Thanks audrey, 不過我想問下甘test line深色會唔會代表有問題…好擔心…
無問題架
HCG濃度高代表 bb 痴實媽媽，bb 分裂得好好，可以放心 
1個讚
要即刻停 FH Pro，可以轉食惠氏 Materna
Can I continue FH Pro once I get a positive pregnancy test and through to term?
No, we do not recommend continued use during pregnancy. Once you confirm pregnancy with either a urine or blood test, you should discontinue use of FH PRO and move into our pregnancy line of products.
2個讚
Thankss, 死啦呢幾日仲有食添，即刻停!!
1個讚
Thankssss audrey!!! 因為上網睇話葡萄胎hcg濃度會過高 所以都好驚🥹
唔使擔心，如果冇流血冇肚痛，應該冇咩事。多休息，好好養胎
1個讚
多謝你呀audrey!!!
1個讚
Hello victor!
岩岩發現懷孕但仍然breastfeeding 1歲b
一直都食緊postnatal vitamins (加唔到條link, 我係食緊iherb既 [Fairhaven Health] # Milkies, Nursing Postnatal)
見佢個葉酸多過1000mcg
請問我係咪食返prenatal vitamins好啲？
Pregnancy同時breastfeeding需唔需要額外既supplement?
Thank you 
恭喜曬！祝你黎緊生個肥肥白白嘅阿B 
上面dotest條control線比起我之前見過嘅dotest驗孕棒嘅control line更淺色，所以覺得怪怪地，不過可能係光線/角度問題 Thank you Audrey!
Hello Mikari，抱歉呢期都比較忙所以每個星期先上黎check到一次大家嘅問題，如果你有結果記得話我知 
如果驚懷孕但HCG太低驗唔到，你可以試下用晨尿黎驗，如果仍然negative但仲未黎m，的確可以去驗血，準確度會比尿液更準（最快受精後7日就可以detect到）
FH Pro同其他媽媽綜合維他命最唔同嘅地方，就係佢入邊加多左好多抗氧化成分幫助排卵或者植入，而呢啲成分本身用喺孕婦身上嘅數據唔算好充足，所以懷孕時轉用啲冇加呢啲成分嘅綜合維他命：Materna / Elevit / Blackmores Pregnancy Gold呢啲就會最好
Hello Bruh，葉酸方面唔洗擔心，因為1360mcg DFE = 1360/1.7 = 800mcg嘅補充劑葉酸量，所以都適合懷孕時使用。呢隻成分general都係懷孕時需要嘅營養，但當然份量會同prenatal有啲唔同，例如佢嘅維他命A同D會比較高，但都係within孕婦安全上限。
所以，我會建議最理想係換返隻prenatal vitamin（例如Materna / Elevit）再加DHA食住先，然後餵奶時可以加埋D Drops比小朋友（人奶同配方奶粉相比，少有嘅其中一個缺點就係人奶入邊嘅維他命D唔夠，所以點解呢隻postnatal維他命要落咁多維他命D）
當然如果懶，繼續食返呢隻再自己加DHA一齊食都係一個option 
1個讚
岩岩見到Babydiscuss比咗個「年度紀念日」嘅badge比我，先知原來唔經唔覺開咗呢個post已經一年 好多謝大家一直以黎嘅支持同踴躍發問，見到各位媽媽互相幫助我都好開心，Victor亦都係各位媽媽嘅經驗分享當中學到好多，希望新一年大家一齊繼續努力，祝大家早日生返個健康又可愛嘅BB同快高長大！
12個讚
明白哂
原來係唔識睇unit嚇自己唔該晒你解釋得咁清楚
1個讚
Victor 你好，我打完兩針復必泰後，發現有咗BB，初期第4-8週keep住有流啡同流血，胃口好差，試過喺街行行吓突然好暈，眼前一黑就成個人跌坐落地，標咗成身冷汗，之後去照過心電圖話正常，第5週開始食materna
依家第13週, 胃口好返好多, 每日三餐都食得飽，但係前幾日搭搭吓車又突然覺得好暈想嘔，出冷汗，腳軟，挨住個朋友無力企就坐咗喺地下，請問咁既情況係咪正常? 係咪缺鐵? 我擔心下次暈會唔小心撞到令個B有危險，我可以點改善依個問題?
