關心自己同屋企人身體係一件好事黎，我哋逐條go over la 
第一個係腸胃問題，其實食高纖食物都會增加放屁機會，因為雖然我哋身體消化唔到纖維，但腸入邊嘅細菌可以，而呢個分解過程就會產生氣體，所以你可以揀返一啲for腸胃嘅益生菌，我幫你check咗比較多evidence嘅菌包括bifidobacterium lactis+lactobacillus acidophilus（品牌例子有Proven，不過應該仲有好多牌子都有呢兩種菌）或者係Saccharomyces boulardii（品牌例子有Bioflor，印象中淨係佢有呢種菌），呢啲益生菌除左可以減少臭屁之外，對止輕瀉／軟便都會有啲幫助
如果小產過，最重要係要keep住補充足夠葉酸，加上前面提過嘅NAC，但就未必咁容易買到，唔計上網iherb嘅話，我就淨係見過GNC有 
指甲出現白點有好多原因，例如係缺乏鋅/鈣、對指甲油敏感，一般就對身體冇乜影響，最麻煩嘅情況係真菌感染（即係平時講嘅灰甲），通常灰甲會發現有指甲變厚變脆同埋指甲會變做黃灰色，如果冇呢啲症狀嘅話，其實都唔洗擔心，注意返均衡飲食，平時令下奶都已經ok 
好多謝你既詳細回覆啊!
唔洗客氣，希望幫到你 
Hello victor! 我同先生30頭， 試左3個月都未有聲氣 
之前做body check先生嘅精子形態完整率得1%，依家我地食緊elevit 準爸爸準媽媽配方，想問下仲有咩supplement 可以食下？
我自己經期好準時，但用親排卵棒都好似冇test 到排卵咁， 係咪身體有咩問題呢？
另外，我自己有皮膚敏感同腸胃敏感， 如果遲啲想預防小朋友有敏感、 有咩supplement 比較適合呢？
多謝解答！
Victor
你好
最近去大便有d困難，有便意，但便便太乾太硬，又唔可以用力，結果每次都要坐成30分鐘以上
聽其他媽媽講飲乳果糖加水，係可以軟便
請問係唔係適應大部分孕婦飲，有冇需要留意嘅地方？
謝謝
我想問。。
食避孕藥21日裝，停7日再開藥。
咁係停嗰7日，同啱啱食第2排嘅頭幾日
是否都可以不用避孕套？
我上網睇過，話即使停嗰7日，都可以做，有避孕效果，謝謝
你好啊Meowmeow，如果精子形態少過4%嘅話，確實屬於偏低水平，除左男士elevit入邊嘅成分之外，N-acetyl cysteine（NAC）同Coenzyme Q10都有研究做過係幫到精子方面，CoQ10嘅研究通常集中講改善精子數量同活力，而NAC就再全面啲（改善數量、活力再加形態），所以你先生可以加埋NAC每日食600mg，對改善精子質量會更有幫助
至於test唔到排卵嘅問題，有時可以係有經期但冇排卵，例如係食緊避孕藥嘅時候，所以經期正常都有可能排卵出現問題。如果驗唔到排卵，有可能真係個cycle冇排到卵（例如太大壓力、體重過重或過輕、過量運動 - 例如每星期做七小時或以上有氧運動會令身體消耗太多，反而影響生育），亦都有可能係LH荷爾蒙下降得太快你miss咗，所以你可以先試下係經期中間每日驗兩次排卵，睇下搵唔搵到排卵，如果都係見唔到就應該搵醫生check下啦 
如果係想預防小朋友敏感，可以係懷孕期間同bb出世之後keep住比佢食益生菌，依家比較多研究用黎預防敏感嘅益生菌種類有lactobacillus rhamnosus HN001同埋lactobacillus rhamnosus GG（LGG菌） 
孕婦用通便藥最緊要補充充足水分就ok，乳果糖算係比較溫和嘅選擇 
另外一樣可以試嘅野係西梅汁，佢入邊有sorbitol，效果同乳果糖都類似，之前拍咗一條片有講深入少少（例如西梅汁嘅食用分量同點樣揀適合媽媽食用嘅乳酪），如果有興趣都可以睇下同support下
同埋都好歡迎大家比意見同話我聽有冇咩topic想知多啲 
冇錯，跟住指示食pills嘅話，你身體就唔會排卵，所以個保護效果都可以一直持續
多謝你嘅詳細解答！
謝謝victor解答
我一定會睇你段片嘅
謝謝你。
成日都驚，無食藥嗰7日，做嘅話，如不帶套會有咗
唔洗客氣！
多謝，每份支持都對我黎講都係好大鼓勵 
如果有啲野唔肯定，我有時都會凝住有啲野係心入邊咁 
段片都整得幾得意
加油
Victor你好呀～加油呀！會支持你拍片～
之前見好多人話食呢款supplement之後bingo [FH Pro]
(Fairhaven Health, FH Pro for Women, Clinical-Grade Fertility Supplement, 180 Capsules)
搞到我心思思想試試
我見佢葉酸好高下，以我所知道suppose一日唔應該超過1000mcg?
想問呢款supplement成分ok嗎？一日要食6粒。
另外我想問呢款suppement可唔可以同排卵藥一齊食？
例如Clomid 100mg.
Thank you!!!
Thank you Ashley! 
葉酸嘅單位好多人都容易撈亂，如果得閒睇下唔同產品會見到有啲單位係「mcg」，有啲係「mcg DFE」。
簡單黎講，前者係葉酸folic acid嘅單位，而後者係膳食葉酸folate嘅單位，我哋平時講嘅每日唔超過1000mcg係用緊folic acid單位，而mcg轉mcg DFE就要乘返1.7，即係：
1000 mcg = 1700 mcg DFE
所以調返轉：
1360 mcg DFE = 1360/1.7 = 800 mcg < 1000 mcg
（咁岩呢期就係準備緊一條教大家點揀葉酸產品嘅影片，遲啲會喺入邊再分享多啲 ）
成分黎講，我見佢孕期營養都充足，另外都加咗一啲抗氧化成分落去，不過劑量就唔算高，如果基本備孕呢隻已經足夠
至於clomid可以同佢一齊食啊，希望幫到你
好感激你咁detailed嘅解釋呀～～～ 好期待你條葉酸片
我之前一開始備孕選擇葉酸都好多疑惑
跟住後期越加越多supplements先開始無咁緊張
所以條片應該都會幫到好多人 
其實我已經試左好多個cycle
之前一直都係食緊以下嘅supplements：
Evening primrose oil (排卵前), 肌醇 （排卵前）
魚油（排卵後）
維他命D3, C, E, Folate（whole cycle）
我想問，如果我真係入手FH Pro，係咪以上嘅supplements全部可以停，就淨係食FH Pro就已經夠？
因為FH Pro間公司另外有出一款叫FertilAid (Fairhaven Health, FertilAid 女性健康支持膠囊，90 粒裝)，
我爬文就見到好多人話醫生唔建議同clomid一齊食
所以先好奇FH Pro可唔可以，我email問過佢地佢地又答得好含糊····
Thank you so much! 
請問Victor 乙肝帶菌者可唔可以食CoQ10當做日常保健supplement用?
有朋友曾經因為想護眼而買過葉黃素食，點知食完肝酵素上升，真係好擔心，好在一停食啲指數就回落返。其實食supplement 都係想健康，估唔到會有反效果，令到我自此之後都好小心去選擇supplement，要了解清楚先敢食。