Hi Victor !!生完bb又breast feed想補calcium , 而家食緊materna 加日日食鈣思寶，想加鈣片，應該點揀好？幾多mg先夠？
好耐之前睇過話calcium citrate 最易被人體吸收？
唔該晒
你好呀victor, 有佐BB後見到個post爬佐文好耐, 學到唔少野! 多謝你咁無私分享。我都有少少問題想問下:
1/ 我自己踏入了高齡產婦, 啱啱驗到有佐 (剛6WK) , 之前備孕時都有一直食iherb呢隻supplement. 但係備孕時就好懶, 通常朝早食一粒就算。2個week前開始就即刻乖乖地食返3粒。我見佢係folate 800 mcg DFE, which is 都係得480mcg folate acid equivalent. 我見你有suggest d 懷孕前無食的準媽媽食多粒去打底, 唔知我個case又會唔會suggest 食多粒呢?
https://hk.iherb.com/pr/garden-of-life-vitamin-code-raw-prenatal-180-vegetarian-capsules/39196
2/ 我見懷孕又係需要DHA, 咁我都有食開隻魚油, 唔知適唔適合繼續食? 通常啲supplement一寫懷孕的要問醫生意見就會驚…我依家有繼續食但又係食一粒咁 (硬係覺得幫補下…) 唔知咁係唔係好…
3/ 爬完文之後我都想再加隻益生菌. iherb好似Search又唔見好似有LGG/HN001, 如果elevit 我見佢兩隻都有葉酸, 再加埋我原本食開的係咪唔太好? 會唔會有啲product係單獨係益生菌唔會mix 太多vitamin…
4/ 我見都有推薦加鈣片. 我目前都有keep住自己一日飲兩杯200ml度的奶(或者荳奶/燕麥奶之類) 我見都calcium含量唔錯, 仲駛唔駛加鈣片呢?
唔好意思好多問題, 希望唔會煩到你~
Victor!你好 又有問題啦
想問下備孕期間洗唔洗補充鈣
菜酸就成日聽人講話要食定
甘鈣呢？見到有媽媽係post講 唔夠鈣
小朋友出左世後有唔少問題 搞到有d驚
事關我宜家有食埋中藥調理
supplement又要隔開至少3至4小時食
時間比較難就
宜家有食1000mg魚油 維他命c 500毫克（好似糖果種）400mg葉酸 加每星期有五日食早晚各一次中藥
（黎經個個星期會停食中藥）中藥令我經期情況改善左唔少
我之前有食高鈣麥片，最近停左，係咪應該食返比較好
Hi Nina! 岩岩同你check咗一下，一粒Materna入邊有250毫克鈣，而鈣思寶（因為佢有幾隻size，我assume係250ml高鈣原味豆奶）一盒就有425毫克鈣，而breast feed嘅每日鈣需求都係1000毫克
而檸檬酸鈣的確係比碳酸鈣更好吸收，你可以搵啲一粒300毫克咁上下嘅檸檬鈣黎食，例如冇記錯攝達鈣+D個隻一粒係315毫克鈣，再加200IU維他命D，你可以每日食一粒，不過記得最好同鈣思寶仲有materna分開食，因為如果一次過食超過500毫克鈣，其實我哋腸胃未必吸收得曬，就會浪費咗 
1個讚
Hello Playhard，多謝你 
我都明有時真係唔想日日吞咁鬼多粒膠囊 
呢種情況其實冇一個好統一嘅guideline話懷孕前冇食葉酸懷孕後就要食多幾多，一般都淨係講孕前去到懷孕12週應該補充400 - 1000mcg葉酸，而葉酸水平越高，神經管缺陷出現嘅風險就越低。
如果你未買任何supplement，我會建議你懷孕頭12個星期揀啲葉酸比較高嘅媽媽維他命，例如600-1000mcg黎guarantee血液入邊有足夠葉酸水平
你嘅情況因為已經買咗同食緊480mcg左右嘅葉酸，本身都算係within每日400-1000微克呢個range，咁又未至於話係唔合格 
（有啲媽媽維他命可能得600mcg DFE葉酸，滿足到NIH要求但對比其他機構例如係CDC、NHS嘅要求就算偏低，咁嘅情況我就覺得頭12個禮拜再額外加啲葉酸穩陣啲），
Either你keep返每日三粒garden of life，或者想穩陣啲係頭12個星期額外買400微克葉酸加埋一齊食，我覺得都冇問題，純粹睇返想唔想再食多粒丸同經濟能力 
本身懷孕係可以食魚油架（只要佢重金屬係合乎標準，可以查下隻魚油牌子有冇攞到GOED / TGA嘅認證），不過你呢隻入邊加埋亞麻籽油（佢對孕婦係咪安全就比較有爭議），所以我會建議你買返其他藻油／魚油黎食
我睇返你本身食緊個隻garden of life入邊都有加HN001 如果再想加嘅話，例如康萃樂本身都係LGG菌黎，而且入邊冇mix其他維他命
https://hk.iherb.com/pr/culturelle-probiotics-health-welness-15-billion-cfus-30-once-daily-vegetarian-capsules/56052
懷孕期間目標係吸收1000毫克鈣，我睇左次你本身食緊garden of life入邊應該冇鈣你可以睇埋你本身飲緊個隻奶入邊有幾多鈣，如果按一杯300毫克黎計，你每日可以透過鈣片再額外補充多300-400毫克，但就唔需要加維他命D，因為garden of life個隻入邊已經有好多
唔洗擔心啊，有問題隨時問，我都係抽時間上黎盡答
你好啊Makpat Short answer係有時間食就補埋啦！但唔止係為阿B，仲係為你自己。
BB係要去到第二孕期打後（13週或以後）先開始加大對鈣嘅需求，但媽媽身體其實好大愛，就算媽媽本身唔夠鈣，身體都會係媽媽嘅骨頭入邊攞啲鈣出黎比BB，所以BB唔夠鈣嘅機會唔算好高，反而媽媽骨入邊嘅鈣比抽咗出黎，之後就更加容易有骨質疏鬆之類嘅問題
所以懷孕前補鈣，除咗想令BB有足夠嘅鈣，更加重要嘅係打返好媽媽個底，令懷孕時唔需要由媽媽骨頭攞太多鈣出黎（補鈣仲可以預防埋妊娠毒血症），如果冇時間食鈣片，食麥皮或者其他高鈣食物頂住先都冇問題
之前寫過一篇有關懷孕幾時需要同需要幾多鈣嘅文，如果有需要你都可以參考下 
多謝你幫我揾埋！好人一世平安
1個讚
Welcome la Nina
多謝你呀, 好詳細.
