Hello Victor!
請問鈣同鐵可以一齊食嗎? 但市面又出左好多綜合vitamins?
上網睇有d話唔得, 有少數話有個研究係可以?
同埋鈣係唔係唔可以睡前食會易生腎石?
謝謝!
不可以
< 高敏敏特別提醒，鈣、鐵不可同時食用，因為兩者具有拮抗作用，彼此會競爭吸收。若想補充鐵與鈣，建議每天輪流吃或空腹時吃鐵劑，睡前吃鈣片。>
可以
< 在 2010 年的研究中發現，也許鈣跟鐵的吸收率短暫會有稍微的影響，但其實人體的腸道黏膜細胞，其基因表現會有所謂的反彈效應 (Rebound Effect)，黏膜細胞會適應並進一步增進鐵的吸收率，因此長期食用，並不會有導致鐵質吸收不量甚引起缺乏的狀況。所以鈣跟鐵可以一起食用嗎? 其實根據許多研究的結果，是可以一起食用的，並不需要擔心。>
Hello Joy~Fairhaven個邊覆咗我，但冇特別講點解用呢個劑量，佢哋答覆話如果有需要可以兩者一齊食，所以我都係建議你跟返研究用嘅劑量，FH Pro+Inositol一齊食會對PCOS情況比較有幫助。
Emu oil我so far搵落就真係比較難搵到啲evidence，搵到嘅研究通常都係emu oil + 其他野（例如薑黃），或者係將emu oil用喺啲比較特別嘅關節痛情況（例如係由XＸ藥副作用引起嘅關節痛），emu oil係咪可以直接幫到多數人關節痛呢點我覺得算係存疑，所以你講得岩，如果懷孕時想改善膝痛，我會建議你食返魚油，一黎懷孕本身都需要DHA，二黎比較safe，每日食返0.9-1克就ok（DHA最少要有200毫克for BB）
而呢隻搓手係世衞配方，備孕懷孕都冇問題 
冇問題啊，生完就可以食啦 
你好postpet，你嘅觀察力好好! 如果你問我嘅講，我嘅short answer係，分得開就分開食 
鈣同鐵一直以黎大家都知有機會互相影響吸收，而近年確實有研究指出我哋身體會識得適應呢個情況而自行調整，不過就算適應都需要時間，所以如果可行，我都會建議分返開鈣同鐵食。
點解有啲綜合維他命會有鈣又有鐵？
市面上有好多維他命會將鈣同鐵放埋一齊，其實綜合維他命入邊通常鈣同鐵嘅含量都唔會話太高，所以兩者之間嘅競爭相對冇咁激烈，而且就算吸收減少左，都起碼達到「食一隻綜合維他命，就補充到唔同種類營養」嘅效果，已經滿足到大部分人嘅需要
但如果本身你係缺鐵性貧血呢類需要補充大量鐵質嘅人士，食鐵丸時就更加應該同鈣分返開，以免影響吸收啦
睡前食鈣片易生腎石？
普通人其實幾時食鈣片正常都唔會生腎石，通常要留意嘅情況包括：
如果想再safe啲，記得每日飲多啲水，同少啲食含高草酸嘅食物（例如菠菜）同避免一日攝取太多鹽分就更好了
你好 我現在5周 睇醫生問過食咩supplements 醫生話葉酸就夠 最近食緊doctors best 400mcg葉酸 但心郁郁想轉愛樂維 好似多啲維他命 但見到同時有鈣同鐵 會唔會唔係咁好？ 定食返doctors best就夠？thanks
Thank you so much for your reply, Victor! 
