Hi victor
想請問食聖潔莓真能有效提升黃體素，從而提高懷孕機會嗎？黃體素太低/太高會否有問題？排卵試紙顯示有排卵，但一直無出現高溫期 
另外想問念珠菌經常復發，有無咩supplement有幫助？
30yo 剛開始備孕中，食緊materna + 檸檬酸鈣，需要增加其他嗎？
非常感謝
Hello victor, 又係我
心急再想問除左elevit + q10 200mg
我再加inositol500mg + L-arginine1000mg 一齊食黎養卵好嗎？
老公除左 Menevit+ acetyl-L-carnitine750mg 再加Maca 500mg 好嗎？
Makpat你好，你個三項指數都正常啊，唔洗擔心 
「1000mg魚肝油」我諗你應該係指「魚油」？魚肝油主要係維他命A同D，而魚油就係DHA，如果你係食緊魚油就冇問題
其實你2字頭都算後生，頭先睇你嘅指數都正常，如果你本身經期都規律，岩岩先開始備孕嘅話，食住你手頭上嘅supplements先都已經足夠，唔洗加CoQ10或者其他野。另外有啲女仔因為平時m比較多，所以鐵質流失都多（甚至有貧血問題），如果你係呢種情況（m血多，或者經常手腳冰冷），可以加埋一啲鐵丸/鐵水食。
你食緊呢幾種成分同中藥相沖嘅機會唔算高，但最好可以將兩者分隔至少3-4個鐘食，減低佢哋互相影響吸收嘅機會
咖啡我會建議戒啊，雖然依家「咖啡因係咪會影響男士生育能力」嘅數據比較inconsistent，但的確有文獻提到咖啡因有機會影響精子DNA（仲有可樂都需要戒，佢對生育能力嘅負面影響似乎比咖啡更大 ）
男士方面可以食CoQ10 200毫克同Acetyl-L-carnitine 1000mg，都會對精子活力有幫助 
Hello Kam，懷孕期間可以補充200-1000毫克DHA，視乎你平時多唔多食魚，同埋有冇試過早產（如果試過早產可以食大約1000毫克DHA），如果一切正常，平時均衡飲食，補充200毫克都足夠
如果你懷孕時食嘅綜合維他命入邊冇鈣或者唔足夠，你可以加埋鈣片食，懷孕期間一日需要1000毫克鈣，而每日攝取上限可以去到2500毫克
之前我都寫過一篇文章分享食鈣片有咩需要留意，你都可以睇下
Hello，如果你本身經期規律，vitex就未必幫到你啦，基礎體溫係一個比較難捉摸嘅方法，每個人嘅pattern多少都會有啲分別，而且「高溫」相差嘅溫度都只係得0.3度甚至更少，所以都有可能係溫度計嘅誤差令你搵唔到「高溫期」
你之前備孕咗幾耐，同埋排卵之後通常幾多日黎m?
如果念珠菌經常復發，可以食/塞乳酸菌（例如：lactobacillus rhamnosus GG / lactobacillus acidophilus），佢哋會形成酸性環境抑制念珠菌生長
Materna同檸檬酸鈣呢兩樣加埋就ok啦 
Hello Mikari 你講嘅呢啲成分可以用啊！但inositol就比較多喺PCOS（症狀通常係經期長、多暗瘡、多體毛）嘅情況用，冇PCOS嘅話我暫時淨係見到有份case report係講用d-chiro-inositol可以幫到一啲排唔到卵嘅女士回復正常排卵，
因為未問過你嘅情況，比較難直接答到你點食最適合，但如果係高齡備孕想養卵，而且冇其他婦科病，so far我見維他命D 1000IU同埋每日三次DHEA 25mg對於改善卵子質素嘅evidence會比較多
hi Victor你好！我今年34歲, 有PCOS.