我飲唔到奶會消化唔到個肚唔舒服，三餐都食得叫均衡無特別介口（除咗生野同雪糕)，有肉有菜有魚有蛋有水果，一星期都會飲三四包鈣思寶，請問我咁樣夠唔夠? 除咗繼續食materna，仲需唔需要再食其他supplement? 例如鈣／DHA?
另外，最近陰部有痕既情況出現，有時個人緊張就會有啲淡黃色液體分泌物，上星期睇公立時醫生有拎咗我啲分泌物去化驗，我有開始食蔓越莓益生菌，感覺已改善好多，請問如果只係有時有少少痕係咪都係正常？定係要食藥完完全全唔痕先叫正常？
最後最後，打咗兩針復必泰六個月後，我就踏入第27週，如果無工作需要要求打第三針，請問你建議我去打第三針嗎？
唔好意思問得有啲多，真心多謝你！
Kate你好，如果你出現暈到會企唔穩嘅情況，我會建議盡快睇多次醫生，必要時可以驗下血，因為確實貧血（無論係缺鐵定缺其他營養）、低血糖（全身無力、頭暈、出冷汗都係常見症狀）或者低血壓都有可能造成你嘅情況，所以為咗自己同BB嘅安全，最緊要係搵出頭暈嘅原因，咁我哋先知道有咩應對方法（例如如果係由血糖太低造成，咁最直接嘅做法就係帶粒糖出街）
Materna一粒入邊有250毫克鈣，加上鈣思寶一包250毫升入邊就有425毫克鈣，如果每日食一粒Materna加一包鈣思寶，咁一日就係675毫克鈣，而懷孕期間鈣質嘅建議攝取量係每日1000毫克（每日上限就係2500毫克），所以你可以睇返自己平時多唔多食其他高鈣食物（高鈣食物例子可以參考呢到），補充到每日1000毫克嘅話就ok，如果唔夠嘅話，可以額外買鈣片，每日多補充300-500毫克就可以
另外Materna入邊冇加入額外嘅DHA，雖然你平時有食魚嘅習慣，但你都可以透過補充劑，每日可以額外補充多200毫克DHA
至於陰道分泌物方面，懷孕時正常都會多咗分泌物，因為我哋身體會製造多啲分泌黎降低懷孕期間受感染嘅機會，而呢啲分泌物有時都會刺激到皮膚，令我哋覺得痕癢，所以少少痕癢本身唔代表有問題，重點在於分泌物嘅化驗結果，睇下入邊有冇啲唔好嘅細菌/真菌，所以有改善就唔洗特別擔心啦
Vaccine方面，我知呢個會係一個媽媽比較concern嘅問題，所以我特登翻查咗最近嘅學術文章，發現2022年已經多少唔少關於孕婦嘅安全性資料，例如：
So far我搵到嘅全部研究都見唔到疫苗會增加對BB產生副作用嘅風險，而懷孕期間如果touch wood中招確實可能對BB造成更大傷害，所以如果我覺得打咗會好啲 
請問食supplements會唔會有機會影響睡眠？
我上年8月開始食prenatal multivitamin，11月加埋CoQ10
12月就開始晚晚瞓3-4個鐘就醒，之後我即刻停咗CoQ10, 情況依舊
多謝你啊 Victor, 你真係好細心解答得好清楚.
我前日買咗惠氏隻藻油DHA開始食, 食完第二日突然出血, 大概係1/3塊護墊既量(唔係好鮮色, 接近深紅色多啲), 之後就keep住每次去廁所都抺到少少血(深紅/啡), 我好擔心, 請問係咪正常? 我係咪要轉食另一隻牌子好啲?
Hello Apple, prenatal vitamins入邊通常會有維他命B，而維他命B有提神作用，所以如果夜晚先食嘅話就有可能影響睡眠
記得平時盡量少攝取咖啡因同埋唔好午睡，如果你依家係備孕階段仲未懷孕嘅話，可以考慮加埋一啲緩釋型（extended-release / sustained-release / timed-release）嘅melatonin，調整岩返個sleep cycle先
1個讚