我會建議第一步要先確保自己平時有食足夠蔬果同飲夠水，呢點係老生常談但都係解決便秘問題最重要嘅基礎。
如果確信自己做好呢步嘅話，你可以揀啲含乳酸菌（lactobacillus）同雙歧桿菌（bifidobacterium）嘅益生菌產品，或者係直接食乳酪。
不過孕婦揀乳酪呢啲乳製品就要多留意衞生方面嘅問題，之前有條片都有介紹孕婦揀乳酪有咩注意事項，你可以由條片4分鐘開始睇 
1個讚
之前一直食開FH Pro +檸檬酸鈣備孕
前日用驗孕棒check 到有左，想問下可否繼續食FH pro?因為見到有網頁既產品介紹，話發現懷孕時停食
但我見佢成份同其他孕婦補充劑好似差唔多，我又仲有2樽未食
如果可以繼續食，係咪食返6粒（之前備孕食4粒）？除咗加埋鈣仲有冇要其他要補充？
Thanks!
我見網上有些人分享高齡產婦和習慣性流產食亞士匹靈會有幫助，初孕自己去藥房買來食危險嗎？
Hello Kettle，如果根據Fairhaven自己公司網頁嘅介紹，懷孕時就應該轉用第二隻supplement。
而我都go through咗一次佢嘅ingredient list，上面維他命同礦物質嘅部分確實同懷孕用嘅媽媽維他命好相似，但FH pro同其他懷孕綜合比較，最大差別在於佢額外加咗一啲抗氧化物質，雖然呢啲物質多數都大機會唔會影響到BB，但有啲成分（例如grape seed extract）就缺乏孕婦使用嘅安全數據（即係冇人做過白老鼠），所以都係用返正常for媽媽嘅綜合維他命會比較好
懷孕嘅話唔好自己買阿士匹靈返黎食啦，因為佢除左可能幫到預防preeclampsia（妊娠毒血症，一種高齡懷孕有可能出現嘅問題）之外，又有可能影響BB心臟同大腦，所以我會覺得aspirin係一把鋒利嘅刀，用得好可以幫到你，但用唔好就可能會傷害到你同BB 
如果你想試aspirin嘅話，我建議你覆診時同醫生傾傾，由佢處方比你，同埋教你食咩劑量、幾時開始食、幾時停
我睇左中醫，醫師說我同先生是血氣虛、脾胃差
我地可以點做
Hello Puipui，因為呢兩個terms都係中醫嘅詞彙，所以我唔確定意思係咪一般人理解嘅意義 
如果血氣虛係指「貧血」，個人經常感覺手腳冰冷，容易面青口唇白呢啲情況，可以多補充鐵質同維他命B雜呢啲幫忙造血嘅元素，
而如果你平時容易便秘或者肚痾（例如壓力一大就痾），咁你就可以食啲益生菌（尤其係含乳酸菌產品或者係乳酪） 
多謝你詳細解答！
1個讚
想問下餵緊人奶，食薑黃素同埋Glutathione 會唔會影響奶量/ 影響bb ga?
同埋我仲未打針，如果真係要打(BNT)，打完建唔建議停餵母乳
請問餵母乳，要食咩補充品？
如果打bnt 之後，有冇建議幾耐之後可以繼續餵？
謝謝
想請問孕婦食孕婦益生菌除左為左減少便秘，仲有咩好處? 如果本身無咩便秘問題係咪唔駛食都可以? 如果要食，係要日日咁食? elevit 果隻係咪可以食到生? 謝謝!
你好呀～ 想問下孕婦可以飲用麥蘆卡蜜糖嘛？
Hi, 呢排香港武肺爆得咁勁，想問下除左Panadol之外，孕婦可以買定啲咩藥看門口？定係都係睇返醫生好啲？
Hello Mamak，餵哺母乳期間可以用薑黃素（安全性ok，亦都冇好確切嘅data話會影響奶量），但glutathione就唔建議，因為太少安全性data
香港婦產科學院嘅醫生建議唔洗停餵母乳，而我都google下有關「Biontech」同「母乳」相關嘅新聞，so far睇落都冇見到有特別嘅不良反應，而研究發現打完針之後，mRNA並唔會分泌母乳到，所以可以唔洗停餵母乳都得（如果真係好大concern都可以停一個星期母乳，因為mRNA嘅half-life係8-10個鐘，所以入左我哋身體之後一個星期已經冇曬）
2個讚
Hello~餵哺母乳用嘅supplements有兩類：
一類係營養品，因為母乳係要提供營養比BB，所以當然要確保媽媽本身夠營養，你可以繼續食懷孕期間用緊嘅多種維他命同DHA，另外可以用啲維他命D滴劑，直接幫BB補充維他命D，因為人奶入邊基本上有齊BB需要嘅營養，維他命D除外，所以呢樣建議加比BB；
第二類就係催乳用嘅保健品，例如係卵磷脂lecithin，如果出奶無困難就可以唔洗食
打完BNT之後，都唔需要特別停餵，因為mRNA基本上唔會分泌係母乳入邊，而目前睇落亦都冇特別話打完BNT餵母乳會產生嚴重不良反應嘅例子，詳細可以參考上一個post
2個讚
Hi artan，益生菌除左幫腸胃問題之外，亦都可以幫手預防BB出現過敏體質嘅機會，所以如果父母其中一方有濕疹、鼻敏感或者濕疹，我會建議懷孕期間加埋益生菌，食法都係同維他命一樣日日食
你係食緊elevit粉紅定藍色個隻? 如果粉紅個隻就要加埋DHA，藍色個隻就可以加鈣食到生
1個讚
你好Kam，懷孕期間可以飲用架 
其實看門口藥多數都係緩解症狀，例如孕婦發燒喉嚨痛可以用panadol（記得唔好用阿士匹靈類或者消炎止痛藥，例如克痛/Advil/Nurofen），流鼻水可以用loratadine或者cetirizine，咳嘅話可以用pholcodine咳水+橙樹化痰素化痰
不過除左發燒之外，其他症狀如果唔太嚴重，其實唔洗食藥都得，因為唔會話食完幫你好得快啲，touch wood病左最緊要多啲休息同飲多啲水 
（當然如果有嚴重症狀，例如發高燒、抽筋、呼吸困難呢啲就要即刻入院！）
大家都要take care ah，我返工都feel到周圍有唔少隱形患者，所以如非必要大家都少啲出街好
2個讚
上兩胎到而加兩三歲都好小頭髮，今胎食芝麻有冇用？有咩濕嫖文介紹
Victor你好，我上一次ivf bingo醫生有開aspirin 80mg比我，不過之後小產咗(第3次小產)，宜家又發現再次懷孕，自己拿拿臨又食返aspirin，諗住忍耐到7wk先去做第一次產檢，想問短暫食住2-3wks會唔會有影響？定係宜家最critical發展緊唔好食住？
另外想問宜家我食緊Elevit Stage 1+CoQ10 200mg本來for備孕，Q10係咪可以斷續食？每粒裡面仲有Chia Seed Oil 450mg，繼續食會唔會唔係咁好？因為以前聽阿媽講奇亞籽好涼
唔該哂先 