呢三年試過三個cycle clomid排卵藥, 加四次IUI都未成功懷孕…overall咁多次IUI放精前, 個內膜ok; 但卵子似乎一般, 食排卵藥+打針都大得比較慢…之前都有食過一段時間既FH Pro同Ovaboost, 但冇特別感覺…
黎緊準備做IVF, 想趁呢幾個月打好個底, 請問以下supplement都夠嘛？
CoQ10 (400mg/day) [早晚各200mg]
Vit E (200IU)
Vit C (500mg)
肌醇 (500mg)
葉酸 (400mg)
Super Omega 3-6-9 (600mg)
Melatonin (3mg) [抽卵前兩星期至一個月食, 夜晚食]
而先生就精子形態2-3, 食愛樂維準爸爸配方係咪都足夠？
另外, 我長期單邊耳鳴, check過同照過MRI, 排除左鼻咽癌同腦神經瘤, 有冇咩supplement可以改善下？食維他命B6有冇幫助？
唔好意思，咁多問題，辛苦哂！
多謝你一直咁耐心解答！
Hello, 想問下懷孕胃痛有咩supplement 食左會好d? 上網有睇有隻叫pepzin gi zinc L carnosine, 但佢又唔recommend 懷孕時食，一直有食開d 益生菌但係對胃痛都無咩用，thank you
開始左幾個月，上個cycle先的起心肝用排卵紙，發現原來自己Day 20先排卵, 排卵後16日 M到
另外想問，如果食呢隻 FH Pro+檸檬酸鈣，就唔需要+ Materna?
我見呢隻佢有 Folate 1360mcg DFE, 係咪太多?
多謝你mrshamutaro 
你食緊果啲ok啊，另外可以加埋Vit D3（1000IU）一齊食，維他命D都係一種對卵子質素好重要嘅元素。
男性黎講去到4%合格線當然最理想啦，menevit入邊維他命E+Selenium係會有幫助，如果想再好啲可以考慮加埋acetyl-l-carnitine一齊食
如果耳鳴嘅話反而食維他命B12有機會幫到手（耳鳴最常見可能缺乏嘅營養除左B12仲有維他命D同鋅，維他命D你仲可以順便食埋for養卵添 ）
1個讚
Hello Victor
第一次留言
我備孕中 同老公都有食葉酸（doctor’s best既fully active Folate 400)同埋我再有食鈣(life nutrition既海藻鈣片)同埋DHC既b mix
但我之前照過有膽石（好多細沙既size)
自從我食左葉酸同鈣後 膽痛少左好多好多 想知有無關係
同埋有膽石對我備孕食咩supplement有無咩要注意
Thank you
Hello sunny，你本身有冇做過幽門螺旋菌測試? 益生菌對胃痛最主要嘅幫助係有機會抑制到幽門螺旋菌生長，幫助你復原，但如果本身胃痛唔關菌事，就未必幫到手 
如果check左係冇幽門螺旋菌，懷孕胃痛其實比較理想嘅方法都係用抑制胃酸藥，例如係famotidine 20mg / pantoprazole 20mg，呢類抑制胃酸藥基本上都比較溫和同安全，懷孕期間都可以用，等你分泌少啲胃酸，比時間個胃慢慢自我修復。
而supplement方面我建議你係睇加啲咩supplements前，先睇下自己有冇食緊啲咩有機會影響個胃，例如有啲人食鐵質都會有胃痛，但好多孕婦維他命都加左鐵，如果你係懷孕頭12週，可以考慮選擇用葉酸補充劑代替綜合維他命（頭12週BB對鐵嘅需求仲未增加，但媽媽懷孕冇月經反而少左鐵質流失，所以懷孕初期鐵質嘅重要性相對較低）
因為supplements通常冇藥物咁必要，所以一般supplements安全性data反而比起藥物更少，亦都係點解咁多supplements話唔建議孕婦食，而比較安全嘅選擇係食蜜糖/沖蜜糖水，蜜糖都有修復+抗菌（幽門螺旋菌）嘅效果，可以幫你快啲好返
