多謝你
1個讚
我都冇留意magnesium有咁多，多謝你提醒！不過我一日都食唔到建議食量(建議三粒，我通常都係的食一、兩粒） 
聽你咁講，可能都係換過隻鈣片好啲！
多謝你解答！學識咗好多嘢
1個讚
我用排卵紙發覺今個月疑似無排卵····
睇forum有JM話可以試試食聖潔莓supplement
我想問多數乜情況下要食用聖潔莓supplement？
我見description係for hormonal imbalance…
食左係咪真係會有幫助？
感謝！
你好啊bobo，簡單歸納下：
Materna：含維他命（包括葉酸）同礦物質，滿足備孕懷孕嘅基本需要
Ovaboost：含葉酸加一啲抗氧化物質，幫助改善卵子質素
FH Pro：類似Materna+Ovaboost
FertilAid：含維他命（包括葉酸）同礦物質，再加一啲減輕壓力、同埋幫助經期規律啲嘅成分
所以備孕嘅話，你有幾種選擇，
Ａ餐基本營養：Materna
Ｂ餐進階版（基本營養+改善卵子質素）：FH Pro（或者Materna+Ovaboost）
Ｃ餐進階版（基本營養+改善經期規律）：FertilAid
大概係咁 
1個讚
唔洗客氣
我成日都覺得懷孕其實同讀多個degree冇乜分別
2個讚
女性月經關聯嘅荷爾蒙其實好複雜，聖潔莓本身唔係荷爾蒙，但可以調節荷爾蒙嘅分泌，令經期規律啲。
而有啲paper都有講Vitex可以改善LH分泌，幫助排卵，所以你嘅情況可以試下啊！
但都要留意返，如果35歲以下試左一年（如果35或以上試半年）都無辦法大肚，就建議睇醫生啦，因為有時有啲婦科病（e.g. PCOS, 子宮內膜異位）都會影響排卵或者係懷孕機會，搵醫生做個body check就最穩陣！
1個讚
想請教VICTOR, 我備孕中會準備第2次IVF. 想改善卵子數量及質素.
現時服食Q10 , 綜合維他命 , DHA , 葉酸. 請問有需要增加那一款supplement嗎?
謝謝
如果呢個劑量一日一粒都已經足夠，大肚時DHA每日食200mg就可以啦 
如果食高啲劑量嘅DHA/EPA，最主要嘅concern係擔心佢嘅薄血作用，會令生個時大出血，所以你可以臨生之前嘅兩個星期停用DHA，但如果每日食200mg DHA，就可以唔洗停都得
1個讚
你食呢幾樣都好足夠，不過要留意下綜合維他命入邊會唔會都有葉酸，
另外都可以考慮加alpha lipoic acid，都係一種可以改善卵子質素嘅補充品。
請問for 懷孕婦女, calcium 一日要食幾多?
另外, 我追post 見你講過 DHA+EPA要食到900-1000mg (per day?). 我本身備孕食緊elevit (粉紅色) 我見包左DHA嘅藍色裝得好少DHA (~280mg).
請問你有無recommend 的綜合維他命brand ?
在想問多條, 你點睇藻油, 同魚油比? 建議食嗎?
終於都明白哂！多謝你呀！好感動 
1個讚
孕婦每日攝取到1000mg鈣就ok，唔一定要食supplement，平時飲奶或者食街市買一磚磚個種加咗石膏嘅豆腐都計
DHA+EPA嘅劑量要睇返你平時有冇食魚嘅習慣，孕婦需要嘅DHA係基於日常攝取量再額外加多200mg，所以平時均衡飲食嘅話，只需要補充200mg DHA就滿足到建議量，但如果平時冇乜點食深海魚嘅話，補充900-1000mg就一定足夠（DHA/EPA算係好安全嘅成分）。
綜合維他命就真係要睇返每個人嘅情況，例如會唔會容易便秘或者容易孕吐/胃痛，前者就最好揀啲冇鈣嘅綜合維他命再自己加檸檬酸鈣，後者就可以揀啲冇鐵甚至淨係食住純葉酸同DHA，去到懷孕中期(大概20週)先轉返食綜合維他命
藻油同魚油最大分別係佢更唔容易受污染（因為biomagnification嘅效應，即係食物鏈入邊越高嘅生物越容易累積重金屬，而藻類係食物鏈入邊嘅最底層），所以亦都係點解咁多媽媽DHA都標榜用藻油
1個讚
咁就好，唔洗客氣！ 
Victor 你好，請問初期懷孕食elevit 2(藍色有DHA果隻)，另外撘calcium citrate 350mg，呢個配搭可以嗎？350mg 鈣係咪早晚各一粒？如果太早食DHA係咪唔係咁好? 仲有懷孕可唔可以飲黑豆水? Sorry I hv too many questions!
No problem 
冇錯，elevit 2 + 早晚一粒calcium citrate咁樣ok DHA一開始懷孕就食都冇問題架！
不過黑豆我就唔太建議，因為入邊有大豆異黃酮（類似雌激素），可能會令體內荷爾蒙紊亂啲，除左中醫指示之外，懷孕期間我會建議避免飲用黑豆水 
冇錯，就係佢啦 
ok thanks so much ar!!
1個讚