你好 我現在5周 睇醫生問過食咩supplements 醫生話葉酸就夠 最近食緊doctors best 400mcg葉酸 但心郁郁想轉愛樂維 好似多啲維他命 但見到同時有鈣同鐵 會唔會唔係咁好？ 定食返doctors best就夠？thanks
Hello!請問30中備孕既話食以下supplement 足唔足夠？
Hello Victor, 想請問產後要幾耐先可以食乳果糖？
Thanks
你好啊sowa! 如果平時做到均衡飲食理論上齋葉酸都ok，不過都市人通常都比較難做到同埋確保每種營養都足夠，所以我覺得大肚嘅基本組合係孕婦多種維他命（要包葉酸）+至少每日200毫克DHA，當然可以再視乎情況睇需唔需要加其他野或者分開食某啲野，例如：
如果本身爸爸媽媽係敏感底（有濕疹／鼻敏感／哮喘）可以加益生菌（例如係lactobacillus rhamnosus或者LGG菌）；
如果本身個人容易便秘或者有胃氣，就可以揀隻冇鈣嘅媽媽維他命（冇記錯Nestle mom係咁），再搵隻檸檬酸鈣片食
Hello misska，so far就未見有資料顯示葉酸會造成經痛，但PCOS本身就有可能令經期亂或者經痛，所以如果keep住係咁都要搵醫生再check check睇下會唔會係身體荷爾蒙水平有問題
咁你先生真係中曬異位性體質嘅三大症狀 
之前有份paper係用LGG菌，大肚時同BB出世後比佢食，發現去到4歲為止，有濕疹嘅機會比冇食LGG菌嘅小朋友低4成左右，不過媽媽都要記住relax啲，如果唔係反而會增加BB濕疹機會架
基本上你有需要都可以食，乳果糖算係比較溫和嘅通便藥，甚至懷孕緊都可以用，不過最緊要記得飲足夠水分就ok!
黎緊我會透過email同大家一齊傾下媽媽會遇到而且比較得意嘅問題，我會盡可能揀啲大家平時聽得少嘅話題，如果大家有興趣join呢個email list，可以用條link填返自己email就ok（如果大家諗到／遇到得意嘅問題都歡迎同我share下）
你好，藥劑師，請問宮外孕切除輸卵管後，想再備孕，女士除咗葉酸，有無其他supplement建議男女雙方食？FH PRO好唔好？另外澡油DHA備孕時食，得唔得？因為之前買定，就過期！感謝
岩岩冇揀到Reply功能重post一次先～
目前冇咩supplement係可以特別預防宮外孕，所以備孕方面都同普通女士一樣，最基本係葉酸，可以加埋多種維他命避免因為缺乏某種營養而無法懷孕，FH PRO都算係唔錯嘅選擇
如果男女士年紀較大可以考慮加埋CoQ10 200毫克，男士可以再加埋acetyl-L-carnitine增加精子活力，而至於DHA備孕時就當然可以食！ 
你好Victor. 現時懷孕13週，買左Isotonix孕婦綜合維他命，因為喺外國買返嚟唔知適唔適合亞洲人食用，請問分量是否正常？見維他命A(胡蘿蔔素)1200mcg , 加上其他維他命分量都比elevit 多，會唔會吸收得太多唔好？如果每日只食一半分量得唔得？而calcium 就只得150mg， 係咪而家要另外補鈣同埋DHA先足夠呢?Thank you！
你好啊helena，維他命A個邊唔洗擔心，因為我哋平時話媽媽唔食得維他命A，其實係指「活性維他命A」，而呢隻我睇佢標籤係講入邊係「胡蘿蔔素」，當我哋身體有需要時，先會將胡蘿蔔素轉化成活性維他命A，正如大家講話懷孕唔食得豬肝，但冇聽過懷孕唔食得紅蘿蔔，就係咁解
我望落呢隻佢入邊營養嘅份量都唔算話真係好高，跟足佢食法都冇問題（甚至如果唔係你已經13週，我會建議你再加葉酸食，因為佢其實得486 mcg DFE，即係大概相等於290mcg葉酸，比起一般建議懷孕首12週每日至少攝取400mcg葉酸仲低），
另外你講得好岩，食呢隻要再加鈣（孕婦每日建議攝取1000毫克，不過要留意好多鈣片會加埋維他命D，但Isotonix入邊已經有足夠維他命D，所以你要搵冇加D嘅鈣片）同DHA（每日至少200毫克）就ok 
你好 victor 想問老公如果精液motility 得40 ，有咩supplement 可以加強呢？有需要買profertil嗎？定有冇咩經濟少少既alternative呢？謝謝
Victor, 想請教下產後有咩supplement 要食返？我餵人奶，食葉酸，益生菌同鈣夠唔夠？又食幾多劑量比較合適？謝謝
Hello,
想請問一下 elevit stage 1, 如果日日食，其實需唔需要怕vitamin A and Folic Acid多得濟？
特別係vitamin A，佢有770ug, 見好多媽媽都怕太多，而特登買澳洲版（冇vitamin A）, 但澳洲版我見又多咗iodine.
所以有啲擔心其實港版嘅elevit日日食都ok?
