Hi Victor
我終於過版啦!(前幾個月問過你幾次關於FH Pro唔知你有無印象了)
而家大概5w··· 停左FH Pro, 轉左Elevit Stage 1.
我想問夠唔夠?定係需要再加DHA / 益生菌咁?
因為Elevit一日一粒,突然咁少野食感覺有少少唔實在咁,怕唔夠
(雖然網上大部分都話頭12w食葉酸就可以···)
Thanks Victor!
Hi Victor
我終於過版啦!(前幾個月問過你幾次關於FH Pro唔知你有無印象了)
而家大概5w··· 停左FH Pro, 轉左Elevit Stage 1.
我想問夠唔夠?定係需要再加DHA / 益生菌咁?
因為Elevit一日一粒,突然咁少野食感覺有少少唔實在咁,怕唔夠
(雖然網上大部分都話頭12w食葉酸就可以···)
Thanks Victor!
Hello Victor 想問高齡37歲備孕2年,一直有中醫調理,無其他婦科病,只係amh低,打算2月做IVF. 想問如果中藥+Fh pro 一齊食得唔得?thanks
Hi victor,
上個月又化學左
25dec月經
8 jan 早上打左ovidrel ( 卵泡18Mm)
醫生話36小時後會排卵
但我keep住每日用排卵試紙Check 由星期六到星期一(8-10jan) test>control
星期日晚 9jan 有排卵性出血
想問下 其實有無排卵架?定係支針會影響試紙測試?其實有排卵…?
因為醫生叫我星期一10jan晚開始塞小白球
我覺得好confuse….
Thanksss
Nice,所以話呢啲通常好快自己好
Congrats Puipui! 希望早日聽到你好消息
Hello bemi,如果試過化學懷孕嘅話,最重要係食葉酸+備孕維他命+/-抗氧化成分,呢點黎講FH pro會做得好過fertilaid(佢入邊有CoQ10、NAC呢啲抗氧化成分),而Fertilaid入邊嘅成分主要係用黎幫你調經同幫助身體製造卵子,所以除非你本身經期都唔太準,如果唔係我會建議你用FH Pro多啲
恭喜曬你Ashley! 記得你個username啊(不過當時問咩就唔記得了)
你同先生本身有冇敏感底/你自己本身腸胃會唔會麻麻?如果有嘅話可以加埋益生菌。而DHA本身就冇一個好官方嘅建議,由話懷孕前3個月開始食去到懷孕12週先食我都見過,基本上我都會建議懷孕後就keep住食(例如就係一日一粒elevit stage 1+惠氏藻油DHA,去到13週後轉stage 2 elevit就得<-- 入邊已經有DHA)
Hi Victor, 我本身經期真係唔準, 2-4月都試過 ><
但check過又唔係多囊卵巢症~ 好頭痛
你好pigvalley,generally我唔建議中藥同一啲herbal supplements一齊使用(尤其係未知有啲咩中藥嘅情況下),因為有可能會令某啲效果重覆/加強/減弱,尤其FH Pro入邊除咗維他命礦物質以外,仲加多咗唔少野,增加咗相沖嘅風險。
所以,想同時用中西藥嘅基本原則係:
一個比較好嘅做法,係中藥+備孕多種維他命(包含葉酸),兩者相隔四個鐘服用,另外AMH低你可以加埋CoQ10,如果你知自己食緊啲咩中藥,我可以幫你check下睇埋佢同CoQ10有冇特別interactions,supplement呢家野最緊要食得安全
Sorry to hear that 你呢個case大機會係已經排咗卵,我哋一般用排卵試紙test係test緊尿液入邊一隻叫LH嘅荷爾蒙有冇增加,通常LH增加完身體就會排卵,但你今次打咗ovidrel,佢會取代LH功能令我哋排卵,所以唔理LH有冇升,你都大機會係已經排卵,所以醫生先會再叫你塞小白球幫助子宮做好準備
Oh咁唔怪得啦 最主要有Fertilaid就ok,你可以再加埋CoQ10 200mg同NAC 600mg黎減少自由基對胚胎嘅影響。
除咗多囊仲有冇check過其他問題?例如甲狀腺或者卵巢問題都會造成咁嘅情況
Thanks victor!!!
HI Victor, 剛剛週六去咗抽血check甲狀腺, 暫時未有報告
卵巢每年都照, 都話正常~
另外想問問supplement有冇話早上/夜晚,空肚定餐後食比較好 ga ?
Thank you Victor!!! 好清晰啊
想問多條,如果我唔飲奶,係咪都需要而家開始補鈣?(on top of elevit stage 1再補). 諗緊呢個 Holdbody 天然孕婦鈣
Thank you so much!!!
Victor你好,究竟點解我食左estrofem內膜都唔多厚(day 14 得0.6 …)…中西藥都試過啦…內膜都無乜進展…help
記得要同中藥隔返開4個鐘左右食就ok,因為CoQ10同葉酸都比較少會同其他藥撞(CoQ10主要都係同一啲抗凝血藥物有相沖),下次睇症時再同中醫師確認埋就最好
Bemi呢樣通常要睇返係咩supplement,例如鈣片嘅話就飽肚食好啲,因為幫助吸收;維他命B就通常朝早食,因為會有提神效果。
如果冇特別標明嘅話,我一般都建議朝早食,因為就算你唔記得咗食,起碼唔洗隔成晚先補食得返
唔洗客氣Ashley
你可以額外加鈣片食(呢點唔淨止懷孕時,如果你冇飲奶嘅習慣我會建議你生完都要keep住食,因為女性停經之後比男性更加容易有骨質疏鬆,所以一定要趁後生打好個底!),因為愛樂維其實都係得125mg鈣,而我哋每日需要1000mg,而holdbody孕婦鈣每4粒有600mg,所以你可以on top of本身食緊嘅野再加4粒holdbody鈣
Romama你好,子宮內膜太薄通常一係唔夠雌激素(estrofem就係補呢樣),一係血液循環唔理想,令子宮唔夠養份去生內膜。
你平時有冇做開運動?每日如果抽到15-20分鐘出黎慢跑,已經會對子宮血液循環有幫助,另外你食咗estrofem之後醫生有冇同你check雌激素水平係咪返到正常水平?