如果排卵後16日m到又差唔多（正常都係14日左右）
冇錯，FH Pro+檸檬酸鈣就夠，唔洗再加Materna，FH Pro入邊有1360mcg DFE大概等於800mcg葉酸，所以唔洗驚葉酸會太多
1個讚
Ovaboost嘅話要加埋葉酸食，佢四粒得340mcg DFE葉酸唔太夠，你加返400mcg葉酸食都ok，其他就要睇返你嘅情況，如果正常後生又冇特別經期／婦科問題就唔洗再加其他野
呢隻800微克再加ovaboost嘅葉酸就會擲界，ovaboost 340mcg DFE = 200mcg葉酸左右，加埋幅圖呢隻就係1000mcg（通常建議嘅上限），因為ovaboost嘅葉酸形態係活性葉酸，你ovaboost加呢隻食都可以
Hello hiuting，有問題隨時歡迎問
你嘅情況有機會係鈣片入邊嘅維他命D，幫你將啲鈣帶去血液到，減少左累積係膽嘅機會，令你情況有好轉，所以你黎緊如果食鈣片/含鈣嘅supplements最好都要確保入邊有加維他命D。
另外鐵質、維他命C同卵磷脂都係對預防膽石有啲幫助，尤其鐵質本身對備孕都有幫助，而含鐵質比較多嘅紅肉有時又比較肥膩，未必適合膽石人士食用，所以你可以考慮加埋鐵質補充劑食
1個讚
請問Victor呢隻DHA每粒係210mg定525mg呢？如果現在懷孕29w應該食幾多粒呢？謝謝～～
Hello fcmui，佢表達得係有少少confusing，佢意思係一粒有525mg藻油，入邊有210mg係DHA
懷孕期間每日建議攝取200-1000mg DHA，29w可以跟返Bioisland嘅建議每日2-3粒，每日食420-630mg左右都好reasonable，同埋藻油跟餐飯後食會比較好
Hello victor
想請問 我上年9月小產左 今年1月開始試 而家仲未bingo
本身有alpha thalassemia 而家淨係食緊fh pro
葉酸含量夠唔夠？鐵質會唔會補充得太多？建唔建議食埋NAC?
同埋10月尾打完第一針BnT 之後黎m由30日變左33-35日
因為工作關係準備要打3針 驚period cycle再長左
有冇咩可以做令period去返之前正常水平
之前驗排卵試紙好明顯T會深過或等於C
3月驗最深果條都係最底果條咁係咪可能冇排到卵
好多問題
唔該哂你
Hello Rita，先答左你最尾條問題先 如果你有黎m，正常你係有排到卵，因為要排左卵 → 先會有黃體製造黃體素 → 有足夠黃體素你嘅子宮內膜先會變厚同黎m（例外情況係有時子宮就算冇排卵都會有不正常嘅流血，但如果你黎m嘅量同打針前差唔多，大機會真係m黎，就唔需要特別擔心）
因為covid疫苗都好新，所以我就check下最近有冇啲有關covid同月經週期嘅研究，發現有篇新鮮滾熱辣嘅美國研究，統計打完針之後，平均cycle會長咗一日左右（Association Between Menstrual Cycle Length and Coronavirus Disease 2019 (COVID-19) Vaccination - PMC (nih.gov)），但係so far望落就未見到會影響排卵（亦有啲IVF嘅研究話打針唔會影響到取卵），雖然你LH水平可能低左（所以排卵紙淺色左），但你繼續有m黎，所以排卵受到影響嘅機會比較低。
Thalassemia基本建議都係避免攝取額外鐵質（因為你腸胃本身吸收鐵質比正常人仲勁），所以我會建議你買啲冇加鐵嘅綜合維他命／分開幾隻維他命黎食會好啲，而葉酸就最好補充5mg，因為地貧會增加胎兒神經管缺陷機會，而NAC都可以加埋用黎抗氧化，維他命除左葉酸可以加埋維他命D（除咗幫你吸收鈣，佢亦都有可能幫到卵泡成熟，有機會可以幫你調整返經期） ，加油！