化學懷孕之後最快2個星期就可以再次排卵，所以差唔多4-6個星期就已經有機會再次黎m，祝你新年快樂puipui！ 
Hello，你食卵磷脂應該係想通乳腺？目前黎講關於卵磷脂嘅研究同指引都比較欠缺，不過理論上佢可以令母乳冇咁「傑」，更加容易比BB吸吮。
加拿大母乳育嬰協會（Canadian Breastfeeding Foundation，唔知中文係咪咁譯 
）建議可以每日食4次，每次食1200mg卵磷脂。
雖然佢都冇講清楚媽媽應該由幾時開始食，但因為佢嘅原理係增加母乳入邊嘅多元不飽和脂肪酸含量，所以我認為產前1-2個月開始食都非常reasonable（一個月時間相信都足夠身體吸收你食咗嘅卵磷脂，同埋分泌係母乳當中）
另外有啲媽媽擔心一啲大豆入邊提煉出黎嘅卵磷脂會含有大豆異黃酮（類似雌激素嘅成分）或者BB會對豆類過敏，呢啲情況下，你可以選擇一啲向日葵油提煉出黎嘅卵磷脂就更加安全啦，祝你新年快樂swm 
Hello Victor, 而家懷孕24週，驗小便有鏈球菌，醫生話係尿道炎要食一星期抗生素。請問食抗生素會否影響BB?可以食其他supplement 和飲多啲水唔食藥嗎？謝謝！
Hello Helena，如果小便驗到有菌我都係建議跟醫生食一個抗生素療程，治療尿道炎嘅抗生素有好多種，亦都有啲係適宜孕婦使用嘅（例如係Augmentin），加上你依家24週算係懷孕期間比較穩定嘅一段時間，如果冇殺曬啲菌，佢有機會沿住尿道走上膀胱呢類器官，到時對BB可能造成嘅危害更大。
而一般尿道炎會用嘅supplement最常見係蔓越莓，但我未見到有好solid嘅data顯示佢可以好似抗生素咁有效殺滅啲細菌，所以你可以選擇之後食黎預防尿道炎，但治療嘅話食返抗生素會好啲（當然飲多啲水就梗係好 
）
Hello, Victor
想幫frd問吓，懷孕11-12週，成日作嘔，夜晚食完 elevit 半個至一個鐘左右又嘔，呢個情況洗唔洗再補食一粒？
另外，12週過後就唔食果隻 elevit, 有無其他推薦嘅 supplements?
Thanks 
明白Thank you！
1個讚
Hello Reika，你朋友呢個情況我唔建議佢補食多粒，因為始終唔確定佢身體已經吸收左幾多，貿貿然食多粒反而可能超出每日建議上限。
如果次次食完好快就嘔，咁我哋就要諗下計，通常食孕婦維他命，最容易會令你朋友腸胃唔舒服嘅係入面嘅鐵質，所以如果呢個情況經常發生，你可以建議佢試下：
- 飽肚食維他命，有啲食物「浪一浪」個胃冇咁易會比鐵質刺激到
- 上面個方法解決唔到嘅話，唯有轉食齋葉酸先，去到懷孕中期孕吐問題舒緩之後先再食返綜合維他命
睇下咁樣你朋友嘅情況會唔會好啲
Puipui本身備孕前你先生有冇做過body check，有冇啲咩風險因素？（例如年齡或者本身check過精子質素etc）
Hi Victor, 唔好意思我又有問題啦之前驗到尿道炎，咁醫生開咗 cledomox augmentin 每日二次，一次一粒1g。我上網見到有d醫生係開375mg 比孕婦,每日食3次。 咁我食嘅份量會唔會太重？加上我本身係冇咩徵狀，冇痛，只有頻尿加小便後小小唔舒服，有需要每日食2g 嗎？好多問題呀唔好介意
Thank you~ 會同佢講 
另外，12週過後就唔食果隻 elevit, 有無其他推薦嘅 supplements?
Thanks
冇呀
Hello helena，Augmentin入邊有兩隻成分：Amoxicillin（殺菌個part）同Clavulanic acid（對抗抗藥性病菌個part）
375mg配方係250mg Amoxicillin + 125mg Clavulanic acid；
而1g配方係875mg Amoxicillin + 125mg Clavulanic acid
「每日3次，每次375mg」雖然比起「每日2次，每次1g」黎講，amoxicillin部分少咗，但clavulanic acid嘅劑量就高左，所以我哋唔應該直接睇數字咁比較兩者分量。
「每日3次，每次375mg」其實反而係傳統嘅配方，而「每日2次，每次1g」嘅配方算係（相對）比較新式嘅配方，兩者嘅效力差唔多，但新式嘅「每日2次」配方係腸胃方面副作用（例如係肚痾）會比較少，所以其實仲好
我睇folate下面個行，佢寫「Folic acid 500 micrograms」，所以佢嘅劑量應該都足夠，你可以睇埋個樽後面嘅營養標籤，睇下佢葉酸500嘅單位係「mcg」定係「mcg DFE」，如果係前者就唔洗擔心啦
如果主要係想改善孕吐，例如可以試下食Blackmores黃金素，佢一日食2粒，將鐵質分開2次吸收會減少對腸胃嘅刺激，同埋佢會加埋幫助BB腦部發育嘅DHA
我哋食supplements通常都係兩個目標：提升懷孕成功率、令BB出世後更健康
So far我未見有數據顯示爸爸補充啲咩會額外幫到BB健康手，而提升懷孕成功率方面嘅研究通常係針對一啲本身有不孕問題嘅男士（例如精子質素差），呢種情況可以選擇acetyl-L-carnitine／富精多呢類產品，如果一切正常其實唔一定要額外補充營養，如果真係想加多啲營養我會揀一啲含抗氧化成分嘅產品，例如係男士愛樂維
咁我都安心d，多謝你咁詳盡解答
1個讚
謝謝你，超詳細解答。
我同先生再傾傾。
1個讚
謝謝你解答！
另外，現在懷孕6週已經有便秘問題，請問食孕婦益生菌有用嗎？