適用嗎？定3rd trimester會需要再多啲？ Thank you
Hello Sun,
Sorry真係miss咗你email
冇錯，通常正常飲食都應該可以meet到magnesium嘅每日攝取需求（葉綠素入邊有鎂質，所以平時食綠葉蔬菜已經補充到）
另外Magnesium比較特別少少，佢嘅每日建議攝取量係同每日建議攝取上限差唔多（都係350左右），所以你會見到通常唔係主力補充鎂嘅維他命入邊通常都唔會含有太多鎂質（仲有另一個原因就係，鈣質同鎂質係腸胃入邊會互相影響吸收）
而攝取量同上限咁接近最主要嘅原因，係當我哋食用大劑量嘅鎂保健品或者藥物嘅時候，會容易令我哋肚痛同肚痾（同鈣造成便秘相反，所以大家會見到中和胃酸藥入邊會同時有碳酸鈣同鎂，抵消返大家個effect），呢個每日上限淨係計保健品/藥物入邊嘅鎂質，而唔包括食物入邊嘅鎂，所以除非你有夜晚小腿抽筋呢啲特殊情況，如果唔係嘅話，透過食物補充鎂質都已經足夠
你條link入邊Bluebonnet個formula其實都ok，如果夾埋Materna食你可以每日食2粒（500mg鈣+200mg鎂）
如果兩種比較，我覺得Materna比較適合你，雖然佢冇寫清楚自己用緊嘅維他命A係咪preformed vitamin A，但佢個劑量本身都唔算高，係安全攝取量範圍入邊，而正常飲食下（包括無煙無酒），我哋缺乏維他命B嘅機會，亦都冇缺鐵機會高（再加上後面你有提到自己容易手腳凍，補充多啲鐵質對於造血黎講都會有幫助）
Webber naturals vs GNC兩隻都係國際牌子，formula上又差唔多我覺得就唔大分別 
女士嘅組合ok啊，另外可以target vitamin D食1000 IU左右，通常孕婦綜合維他命同Calcium citrate都有機會含有vitamin D，另外綜合維他命可以朝早食，一黎in case唔記得咗食都方便補食返，二黎有啲媽媽食完維他命B會有提神效果，夜晚食就驚影響休息；
而男士組合，除左Q10同NAC，另一隻幾多data support嘅成分係Acetyl-L-carnitine / L-carnitine，你都可以考慮加埋一齊用
Hello Karen，我見一粒Materna入邊有250mg鈣+10微克（=400IU）維他命D，而孕婦維他命D一日嘅上限係2000-4000 IU（中國同台灣官方就係用2000IU做上限，而美國就係用4000IU），所以基本上你選擇加埋維他命D嘅鈣片都冇問題
D2同D3功能上其實差唔多，簡單講就係D3比D2可以更有效提升體內活性維他他D水平，如果想知多啲維他命D點食，你可以參考我之前準備嘅文章
而鈣整個孕期keep住每日1000mg就ok！（因為媽媽體內嘅鈣會優先供應比BB，所以唔夠鈣通常蝕底嘅唔會係BB而係媽媽，前期食最主要係打好個底）
Hi Victor,
之前做左ivf，但4-5w發現化學懷孕，打算休息2-3個月，醫生曾經話我嘅黃體唔夠同卵子唔多，想我補充q10，開左fertilovit f 35 plus俾我食，不過q10成份係35mg，如果我轉食ovaboost+fertilaid / FH pro會唔會好啲? Thank you!
Hello Man，我check咗Fertilovit F 35 plus嘅package insert， 見佢主要都係維他命、葉酸、礦物質，再加35mg CoQ10，成分上黎講FH Pro對於改善卵子質素的確會更加全面（CoQ10佢都有300mg）
所以除非你有啲咩特殊原因唔食得其他抗氧化成分（例如對某隻FH Pro成分過敏etc，不過generally FH Pro成分同其他野有相沖嘅機會都偏低），如果唔係你都可以考慮用FH Pro代替fertilovit f 35 plus黎補充CoQ10
Victor你好，我最近完成左抽卵，想問下等放雪胎期間有咩supplement可以養好個子宮？
同除左葉酸，以下supplement我繼續食有冇問題或需要？
CoQ10 (400mg/day)
Vit E (200IU)
Vit C (500mg)
Vit D3 (1000mg)
肌醇 (500mg)
Super Omega 3-6-9 (600mg)
麻煩你