但有時見到葉酸過多好似都唔好, 咁我如果已經880 mg 加埋平時食物會唔會好易超標? (成日都唔知攝取超標會點)
你唔講我都無留意garden of life 係有菌 因為買個時主要係諗住有葉酸, 其他就genereal 大補都無留意detail~ haha 多謝你
我今日都即刻買多樽400MG純葉酸, LGG 菌, 同孕婦DHA備用. 謝謝你
1個讚
thank you!
Hi Victor,
Materna multivitamins 有鈣又有鐵，其實係咪會影響吸收架? 我見網上資訊話兩者最好錯開時間食，才可以好好俾身體吸收。
另外，想係iherb買DHA 和 Q10, 款式牌子都很多，但唔知邊隻好，你有無suggestion。
孕婦食太多葉酸（每日>1毫克 / 1000微克）主要係驚影響BB認知功能發展，不過呢樣野主要係講「補充劑葉酸」，由日常膳食吸收嘅葉酸反而冇呢種問題，如果想知多啲葉酸嘅劑量、食法etc，可以睇呢條片（宣傳mode ）
Hello Kiung，益生菌食完之後主要都係留喺我哋條腸到，所以佢算係比較safe嘅一種保健品，基本上除左本身免疫力好差（例如：接受緊化療或者長期食緊免疫力抑制劑）嘅人士外，都冇咩人唔食得，所以孕婦用嘅劑量跟返正常成年人就ok！
1個讚
其實正常黎講分開食會好啲，但好多綜合維他命本身入邊每樣野嘅劑量都唔算好高（所以對吸收方面嘅影響會低啲），而且又想方便啲，就會將呢啲礦物質放埋一齊一次過食，但如果你想食Materna再自己加鈣片嘅話，我就會建議你將兩樣野隔開至少2個鐘黎食啦！
咦通常CoQ10多數係備孕時食，而DHA就懷孕後先食，你依家係備孕定懷孕中？
DHA同Q10主要都係劑量足夠就ok（兩樣至少都200mg），另外DHA你可以揀藻油（受重金屬污染機會最低），而CoQ10就有分ubiquinone（傳統，比較多實證）同ubiquinol（活性形態，吸收好啲），有啲人會prefer食ubiquinol，但so far我未見有研究真係搵到兩者對（準備）懷孕功效上有啲咩明顯嘅分別，所以重點都係劑量夠就ok 
多謝victor, 你每次都解釋得清楚易明。
我是備孕中啊， 不過想同時留意埋懷孕要食嘅supplements。
呢隻係海藻鈣， 但個鈣含量咁高…唔係話每日攝取1000mg?
https://www.watsons.com.hk/孕安鈣紅海藻鈣30粒裝/p/BP_281677
想問下備孕 剛開始食blackmores 黃金營養素， 食左三星期後，持續黎m近一個月， 及流量很多。 請問是不是食左blackmores有所影響？ 是否應該再繼續食？
Hello Victor
我正在備孕中
最近經常肋骨骨膜炎，食醫生開的藥安痛易 含有60mg etoricoxib 請問準備懷孕的話，食呢個消炎藥安全嗎？
Thank you
你好呀， 請問我先生有食薄血藥， 可否食elevit的準爸爸維他命呢？
唔洗客氣！呢隻佢寫得好古惑，就咁望落去係31.9克，但事實上一粒應該係335毫克，
佢「每100克」入邊有31.9克鈣，而每粒鈣片係1050毫克 = 1.05克，
所以「每粒」入邊有31.9*1.05/100 = 0.335克 = 335毫克鈣
但計落維他命D就怪怪地，
「每100克」有0.5克維他命D，所以「每粒」入邊有0.5*1.05/100 = 0.00525克 = 0.00525 * 1000 * 1000 = 5250微克 = 210000 IU（1微克 = 40 IU）?!!（正常每日係食幾百去到一千IU ）
所以我唔排除佢維他命D個單位標大咗1000倍，應該「每100克」入邊有0.5毫克維他命D，咁樣「每粒」入邊有210 IU維他命D就合理得多，計呢啲數真係好有以前中學考試feel